Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Howhinwhẹn lẹ 2:1-22

NUHE E BẸHẸN LẸ

  • Nuhọakuẹ-yinyin nuyọnẹn tọn (1-22)

    • Dín nuyọnẹn di adọkun whiwhla (4)

    • Nugopipe nulẹnpọn tọn yin hihọ́ (11)

    • Fẹnnuwiwa nọ hẹn nugbajẹmẹji wá (16-19)

2  Visunnu ṣie, eyin hiẹ kẹalọyi nuhe dọ n’te lẹ Bo yí gbedide ṣie lẹ whlá,+   Gbọn otó towe lilẹ́ hlan nuyọnẹn dali+ Podọ gbọn ahun towe lilẹ́ hlan wuntuntun dali;+   Humọ, eyin hiẹ nọ dawhá ylọ nukunnumọjẹnumẹ+ Bo nọ ze ogbè towe daga hlan wuntuntun;+   Eyin a nọ to dindin in mapote di fataka,+ Bo nọ to dindin in mapote di adọkunnu whiwhla lẹ;+   Whenẹnu wẹ hiẹ na mọnukunnujẹ nuhe budisi Jehovah zẹẹmẹdo mẹ,+ Bo nasọ mọ oyọnẹn Jiwheyẹwhe tọn.+   Na Jehovah lọsu wẹ nọ namẹ nuyọnẹn;+ Onù etọn mẹ wẹ oyọnẹn po wuntuntun po nọ tọ́njẹgbonu sọn.   E nọ whlá nuyọnẹn yọ́n-na-yizan dai na nugbonọ; Ewọ sọ wẹ awọ̀yinu na mẹhe nọ to zọnlinzin to tenọgli mẹ lẹ.+   Ewọ nọ penukundo ali whẹdida dodo tọn lẹ go, Podọ e na basi hihọ́na aliho nugbonọ etọn lẹ tọn.+   Whenẹnu wẹ hiẹ na mọnukunnujẹ nuhe dodowiwa, whẹdida dodo po nuhe sọgbe po zẹẹmẹdo mẹ, Yèdọ zẹẹmẹ gigọ́ nudagbe lẹpo tọn.+ 10  To whenue nuyọnẹn biọ ahun towe mẹ+ Bọ oyọnẹn lẹzun homẹhunnu de na we,+ 11  Nugopipe nulẹnpọn tọn na nọ họ́ we,+ Bọ wuntuntun na nọ basi hihọ́na we, 12  Nado nọ whlẹn we sọn aliho ylankan ji, Podọ sọn mẹhe nọ dọ onú gblezọn lẹ si,+ 13  Sọn mẹhe nọ jo ali jijlọ do Nado zinzọnlin to aliho zinvlu tọn ji lẹ si,+ 14  Sọn mẹhe nọ jaya to ylanwiwa mẹ lẹ si, Yèdọ mẹhe nọ mọ awuvivi to nuylankan he gblezọn mẹ lẹ, 15  Mẹhe ali yetọn ko gbán lẹ Podọ mẹhe gbẹzan yetọn pete ko gọ́ na oklọ lẹ. 16  E na whlẹn we sọn yọnnu gblewanọ* si, Yèdọ sọn ohó vivi* yọnnu fẹnnuwatọ* tọn lẹ si,+ 17  Mẹhe ko gbẹ́ hagbẹ* etọn jọja whenu tọn dai+ Bo ko sọ wọn alẹnu Jiwheyẹwhe etọn tọn; 18  Na okú mẹ wẹ ohọ̀ etọn nọ tlọ omẹ do, Podọ ali* etọn lẹ nọ planmẹ yì mẹhe ko lẹzun madogánnọ to okú mẹ lẹ dè.+ 19  Depope to mẹhe to kọndopọ tindo hẹ ẹ* lẹ mẹ ma na lẹkọ, Mọjanwẹ yé ma na gọwá ali ogbẹ̀ tọn ji do niyẹn.+ 20  Enẹwutu, nọ hodo aliho mẹdagbe lẹ tọn Bo gbọṣi ali dodonọ tọn lẹ ji,+ 21  Na nugbonọ lẹ kẹdẹ wẹ na nọ aigba ji, Podọ madoblọnọ* lẹ wẹ na gbọṣi e ji.+ 22  Ṣigba, na mẹylankan lẹ tọn, yé na yin sinsánsẹ sọn aigba ji,+ Podọ mẹklọtọ lẹ na yin dindọn sún sọn e ji.+

Nudọnamẹ Odò Tọn

To paa mẹ, “jonọ.” E họnwun dọ ehe to alọdlẹndo mẹhe ko jẹla sọn Jiwheyẹwhe dè to walọyizan-liho.
Kavi “ohó oklọ tọn.”
To paa mẹ, “jonọ.” E họnwun dọ ehe to alọdlẹndo mẹhe ko jẹla sọn Jiwheyẹwhe dè to walọyizan-liho.
Kavi “asu.”
To paa mẹ, “afọdòmẹ.”
To paa mẹ, “to họmẹ biọ yì e dè.”
Kavi “mẹhe nọ hẹn tenọgli go.”