Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Howhinwhẹn lẹ 21:1-31

NUHE E BẸHẸN LẸ

  • Jehovah nọ deanana ahun ahọlu tọn (1)

  • Whẹdida dodo pọnte hú avọ́sinsan (3)

  • Vivẹnudido nọ hẹn kọdetọn dagbe wá (5)

  • Yè ma na siọ mẹhe ma nọ sè agbátọnọ tọn (13)

  • Nuyọnẹn de ma nọ jẹagọdo Jehovah (30)

21  Ahun ahọlu de tọn taidi asisa osin tọn lẹ to alọ Jehovah tọn mẹ.+ E nọ deanana ẹn hlan fidepope he jlo E.+   Aliho gbẹtọ tọn lẹpo wẹ nọ taidi nuhe sọgbe to nukun etọn mẹ,+ Ṣigba, Jehovah wẹ nọ gbeje ahun mẹ* pọ́n.+   Nado nọ wà nuhe jlọ bo sọgbe Nọ hẹn homẹhun Jehovah hú avọ́sinsan.+   Nukun sakla tọn po ahun goyiyi tọn po —Miyọ́ngbán he nọ deanana mẹylankan wẹ ylando.+   Tito mẹhe nọ dovivẹnu tọn lẹ nọ tindo kọdetọn dagbe* dandan,+ Ṣigba, mẹhe ma nọ whesọ lẹpo wẹ na biọ ohẹ́n mẹ dandan.+   Adọkunnọ lilẹzun gbọn odẹ́ lalo tọn dali Taidi avìvì he to bubusẹ, yèdọ omọ̀ okú tọn de.*+   Danuwiwa mẹylankan lẹ tọn wẹ na zà yé sẹ̀ sọn aimẹ,+ Na yé nọ gbẹ́ nado yinuwa po whẹdida dodo po wutu.   Aliho whẹhutọ de tọn nọ gbán, Ṣigba, azọ́n mẹhe wé-ṣeke de tọn nọ jlọ.+   E pọnte nado nọ nọ̀ lọnglọnẹnmẹ to họta Hú nado nọ nọ̀ ohọ̀ dopolọ mẹ hẹ asi whẹgbènọ.*+ 10  Mẹylankan* nọ tindo ojlo vẹkuvẹku na nuylankan;+ E ma nọ do nukundagbe hia kọmẹnu etọn.+ 11  To whenue mẹṣankotọ yin yasana, wunvinọ nọ yọnnuin dogọ, Podọ eyin nuyọnẹntọ mọ wuntuntun yí, e nọ tindo oyọnẹn dogọ.*+ 12  Omẹ Dodonọ lọ nọ na ayidonugo whédo mẹylankan tọn; E nọ sisẹ́ mẹylankan lẹ dlan vasudo mẹ.+ 13  Mẹdepope he sú otó etọn do awhágbe agbátọnọ tọn, Ewọ lọsu na dawhá bọ mẹde ma na siọ ẹ.+ 14  Nunina he yin ninamẹ to nuglọ nọ whiwhẹ homẹgble,+ Podọ alọgodo-kuẹ he yin ninamẹ to nuglọ* nọ whiwhẹ adi sinsinyẹn. 15  Ayajẹnu wẹ e nọ yin na dodonọ nado yinuwa po whẹdida dodo po,+ Ṣigba, nudobu de wẹ e nọ yin na mẹhe nọ waylan. 16  Mẹhe nọ danbú sọn aliho zinzintọ lẹ tọn ji Na yì gbọjẹ to mẹhe ko lẹzun madogánnọ to okú mẹ lẹ ṣẹnṣẹn.+ 17  Mẹhe yiwanna gbẹdudu na wá tlọ biọ ohẹ́n mẹ;+ Mẹhe yiwanna ovẹn po amì po ma na lẹzun adọkunnọ. 18  Ofligọ de wẹ mẹylankan yin na dodonọ, Podọ mẹklọtọ wẹ na yin yíyí kakati nido yin nugbonọ.+ 19  E pọnte nado nọ nọ̀ danfafa ji Hú nado nọ nọhẹ asi whẹgbènọ* po fifiẹtọ po.+ 20  Adọkunnu họakuẹ po amì po wẹ nọ yin mimọ to owhé nuyọnẹntọ tọn gbè,+ Ṣigba, nulunọ nọ zan nutindo etọn lẹ do apà mẹ.*+ 21  Mẹdepope he nọ doafọna dodowiwa po owanyi nugbo po Na mọ ogbẹ̀, dodowiwa po gigo po.+ 22  Nuyọnẹntọ sọgan hẹ adó* tòdaho huhlọnnọ lẹ tọn ji Bo duto huhlọn he go yé dejido lọ ji.+ 23  Mẹhe nọ dava onù po odẹ́ etọn po Nọ whlá ede* sọn tukla mẹ.+ 24  Saklanọ, yèdọ goyitọ he nọ ze ede daga wẹ Mẹhe nọ gbọn vọdonanu dali yinuwa po sakla po nọ yin yiylọdọ.+ 25  Nuhe adidọnọ nọ tindo ojlo vẹkuvẹku na wẹ na hẹn okú plá ẹ, Na e ma nọ yí alọ etọn lẹ do wazọ́n.+ 26  E nọ gbọn nukunkẹn dali to nujlo vẹkuvẹku to azán lọ pete ji, Ṣigba, dodonọ nọ nanúmẹ ma pọ́n godo.+ 27  Osùnú de wẹ avọ́sinsan mẹylankan tọn ko yin dote.+ Nẹmunẹmu wẹ whenue e yin bibasi po linlẹn ylankan po!* 28  Kunnudetọ lalonọ na sudo,+ Ṣigba, mẹhe nọ dotoai ganji na nọ dekunnu po kọdetọn dagbe po.* 29  Mẹylankan nọ sinyẹn nukun,+ Ṣigba, aliho nugbonọ tọn wẹ tindo jide.*+ 30  Nuyọnẹn, wuntuntun kavi ayinamẹ depope ma nọ tin jẹagọdo Jehovah.+ 31  Osọ́ nọ yin awuwlena dote na azán awhànfunfun tọn,+ Ṣigba, Jehovah dè wẹ whlẹngán nọ wá sọn.+

Nudọnamẹ Odò Tọn

Kavi “mẹwhinwhàn lẹ.”
Kavi “ale.”
Kavi vlavo, “na mẹhe to okú dín lẹ.”
Kavi “nutlọtọ.”
Kavi “Alindọn mẹylankan tọn.”
Kavi “e nọ yọ́n nuhe e dona wà.”
To paa mẹ, “alọgodo-kuẹ he to akọ́nnu.”
Kavi “nutlọtọ.”
To paa mẹ, “nọ ze nutindo etọn lẹ mì.”
Kavi “sọgan duto.”
Kavi “alindọn etọn.”
Kavi “po walọ he huwinyan po.”
To paa mẹ, “nọ dọho kakadoi.”
Kavi “nugbonọ wẹ nọ hẹn aliho etọn tindo jide.”