Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Heblu lẹ 7:1-28

NUHE E BẸHẸN LẸ

  • Mẹlkizedẹki yin ahọlu bosọ yin yẹwhenọ (1-10)

  • Yẹwhenọduta Klisti tọn klohugan (11-28)

    • Klisti sọgan whlẹnmẹ gán (25)

7  Na Mẹlkizedẹki ehe, yèdọ ahọlu Salẹm tọn, yẹwhenọ Jiwheyẹwhe Gigogán lọ tọn, pé Ablaham to whenue Ablaham ko gbawhàn ahọlu lẹ tọn bo lẹkọja, e sọ dona ẹn,+  bọ Ablaham na ẹn mado-ao nulọ lẹpo tọn.* Jẹnukọn whẹ́, oyín etọn yin lilẹdogbedevomẹ dọ, “Ahọlu Dodo tọn,” podọ enẹgodo ewọ sọ yin ahọlu Salẹm tọn ga, enẹ wẹ, “Ahọlu Jijọho tọn.”  Na ewọ ma tindo otọ́, bo ma tindo onọ̀, bo masọ tindo kúnkan whẹndo tọn, mọjanwẹ e masọ tindo bẹjẹeji azán lẹ tọn kavi opodo gbẹzan tọn, ṣigba na ewọ yin hinhẹn nado taidi Visunnu Jiwheyẹwhe tọn wutu, e yin yẹwhenọ de kakadoi.*+  Mì pọ́n lehe dawe ehe klo sọ, mẹhe Ablaham, tatọ́* whẹndo tọn lọ, na mado-ao ogblànnu he yọ́n hugan lẹ tọn.+  Nugbo wẹ dọ, dile Osẹ́n lọ biọ do, visunnu Levi tọn+ he yin dide di yẹwhenọ lẹ mọ gbedide de yí nado nọ yí mado-ao lẹ sọn gbẹtọ lẹ dè,+ enẹ wẹ, sọn mẹmẹsunnu yetọn lẹ dè, dile etlẹ yindọ kúnkan* Ablaham tọn wẹ omẹ ehelẹ yin.  Ṣigba, dawe he ma wá sọn kúnkan whẹndo tọn yetọn mẹ ehe yí mado-ao sọn Ablaham si bo dona mẹlọ he opagbe lẹ ko yin dido na.+  Todin, e họnwun dọ mẹhe whè lọ wẹ yin didona gbọn mẹhe klo lọ dali.  Podọ to whẹho tintan lọ mẹ, mẹhe nọ kú lẹ wẹ mọ mado-ao yí, ṣigba to whẹho awetọ lọ mẹ, mẹhe kunnu yin dide gandego dọ e to ogbẹ̀ lọ wẹ.+  Podọ, e sọgan yin didọ dọ, etlẹ yin Levi he nọ mọ mado-ao yí ko sú mado-ao gbọn Ablaham gblamẹ, 10  na ewọ gbẹ́ yin kúnkan sọgodo tọn* tọgbo etọn tọn to whenue Mẹlkizedẹki pé e wutu.+ 11  To whelọnu lo, eyin pipé-yinyin sọgan wá gbọn yẹwhenọduta Levi tọn gblamẹ+ (na e yin dopo to adà Osẹ́n lọ tọn he yin nina gbẹtọ lẹ mẹ), nuhudo tẹwẹ na gbẹsọ tin na yẹwhenọ devo nado wá aimẹ, mẹhe go e yin didọ gando dọ e taidi Mẹlkizedẹki+ bọ e ma yin taidi Aalọn? 12  Na to whenue yẹwhenọduta lọ to yinyin didiọ, e lẹzun dandan nado diọ Osẹ́n lọ lọsu ga.+ 13  Na mẹlọ he go onú ehelẹ yin didọ gando wá sọn hẹnnu devo mẹ, dehe mẹ mẹdepope ma ko tọ́n sọn bo wadevizọn to agbà lọ kọ̀n.+ 14  Na e họnwun dọ Oklunọ mítọn wá sọn hẹnnu Juda tọn mẹ,+ ṣogan Mose ma dọ nudepope he dohia dọ yẹwhenọ lẹ na wá sọn hẹnnu enẹ mẹ. 15  Ehe sọ họnwun dogọ to whenue yẹwhenọ devo+ wá he taidi Mẹlkizedẹki,+ 16  mẹhe ko lẹzun yẹwhenọ, e ma yin na e yin jiji sọn kúnkan mẹhe tindo jlọjẹ sọgbe hẹ osẹ́n lẹ tọn mẹ wutu wẹ gba, ṣigba gbọn huhlọn he nọ hẹnmẹ penugo nado tindo ogbẹ̀ he ma sọgan yin vivasudo lọ dali.+ 17  Na e yin didọ to adà Owe-wiwe tọn de mẹ gando ewọ go dọmọ: “Hiẹ yin yẹwhenọ de kakadoi taidi Mẹlkizedẹki.”+ 18  Enẹwutu, gbedide hoho lọ ko yin didesẹ na madogán po awugbopo etọn po wutu.+ 19  Na Osẹ́n lọ ma hẹn nudepope zun pipé,+ ṣigba todido dagbe hugan+ he yin hinhẹnwa lọ wẹ wàmọ, gbọn ehe gblamẹ míwlẹ to dindọnsẹpọ Jiwheyẹwhe te.+ 20  Humọ, kẹdẹdile ehe ma yin wiwà matin whiwhle de do 21  (na nugbo tọn, mẹdelẹ tin he ko lẹzun yẹwhenọ matin whiwhle de, ṣigba omẹ ehe ko lẹzun yẹwhenọ gbọn whiwhle de gblamẹ, he yin bibasi gbọn Mẹlọ dali he dọmọ: “Jehovah* ko whlé dọ, ‘Hiẹ yin yẹwhenọ de kakadoi,’ podọ e ma na diọlinlẹn”*),+ 22  mọdopolọ, Jesu ko lẹzun mẹlọ he yin yíyí do súafà* na alẹnu he yọ́n hugan de.+ 23  Humọ, mẹsusu wẹ dona lẹzun yẹwhenọ to aliho debọdo-dego tọn mẹ,+ na okú glọnalina yé nado zindonukọn domọ wutu, 24  ṣigba na ewọ to ogbẹ̀ kakadoi wutu,+ yẹwhenọduta etọn ma tindo mẹjẹmẹtẹnmẹ depope. 25  Enẹwutu wẹ ewọ do penugo ga nado whlẹn mẹhe to dindọnsẹpọ Jiwheyẹwhe gbọn ewọ gblamẹ lẹ gán mlẹnmlẹn, na ewọ tin to ogbẹ̀ to whepoponu nado vẹvẹ do ota yetọn mẹ wutu.+ 26  Na yẹwhenọ daho mọnkọtọn wẹ e jẹ dọ mí ni tindo, yèdọ ewọ he yin nugbonọ, homẹvọnọ, maflu,+ bo gbọnvona ylandonọ lẹ, bosọ yin zizedaga hú olọn.+ 27  To vogbingbọn mẹ na yẹwhenọ daho enẹlẹ, ewọ ma tindo nuhudo nado nọ basi avọ́sinsan lẹ egbesọegbesọ,+ tintan na ylando etọn titi lẹ podọ enẹgodo na gbẹtọ lẹ tọn,+ na ewọ ko wà ehe whladopo podọ kakadoi to whenue e yí edetiti do sanvọ́.+ 28  Na Osẹ́n lọ nọ de mẹhe tindo madogán lẹ taidi yẹwhenọ daho lẹ,+ ṣigba ohó whiwhle lọ tọn+ he wá aimẹ to Osẹ́n lọ godo de visunnu de, mẹhe ko yin hinhẹn zun pipé+ kakadoi.

Nudọnamẹ Odò Tọn

To paa mẹ, “Ablaham má mado-ao nulọ lẹpo tọn na ẹn.”
Kavi “whepoponu.”
Kavi “tọgbo.”
To paa mẹ, “mẹhe ko wá sọn alinkàn.”
To paa mẹ, “gbẹ́ to alinkàn.”
Pọ́n Nud. A5.
Kavi “e ma na vẹna ẹn.”
Kavi “he yè yí do whlé.”