Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Howhinwhẹn lẹ 29:1-27

NUHE E BẸHẸN LẸ

  • Ovi he yè joalọdokọji na nọ dowinyanmẹ (15)

  • Matin numimọ, gbẹtọ lẹ nọ jẹ jlòkoko (18)

  • Mẹhe nọ yawu gblehomẹ nọ dà avùn dai (22)

  • Whiwhẹnọ nọ mọ gigo yí (23)

  • Obu gbẹtọ tọn yin omọ̀ de (25)

29  Mẹhe nọ hẹn okọ̀ etọn sinyẹn* to wọhẹ pludopludo godo+ Wẹ yè na gídí to ajiji mẹ matin pọngbọ.+   Eyin dodonọ lẹ sù, gbẹtọ lẹ nọ jaya, Ṣigba, eyin mẹylankan dugán, gbẹtọ lẹ nọ wẹnhun.+   Mẹhe yiwanna nuyọnẹn nọ hẹn homẹ otọ́ etọn tọn hùn,+ Ṣigba, mẹhe nọ dogbẹ́ hẹ galọtọ lẹ nọ zan adọkunnu etọn lẹ do apà mẹ.+   Gbọn whẹdida dodo dali wẹ ahọlu de nọ hẹn otò etọn lodo,+ Ṣigba, mẹhe nọ to alọgodo-kuẹ dín nọ họ́ ẹ liai.   Mẹhe nọ to pipà oklọ tọn na kọmẹnu etọn To odọ̀ de tá dai na afọ ede tọn.+   Sẹ́nhẹngba mẹylankan de tọn wẹ nọ domọwle e,+ Ṣigba, dodonọ nọ yí ayajẹ do dawhá bo nọ jẹaglin.+   Jlọjẹ wamọnọ lẹ tọn he sọgbe hẹ osẹ́n nọ duahunmẹna dodonọ,+ Ṣigba, mẹylankan ma nọ tindo ahunmẹdunamẹnu mọnkọtọn depope.+   Awagundotọ lẹ nọ símiyọ́n tòpẹvi de,+ Ṣigba, nuyọnẹntọ lẹ nọ lẹ́ homẹgble sẹ̀.+   Eyin nuyọnẹntọ biọ nudindọn de mẹ hẹ nulunọ, Awhá po mẹṣanko po wẹ na tin to finẹ, ṣigba gbekọndopọ ma na tin.+ 10  Mẹhe nugbla ohùn tọn to hùhù lẹ nọ gbẹwanna mẹdepope he yin homẹvọnọ,*+ Yé sọ nọ tẹnpọn nado hù nugbonọ.* 11  Nulunọ nọ túntún numọtolanmẹ* etọn lẹpo jẹgbonu,+ Ṣigba, nuyọnẹntọ nọ gbọn homẹfa dali dava popolẹpo.+ 12  Eyin gandutọ de nọ na ayidonugo lalo lẹ,+ Devizọnwatọ etọn lẹpo wẹ na lẹzun mẹylankan. 13  Wamọnọ po kọgbidinamẹtọ po tindo ehe to kọndopọ mẹ:* Jehovah wẹ nọ na hinhọ́n nukun yé omẹ awe lẹ tọn.* 14  Eyin ahọlu de nọ dawhẹ jijlọ na wamọnọ,+ Ofìn etọn na lodo zọnmii.+ 15  Obá* po wọhẹ po nọ namẹ nuyọnẹn,+ Ṣigba, ovi he yè joalọdokọji na wẹ nọ dowinyan onọ̀ etọn. 16  To whenue mẹylankan jideji, sẹ́nhẹngba nọ jideji, Ṣigba, dodonọ lẹ na mọ aijijẹ yetọn.+ 17  Nọ domẹplọnlọ visunnu towe go, ewọ nasọ na we gbọjẹ; Ewọ nasọ hẹn homẹ towe* hùn taun.+ 18  Fie anademẹ Jiwheyẹwhe tọn* ma tin te, gbẹtọ lẹ nọ jẹ jlòkoko,+ Ṣigba, ayajẹnọ wẹ mẹdepope he nọ yìn osẹ́n.+ 19  Devizọnwatọ de ma na dike yè ni yí ohó do wọhẹ ẹ, Na dile e tlẹ mọnukunnujẹemẹ, e ma nọ setonu.+ 20  Be a ko mọ mẹde he nọ nọ̀ plaplaji nado dọho pọ́n ya?+ Todido tin na nulunọ hú ewọ.+ 21  Eyin devizọnwatọ de nọ yin kikẹ́ sọn ovu whenu, E na wá lẹzun mayọndagbenọ to godo mẹ. 22  Mẹhe nọ yawu gblehomẹ nọ dà avùn dai;+ Mẹdepope he nọ yawu duadi nọ ṣinuwa whlasusu.+ 23  Sakla gbẹtọ tọn wẹ na whiwhẹ ẹ,+ Ṣigba, mẹdepope he tindo gbigbọ whiwhẹ tọn wẹ na mọ gigo yí.+ 24  Mẹhe nọ dogbẹ́ hẹ ajotọ gbẹwanna ede.* E sọgan sè oylọ nado wá dekunnu,* ṣigba e ma na dọ nudepope.+ 25  Sisọsisọ to gbẹtọ nukọn* yin omọ̀ de,*+ Ṣigba, mẹhe nọ dejido Jehovah go na yin hihọ́-basina.+ 26  Mẹsusu wẹ nọ dín nado yì gandutọ de nukọn,* Ṣigba, Jehovah dè wẹ gbẹtọ sọgan mọ whẹdida dodo te.+ 27  Osùnú de wẹ mẹhe ma nọ dawhẹ dodo yin na dodonọ,+ Ṣigba, mẹhe aliho etọn jlọ nọ yin osùnú de na mẹylankan.+

Nudọnamẹ Odò Tọn

Kavi “Mẹhe nọ to tasinyẹn.”
Kavi “madoblọnọ.”
Kavi vlavo, “Ṣigba, nugbonọ nọ tẹnpọn nado basi hihọ́na ogbẹ̀ ede tọn.”
To paa mẹ, “gbigbọ.”
To paa mẹ, “nọ pli dopọ.”
Enẹ wẹ, E nọ na yé ogbẹ̀.
Kavi “Mẹplọnlọ; Yasanamẹ.”
Kavi “alindọn towe tọn.”
Kavi “numimọ dọdai tọn; osọhia.”
Kavi “alindọn ede tọn.”
Kavi “sè whiwhle de he bẹ dẹ̀hodo hẹn.”
Kavi “Obu gbẹtọ tọn.”
Kavi “nọ do omọ̀ namẹ.”
Kavi vlavo, “dín nukundagbe gandutọ de tọn.” To paa mẹ, “dín nukunmẹ.”