Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Heblu lẹ 8:1-13

NUHE E BẸHẸN LẸ

  • Gòhọtúntún he gando nuhe to olọn mẹ lẹ go (1-6)

  • Alẹnu hoho po yọyọ po (7-13)

8  Todin, nuagokun nuhe dọ mí te lọ tọn die: Yẹwhenọ daho mọnkọtọn de wẹ mí tindo,+ bọ ewọ ko sinai to adusilọ ofìn Gigonọ Daho lọ tọn mẹ to olọn mẹ,+  mẹhe yin lizọnyizọnwatọ* ofi wiwe lọ tọn+ podọ gòhọ nugbo tọn lọ tọn, ehe Jehovah* doai, bọ e ma yin gbẹtọ.  Na yẹwhenọ daho lẹpo wẹ nọ yin dide nado basi nunina lẹ po avọ́sinsan lẹ po; enẹwutu, e yin dandannu na omẹ ehe lọsu ga nado tindo nude he e na yí do sanvọ́.+  Eyin aigba ji wẹ ewọ ko te, e ma na yin yẹwhenọ de,+ na sọgbe hẹ Osẹ́n lọ, gbẹtọ lẹ ko tin he nọ basi nunina lẹ.  Omẹ ehelẹ to sinsẹ̀nzọn wiwe wà to apajlẹ jọnun po oyẹ̀+ onú olọn tọn lẹ tọn po mẹ;+ kẹdẹdile Jiwheyẹwhe degbena Mose do to whenue ewọ jlo na pẹ́n gòhọ lọ: Na E dọna ẹn dọmọ: “Hẹn ẹn diun dọ a basi nulẹpo sọgbe hẹ ohia he yin didohia we to osó lọ ji.”+  Ṣigba, todin Jesu ko mọ lizọnyizọn* he yọ́n hugan de yí, na to aliho dopolọ mẹ, ewọ sọ yin whẹgbọtọ+ alẹnu he yọ́n hugan de tọn+ ga, ehe ko yin hinhẹn lodo to osẹ́n-liho do opagbe he yọ́n hugan lẹ ji.+  Eyin alẹnu tintan enẹ ma ko tindo oblọ wẹ, nuhudo de ma na ko tin na awetọ.+  Na e gblewhẹdo gbẹtọ lẹ to whenuena e dọmọ: “‘Mì pọ́n! Azán lẹ ja,’ wẹ Jehovah* dọ, ‘bọ yẹn na basi alẹnu yọyọ de hẹ owhé Islaeli tọn podọ hẹ owhé Juda tọn.  E ma na taidi alẹnu he yẹn basi hẹ tọgbo yetọn lẹ to azán he gbè yẹn hẹn alọ yetọn go bo plan yé tọ́n sọn aigba Egipti tọn ji,+ na yé ma yin nugbonọ na alẹnu ṣie wutu, bọ yẹn doalọtena nukunpipedo yé go,’ wẹ Jehovah* dọ.” 10  “‘Na ehe wẹ alẹnu he yẹn na basi hẹ owhé Islaeli tọn to azán enẹlẹ godo,’ wẹ Jehovah* dọ. ‘Yẹn na yí osẹ́n ṣie lẹ do ayiha yetọn mẹ, podọ ahun yetọn mẹ wẹ yẹn na kàn yé do.+ Yẹn nasọ lẹzun Jiwheyẹwhe yetọn, bọ yewlẹ na lẹzun omẹ ṣie lẹ.+ 11  “‘Podọ dopodopo yetọn ma nasọ nọ plọn kọmẹnu* etọn, mọ dopodopo yetọn ma nasọ nọ plọn nọvisunnu etọn ba dọmọ: “Yọ́n Jehovah!”* Na yemẹpo wẹ na yọ́n mi, yèdọ sọn omẹ pẹvi ji jẹ daho ji. 12  Na yẹn na do lẹblanu hia yé na walọ mawadodo tọn yetọn lẹ wutu, yẹn ma nasọ flin ylando yetọn lẹ ba.’”+ 13  To hodidọ etọn mẹ gando “alẹnu yọyọ de” go, e ko hẹn dai tọn lọ dohó.+ Todin, enẹ he ko dohó bo to yọnho pò lọ ko dibla yin didesẹ.+

Nudọnamẹ Odò Tọn

Kavi “devizọnwatọ gbangba tọn.”
Pọ́n Nud. A5.
Kavi “sinsẹ̀nzọn gbangba tọn.”
Pọ́n Nud. A5.
Pọ́n Nud. A5.
Pọ́n Nud. A5.
Kavi “tòvi hatọ.”
Pọ́n Nud. A5.