Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Howhinwhẹn lẹ 31:1-31

NUHE E BẸHẸN LẸ

  • OAHỌLU LEMUẸLI TỌN LẸ (1-31)

    • Mẹnu wẹ gán mọ asi nugopetọ? (10)

    • Vivẹnudido po azọ́n sinsinyẹn po (17)

    • Homẹdagbe nọ to odẹ́ etọn ji (26)

    • COvi etọn lẹ po asu etọn po nọ pà ẹ (28)

    • Nukunmẹ dagbe po whanpẹ po yin na ojlẹ gli (30)

31  Ohó Ahọlu Lemuẹli tọn lẹ, yèdọ owẹ̀n vivẹ́ he onọ̀ etọn yí do na ẹn anademẹ+ dọmọ:   Etẹwẹ n’gán dọna we, visunnu ṣie E, Etẹwẹ n’gán dọ, visunnu he wá sọn adọ̀ ṣie mẹ E, Podọ etẹwẹ pò, hiẹ visunnu pàdido ṣie lẹ tọn E?+   A dike yọnnu lẹ vọ̀ huhlọn towe blo,+ Kavi a hodo aliho he nọ và ahọlu lẹ sudo blo.+   Lemuẹli E, e ma yin ahọlu lẹ tọn, Mọwẹ, e ma yin ahọlu lẹ tọn nado nọ nù ovẹn Kavi gandutọ lẹ tọn nado nọ dọ dọ, “Fie wẹ ahàn ṣie te?”+   Na yé nikaa nù bo wọnji osẹ́n go Bo wá gada jlọjẹ agbátọnọ lẹ tọn.   Mì jo ahàn sinsinyẹn do na mẹhe to dindọn lẹ+ Podọ ovẹn do na mẹhe to ayimajai sinsinyẹn mẹ* lẹ.+   Gbọ yewlẹ ni nù bo wọn ohẹ́n yetọn; Gbọ yé ni masọ flin nuhahun yetọn lẹ ba blo.   Nọ dọho do unbọpẹnnọ lẹ tamẹ; Nọ yiavùnlọna jlọjẹ mẹhe to dindọn lẹpo tọn.+   Nọ dọho bo nọ dawhẹ dodo; Nọ yiavùnlọna jlọjẹ* agbátọnọ po wamọnọ po tọn lẹ.+ א [Alẹfi] 10  Mẹnu wẹ sọgan mọ asi nugopetọ* de?+ E họakuẹ taun hú aṣápán* lẹ. ב [Bẹti] 11  Asu etọn nọ yí ahun lẹpo do dejido e go, Asu etọn masọ nọ jẹdò nuhọakuẹ de tọn. ג [Gimẹli] 12  Dagbe wẹ e nọ yí do suahọ asu etọn, e ma yin oylan, To gbẹzan etọn lẹpo mẹ. ד [Dalẹti] 13  E nọ dín kanlin-fún po alavọ po mọ; Homẹ etọn nọ hùn nado yí alọ etọn lẹ do wazọ́n.+ ה [He] 14  E nọ taidi tọjihun ajọwatọ de tọn lẹ,+ Bo nọ hẹn núdùdù etọn wá sọn fidindẹn. ו [Wau] 15  E nọ fọ́n to whenue ai ma ko họ́n, Bo nọ wleawu núdùdù tọn na whédo etọn Bosọ nọ má na deviyọnnu etọn lẹ.+ ז [Zayini] 16  E nọ ze ayiha etọn do ogle de ji bo nọ họ̀ ẹ; E nọ do vẹngle gbọn tuklajijẹ edetiti tọn gblamẹ.* ח [Hẹti] 17  E nọ wleawudaina azọ́n sinsinyẹn,*+ Bo nọ na huhlọn awà ede tọn. ט [Teti] 18  E nọ mọdọ ajọ́ emitọn nọ hẹn ale wá; Miyọ́ngbán etọn ma nọ ṣí to zánmẹ. י [Yodi] 19  E nọ yí alọ etọn lẹ do opò he nọ lọ̀n avọ̀ go, Bo nọ yí alọ etọn lẹ do hẹn avọ̀lọnnú.+ כ [Kafi] 20  E nọ dlẹnalọ etọn hlan agbátọnọ nado gọalọ, E sọ nọ hùn alọ etọn na wamọnọ.+ ל [Lamẹdi] 21  E ma nọ hanú gando whédo etọn go, na osin-agó wutu, Na whédo etọn pete wẹ ko do awù he nọ hlá yozò* lẹ. מ [Memi] 22  Ewọ lọsu wẹ nọ basi avọ̀ he nọ yin ṣinṣinyọn do adọzan etọn ji lẹ. Alavọ po sopẹ́-vọ̀ po wẹ e nọ do. נ [Nuni] 23  Asu etọn nọ yin yinyọnẹn ganji to họngbo tòdaho lọ tọn lẹ ji,+ Yèdọ fie e nọ sinai to mẹho otò lọ mẹ tọn lẹ ṣẹnṣẹn te. ס [Samẹki] 24  E nọ basi awù alavọ tọn* lẹ bo nọ sà Bosọ nọ sà gbànnú susu dopọ ji na ajọwatọ lẹ. ע [Ayini] 25  E tindo huhlọn po whanpẹ daho po, Bosọ nọ pọ́n sọgodo hlan po jide po.* פ [Pe] 26  E nọ kẹnù etọn to nuyọnẹn mẹ;+ Osẹ́n homẹdagbe tọn* sọ tin to odẹ́ etọn ji. צ [Tisade] 27  E nọ deanana azọ́n whédo etọn tọn, Bo ma nọ dù núdùdù adidọ tọn.+ ק [Kọfi] 28  Ovi etọn lẹ nọ fọ́n bo nọ ylọ ẹ dọ ayajẹnọ; Asu etọn nọ fọ́n bosọ nọ pà ẹ. ר [Lẹṣi] 29  Yọnnu nugopetọ* susu wẹ tin, Ṣigba hiẹ—hiẹ tọ́nta hú yemẹpo. ש [Ṣini] 30  Nukunmẹ dagbe sọgan yin oklọ, podọ whanpẹ sọgan yin na ojlẹ gli,*+ Ṣigba, yọnnu he nọ dibusi Jehovah na nọ yin pipà.+ ת [Tau] 31  Mì na ẹn ale nuhe e nọ wà lẹ tọn,*+ Bo gbọ azọ́n etọn lẹ ni pà ẹ to họngbo tòdaho lọ tọn lẹ ji.+

Nudọnamẹ Odò Tọn

Kavi “mẹhe alindọn yetọn to awufiẹsa mẹ.”
Kavi “Nọ yí owhẹ̀ dọ na.”
Kavi “jijọ dagbenọ.”
Pọ́n Zẹm.
Kavi “sọn ale etọn titi mẹ.” To paa mẹ, “sọn sinsẹ́n alọ etọn lẹ tọn mẹ.”
To paa mẹ, “nọ yí huhlọn do blagbajana alinkàn etọn.”
To paa mẹ, “awù awe topọ.”
Kavi “awù odò tọn.”
Kavi “nọ kò azán he ja.”
Kavi “Anademẹ owanyi tọn; Osẹ́n owanyi nugbo tọn.”
Kavi “jijọ dagbenọ.”
Kavi “yin ovọ́.”
To paa mẹ, “Mì na ẹn sọn sinsẹ́n alọ etọn lẹ tọn mẹ.”