Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Howhinwhẹn lẹ 23:1-35

NUHE E BẸHẸN LẸ

  • Yin wuntuntunnọ whenue a to alọkẹyi johẹmẹ (2)

  • A doafọna adọkun blo (4)

  • Adọkun gán zlọn yì (5)

  • A tin to mẹhe nọ nùahànmú lẹ mẹ blo (20)

  • Ahàn nọ hẹ̀nadumẹ di odàn (32)

23  Whenue hiẹ sinai nado dùnú hẹ ahọlu de, Yí sọwhiwhe do lẹnnupọndo nuhe tin to nukọn towe ji;   Ze ohí do vẹ́go ji na dewe* Eyin huvẹ hù we taun.*   A tindo ojlo vẹkuvẹku na onú dojó etọn lẹ blo, Na núdùdù oklọ tọn wẹ.   A do magbọjẹ na dewe nado sọgan jẹ adọkun blo.+ Yì agbọ́ji bo do wuntuntun hia.*   Whenue hiẹ na ze nukun towe deji, e ma na tin ba,+ Na ayihaawe ma tin dọ e na wú awà di akùn bo zlọn yì agahomẹ.+   A dù núdùdù wọnkutọ de* tọn blo; A sọ tindo ojlo na onú dojó etọn lẹ blo,   Na ewọ taidi mẹhe nọ to hihia dokọnamẹ.* Ewọ na to didọna we dọ, “Dù bosọ nù,” amọ́ e ma wá sọn ahun mẹ.*   Hiẹ na wá slú nuhe a dù lọ lẹ Bọ pipà he a ko na ẹn lẹ na yin ovọ́.   A dọho do otó nulunọ tọn mẹ blo,+ Na ewọ na vlẹ nuyọnẹn he tin to ohó towe lẹ mẹ kò.+ 10  A sẹtẹnna ohia dogbó he ko dẹn-to-aimẹ de tọn blo+ Kavi sẹyì biọ ogle tọṣiọvi lẹ tọn mẹ blo. 11  Na Avùnlọyitọ* yetọn dohuhlọn; Ewọ na yí owhẹ̀ yetọn dọ sọta we.+ 12  Yí ahun towe lẹpo do kẹalọyi mẹplọnlọ Podọ otó towe do yí ohó oyọnẹn tọn lẹ. 13  A dọ̀n alọ mẹplọnlọ tọn dogodo na yọpọ sunnu* de blo.+ Eyin a yí obá do hò e, e ma na kú. 14  Hiẹ dona yí obá do hò e, Nado sọgan whlẹn ẹn* sọn Yọdò* si. 15  Visunnu ṣie, eyin hiẹ lẹzun nuyọnẹntọ to ahun towe mẹ, To whenẹnu, yẹnlọsu na jaya sọn ahun mẹ wá.+ 16  Yẹn na nọ jaya to ohò* ṣie mẹ dọ́n To whenue nùflo towe lẹ dọho he sọgbe. 17  A dike ahun towe whànwu ylandonọ lẹ blo,+ Ṣigba, nọ dibusi Jehovah to azán lọ pete ji,+ 18  Na whenẹnu wẹ hiẹ na tindo sọgodo dagbe de+ Bọ todido towe ma na yin sinsánsẹ. 19  Visunnu ṣie, dotoai bo lẹzun nuyọnẹntọ, Bosọ deanana ahun towe do aliho he sọgbe ji. 20  A tin to mẹhe nọ nù ovẹn susu lẹ ṣẹnṣẹn blo,+ To mẹhe nọ yí nukunkẹn do dù olàn lẹ ṣẹnṣẹn,+ 21  Na ahànnumunọ po adọ̀whẹnnọ po na wá tlọ biọ ohẹ́n mẹ,+ Podọ amlọngọsisa nasọ hẹnmẹ ṣinyọ́n avọ̀ kija. 22  Nọ dotoaina otọ́ towe he ji we, A sọ vlẹ onọ̀ towe kò, na ewọ poyọnho poun wutu blo.+ 23  Họ̀* nugbo bo ma sà ẹ gbede blo,+ Sọ họ̀ nuyọnẹn, mẹplọnlọ po nukunnumọjẹnumẹ po.+ 24  E họnwun dọ otọ́ dodonọ tọn na jaya; Otọ́ depope he ji visunnu nuyọnẹntọ nasọ hùnhomẹ do e go. 25  Homẹ otọ́ towe po onọ̀ towe po tọn na hùn, Onọ̀ he ji we nasọ jaya. 26  Visunnu ṣie, na mi ahun towe, Podọ nukun towe lẹ ni nọ tindo homẹhunhun to aliho ṣie lẹ mẹ.+ 27  Na odò he siso de wẹ galọtọ de yin, Podọ dotọ̀ bibó de wẹ yọnnu fẹnnuwatọ* de yin.+ 28  Ewọ nọ tọ̀wu dai di jaguda;+ E sọ nọ hẹn sọha sunnu he ma yin nugbonọ lẹ tọn sudeji. 29  Mẹnu wẹ dindọn tin na? Mẹnu wẹ magbọjẹ tin na? Mẹnu tọn wẹ whẹgbè? Mẹnu wẹ nọ to lewu mapote? Mẹnu wẹ nọ gbleawu matin whẹwhinwhẹ́n? Nukun mẹnu tọn lẹ wẹ nọ dózin?* 30  Mẹhe nọ dọngbàn to ovẹn kọ̀n lẹ wẹ;+ Yé mẹhe nọ to ovẹn flusọ́ dín lẹ.* 31  A pọ́n sinmẹ vẹẹ ovẹn tọn hlan blo Dile e to sisẹ́ to kọfo mẹ bo to dídídí biọ vẹ́go mẹ, 32  Na to vivọnu, e nọ hẹ̀nadumẹ di odàn, Bosọ nọ tún adí di amàpoe. 33  Nukun towe lẹ na nọ mọ onú dablu lẹ, Bọ ahun towe na nọ dọ onú gblezọn lẹ.+ 34  Hiẹ nasọ taidi mẹhe to aimimlọn to ohù ṣẹnṣẹn, Yèdọ taidi mẹhe to aimimlọn to opò tọjihun tọn he go yè nọ kẹ́ alà do ji. 35  Hiẹ na dọmọ: “Yé linú mi, ṣigba e ma vẹ́ mi.* Yé hò mi, ṣigba yẹn ma yọnẹn. Whetẹnu wẹ n’na fọ́n?+ E gbẹ́ jlo mi nado nù dogọ.”*

Nudọnamẹ Odò Tọn

Kavi “Dava dewe.”
Kavi “Eyin alindọn towe gọ́ na ojlo.”
Kavi vlavo, “Joagọ sọn wuntuntun towe titi kọ̀n.”
Kavi “mẹdepope he tindo nukun ylankan.”
Kavi “to lẹndopọ basi to alindọn etọn mẹ.”
To paa mẹ, “ahun etọn ma tin hẹ we.”
To paa mẹ, “Mẹfligọtọ.”
Kavi “ovi; jọja.”
Kavi “alindọn etọn.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
To paa mẹ, “ayi.”
Kavi “Tindo.”
To paa mẹ, “jonọ.” Pọ́n Hwh 2:16.
Kavi “súzín.”
Kavi “mẹhe nọ pli nado to ovẹn flusọ́ dọ́pọ́n lẹ.”
Kavi “n’ma sè vivẹ́.”
Kavi “N’na gbẹ́ dín in dogọ.”