Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Howhinwhẹn lẹ 7:1-27

NUHE E BẸHẸN LẸ

  • Kẹalọyi gbedide Jiwheyẹwhe tọn lẹ (1-5)

  • Jọja wunvinọ yin kiklọ (6-27)

    • “Di oyìnsú he jei hùhùtẹn” (22)

7  Visunnu ṣie, payi nuhe dọ n’te lẹ go, Bo yí gbedide ṣie lẹ whlá.+   Yìn gbedide ṣie lẹ bo nọgbẹ̀;+ Basi hihọ́na anademẹ* ṣie taidi nukunzìn towe.   Sìn yé do alọvi towe lẹ go; Kàn yé do ahun towe mẹ.+   Dọna nuyọnẹn dọ, “Hiẹ wẹ nọviyọnnu ṣie,” Bosọ ylọ nukunnumọjẹnumẹ dọ “hẹnnumẹ ṣie,”   Nado nọ basi hihọ́na we sọta yọnnu gblewanọ,*+ Yèdọ sọta yọnnu fẹnnuwatọ* po ohó vivi* etọn lẹ po.+   Fleṣe ohọ̀ ṣie tọn nù, Wẹ yẹn to nupọn hlan odò sọn, gbọn baṣẹ́ he nọ nọ̀ fleṣe nù mẹ,   Bọ dile n’to wunvinọ* lẹ pọ́n, N’doayi dẹpẹ de go to jọja lẹ mẹ he zinzin* whèdo.+   E jugbọn tòhomẹ-liho lọ ji sẹpọ aliklan yọnnu lọ tọn, Bosọ zinzọnlin dedo ohọ̀ yọnnu lọ tọn kọ̀n   To whèjai plẹplẹ, yèdọ dile tenu to dido,+ To whenue ozán to kúkú bọ zinvlu to dido. 10  Whenẹnu, n’mọ bọ yọnnu de wá pé e, Bo sọnú* di yọnnu galọtọ de,+ he tindo ahun mẹkiklọ tọn. 11  Yọnnu zingidinọ podọ tasinyẹntọ de wẹ.+ E ma nọ sinai do* whégbè gbede. 12  Zande, e nọ tọ́n, zande e nọ yì tòplitẹn lẹ, E nọ tọ̀wu dai sẹpọ aliklan lẹpo.+ 13  E dọ̀n dẹpẹ lọ bo donùnùgo na ẹn; E sọ sinyẹn nukun bo dọna dẹpẹ lọ dọmọ: 14  “N’dona basi avọ́sinsan jijọho tọn lẹ.+ N’ko de opà ṣie lẹ to egbé. 15  Enẹwutu wẹ n’do tọ́n wá pé we, Nado wá dín we bo mọ we! 16  N’ko tẹ́ avọ̀ dagbedagbe lẹ do adọzan ṣie ji, Yèdọ alavọ whanpẹnọ Egipti tọn.+ 17  N’ko húnhún zuya, aloẹsi po kinamọni po do adọzan ṣie ji.+ 18  Wá, gbọ mí ni nù owanyi mítọn gọ́ho kakajẹ afọnnu; Gbọ mí ni duvivi owanyi zogbe tọn dopọ, 19  Na asu ṣie ma to whégbè; E ko tọ́nwhẹ̀n yì fidindẹn. 20  E hẹn apò akuẹ tọn de yì, E ma na lẹkọ kakajẹ azán he gbè osun blebu na sọawuhia.” 21  E yí linlẹndiọnamẹ daho de do klọ dẹpẹ lọ.+ Ohó vivi wẹ e yí do klọ ẹ. 22  To ajiji mẹ, dẹpẹ lọ hodo e gọ̀-gọ̀-gọ̀ di oyìnsú he jei hùhùtẹn nkọ, Kẹdẹdi nulunọ de he na yin yasana to osópò* mẹ,+ 23  Kaka ogá de do sọ́ otù etọn; Kẹdẹdi ohẹ̀ de he to mizọnmizọn ji jei omọ̀ mẹ, e ma yọnẹn dọ ogbẹ̀* emitọn wẹ to owù mẹ.+ 24  Enẹwutu todin, visunnu ṣie lẹ emi, mì dotoaina mi; Mì na ayidonugo ohó he dọ n’te lẹ. 25  A dike ahun towe lẹhlan aliho yọnnu enẹ tọn lẹ ji blo. A danbú yì ali etọn lẹ ji blo,+ 26  Na e ko hẹn okú wá na mẹsusu,+ Podọ sọha mẹhe e ko hù lẹ tọn sù taun.+ 27  Yọdò* mẹ wẹ ohọ̀ etọn nọ planmẹ yì; Abò okú tọn lẹ mẹ wẹ e nọ hẹnmẹ jẹte yì.

Nudọnamẹ Odò Tọn

Kavi “osẹ́n.”
To paa mẹ, “jonọ.” Pọ́n Hwh 2:16.
To paa mẹ, “jonọ.” Pọ́n Hwh 2:16.
Kavi “ohó oklọ tọn.”
Kavi “mẹhe ma tindo numimọ.”
To paa mẹ, “ahun.”
Kavi “Bo do awù.”
To paa mẹ, “Afọ etọn ma nọ gbọṣi.”
Kavi “gẹdẹ.”
Kavi “alindọn.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.