Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Howhinwhẹn lẹ 16:1-33

NUHE E BẸHẸN LẸ

  • Jehovah nọ gbeje mẹwhinwhàn lẹ pọ́n (2)

  • Nọ ze azọ́n towe lẹ do alọmẹ na Jehovah (3)

  • Jehovah dè wẹ nujlẹgàn he sọgbe wá sọn (11)

  • Goyiyi wẹ nọ jẹnukọnna aijijẹ (18)

  • Owhà yin jẹgbakun whanpẹnọ (31)

16  Gbẹtọ nọ wleawuna linlẹn ahun etọn mẹ tọn lẹ,* Ṣigba, Jehovah dè wẹ gblọndo he e nọ na* nọ wá sọn.+   Aliho gbẹtọ tọn lẹpo wẹ nọ taidi nuhe sọgbe* to nukun etọn mẹ,+ Ṣigba, Jehovah wẹ nọ gbeje mẹwhinwhàn lẹ pọ́n.+   Nọ ze nudepope he wà a te do alọmẹ na Jehovah,*+ To whenẹnu, tito towe lẹ na nọ tindo kọdetọn dagbe.   Jehovah ko hẹn nulẹpo nado wazọ́n na hẹndi lẹndai etọn tọn, Yèdọ kakajẹ mẹylankan lẹ ji, na yé nido yin vivasudo to azán nugbajẹmẹji tọn gbè.+   Osùnú de wẹ mẹdepope he yin goyitọ to ahun mẹ yin na Jehovah.+ E họnwun dọ* e ma na nọma yin yasana.   Gbọn owanyi nugbo po nugbonọ-yinyin po gblamẹ wẹ ovẹsè nọ yin bibasi na nuṣiwa,+ Podọ gbọn budisi Jehovah dali wẹ mẹde nọ họ̀nna ylanwiwa.+   Eyin Jehovah hùnhomẹ do aliho mẹde tọn go, E nọ hẹn mẹhe tlẹ yin kẹntọ mẹlọ tọn lẹ nado tin to jijọho mẹ hẹ ẹ.+   E pọnte nado tindo vude to dodowiwa mẹ+ Hú adọkun daho matin whẹdida dodo.+   Gbẹtọ sọgan kàn ayiha de to ahun etọn mẹ, Amọ́, Jehovah wẹ nọ deanana afọdide etọn lẹ.+ 10  Nudide Jiwheyẹwhe tọn wẹ dona nọ tin to nùflo ahọlu de tọn ji;+ E ma dona gada whẹdida pọ́n gbede.+ 11  Jehovah dè wẹ nujlẹnu po nujlẹgàn he sọgbe lẹ po wá sọn; Ewọ wẹ basi ojlẹnu he tin to saki lọ mẹ lẹpo.+ 12  Osùnú de wẹ walọ ylankan lẹ nọ yin na ahọlu lẹ,+ Na ofìn lọ yin didoai gligli gbọn dodowiwa dali.+ 13  Homẹhunnu de wẹ ohó dodo tọn lẹ nọ yin na ahọlu lẹ. Yé nọ yiwanna mẹdepope he nọ dọ nugbo.+ 14  Adi ahọlu tọn nọ taidi wẹnsagun he nọ hẹn okú wá,+ Ṣigba, dodonọ nọ whiwhẹ ẹ.*+ 15  Ogbẹ̀ tin to nukundagbe ahọlu tọn mẹ; Alọkẹyi etọn nọ taidi aslọ jikun tọn to amakikọ-whenu.+ 16  Lehe e pọnte nado bẹ nuyọnẹn pli hú nado bẹ sika pli do sọ!+ Nukunnumọjẹnumẹ tintindo yọ́n hú fataka.+ 17  Nugbonọ nọ dapana aliho ylanwiwa tọn. Mẹdepope he nọ basi hihọ́na aliho etọn nọ hlá ogbẹ̀* ede tọn dote.+ 18  Goyiyi wẹ nọ jẹnukọnna aijijẹ ajiji, Podọ gbigbọ sakla tọn wẹ nọ jẹnukọnna ahlidida.+ 19  E pọnte nado yin whiwhẹnọ* to homẹmimiọnnọ lẹ ṣẹnṣẹn+ Hú nado nọ má ogblànnu hẹ saklanọ lẹ. 20  Mẹhe nọ do zinzin hia to whẹho de mẹ na nọ tindo kọdetọn dagbe,* Podọ ayajẹnọ wẹ mẹhe nọ dejido Jehovah go. 21  Mẹhe yin nuyọnẹntọ to ahun mẹ na nọ yin yiylọdọ mẹhe tindo nukunnumọjẹnumẹ,+ Podọ mẹhe nọ yí homẹdagbe do dọho* nọ yawu diọlinlẹnnamẹ.+ 22  Asisa ogbẹ̀ tọn de wẹ zinzin yin na mẹhe tindo e lẹ, Ṣigba, nulunọ lẹ nọ yin yasana gbọn nulú yetọn titi dali. 23  Ahun nuyọnẹntọ tọn nọ hẹn onù etọn nado dọho po zinzin po+ Bosọ nọ hẹn ẹn nado dọho po linlẹndiọnamẹ po. 24  Hodidọ awuvivinamẹ tọn lẹ nọ taidi owínjá, Yé nọ vivi na alindọn* bosọ nọ hẹn ohú jẹgangan.+ 25  Aliho de tin he taidi nuhe jlọ to nukun gbẹtọ tọn mẹ,+ Ṣigba, okú mẹ wẹ e nọ dekọtọn do to godo mẹ. 26  Huvẹ* pakanọ tọn nọ hẹn ẹn nado wazọ́n sinsinyẹn, Na huvẹ* etọn wẹ nọ hẹn ẹn gánnugánnu nado wazọ́n.+ 27  Gbẹtọ nuvọ́nọ nọ kùn nuylankan lẹ jẹgbonu;+ Hodidọ etọn nọ taidi miyọ́n sinsinyẹn.+ 28  Avùnda-daitọ* nọ hẹn kinklan wá,+ Podọ mẹhẹngbletọ nọ klan họntọn alọmayiemẹ lẹ.+ 29  Danuwatọ nọ doyẹklọ kọmẹnu etọn Bo nọ deanana ẹn yì aliho ylankan ji. 30  E nọ to nukun whè dile e to ayiha gigẹdẹ kàn nado gbleawunamẹ. E nọ bọ̀ nùflo etọn lẹ do dile e to sébibla etọn hẹndi. 31  Jẹgbakun whanpẹ* tọn de wẹ owhà yin+ To whenuena mẹde tindo e to aliho dodo tọn ji.+ 32  Mẹhe nọ whleawu nado gblehomẹ+ pọnte hú mẹhe yin huhlọnnọ, Podọ mẹhe nọ dava homẹgble etọn* pọnte hú mẹhe gbawhàn tòdaho de tọn.+ 33  Ovò nọ yin dide do akọ̀n,*+ Ṣigba, Jehovah dè wẹ nudide etọn lẹpo nọ wá sọn.+

Nudọnamẹ Odò Tọn

To paa mẹ, “Tito ahun mẹ tọn lẹ wẹ gbẹtọ tọn.”
Kavi “gblọndo he sọgbe.” To paa mẹ, “gblọndo odẹ́ tọn.”
To paa mẹ, “wé-ṣeke.”
To paa mẹ, “Nọ bli azọ́n towe lẹ do Jehovah ji.”
To paa mẹ, “Alọ to alọmẹ dọ.”
Kavi “dapana ẹn.”
Kavi “alindọn.”
To paa mẹ, “agbátọnọ to ayiha mẹ.”
To paa mẹ, “na mọ dagbe.”
Kavi “Podọ hodidọ he dọnmẹ.” To paa mẹ, “Podọ nùflo he vivi.”
Kavi “vivi to nùmẹ.” Pọ́n Zẹm.
Kavi “Alindọn.”
To paa mẹ, “onù.”
Kavi “Ayiha gigẹdẹnọ.”
Kavi “gigo.”
To paa mẹ, “nọ dugán do ayiha etọn ji.”
Kavi “yẹ́ndawe awù tọn mẹ,” enẹ wẹ, adà awù tọn he nọ ṣinyọ́n afọ to whenue mẹde to aisinsin.