Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Filipinu lẹ 3:1-21

NUHE E BẸHẸN LẸ

  • Mì ze jide do agbasalan mẹ blo (1-11)

    • Nulẹpo di onú gúgú, na Klisti wutu (7-9)

  • Vivẹnudido hlan yanwle lọ kọ̀n (12-21)

    • Tòvi-yinyin to olọn mẹ (20)

3  To popolẹpo mẹ, mẹmẹsunnu ṣie lẹ emi, mì nọ to ayajẹ to Oklunọ mẹ zọnmii.+ E ma sinyẹnawuna mi nado to nudopolọ lẹ kàn hlan mì, podọ na hihọ́ mìtọn wutu wẹ.  Mì nọ payi avún lẹ go; mì nọ payi azọ́n ylankan watọ lẹ go; mì nọ payi mẹhe nọ sán awutugonu sẹ̀ lẹ* go.+  Na míwlẹ wẹ tindo adàgbigbo nujọnu tọn lọ,+ yèdọ míwlẹ he to sinsẹ̀nzọn wiwe wà gbọn gbigbọ Jiwheyẹwhe tọn dali bosọ to awagundo to Klisti Jesu mẹ+ bo masọ ze jidide mítọn do agbasalan mẹ,  nalete, eyin mẹdepope na tindo dodonu lẹ na jidide to agbasalan mẹ, be yẹn wẹ. Eyin mẹdevo depope lẹndọ emi tindo dodonu lẹ na jidide to agbasalan mẹ, be yẹn sọ tindo humọ:  yẹn gboadà to azán ṣinatọ̀ntọ gbè,+ bo wá sọn akọta Islaeli tọn mẹ, sọn hẹnnu Bẹnjamini tọn mẹ, bosọ yin Heblu de he yin jiji gbọn mẹjitọ Heblu lẹ dali;+ na nuhe dù osẹ́n, yẹn yin Falesi de;+  na nuhe dù zohunhun, yẹn to homẹkẹndo agun lọ;+ na nuhe dù dodowiwa he sinai do osẹ́n ji, yẹn do dee hia taidi mẹhe madoblọ.  Ṣogan, nuhe yin ale na mi lẹ wẹ yẹn ko pọnhlan di onú gúgú,* na Klisti tọn wutu.+  Humọ, na nugbo tọn, na ehe tọn wutu wẹ yẹn pọ́n nulẹpo hlan di onú gúgú, na yẹyi daho hugan oyọnẹn Klisti Jesu Oklunọ ṣie tọn wutu. Na ewọ tọn wutu wẹ yẹn ko gbẹkọ nulẹpo go podọ yẹn pọ́n yé hlan taidi ogbó, na yẹn nido sọgan duale Klisti tọn  bo na yin mimọ to kọndopọ mẹ hẹ ẹ, e ma yin na dodowiwa ṣie titi he wá sọn osẹ́n yìnyìn mẹ wutu gba, adavo na dodowiwa he yin gbọn yise+ to Klisti mẹ lọ dali,+ yèdọ dodowiwa he nọ wá sọn Jiwheyẹwhe dè to dodonu yise tọn ji.+ 10  Yanwle ṣie wẹ nado yọ́n ewọ po huhlọn fọnsọnku etọn tọn+ po podọ nado tindo mahẹ to yajiji etọn+ lẹ mẹ, nado ze dee jo na okú he taidi ewọ tọn nkọ,+ 11  nado pọ́n eyin yẹn sọgan gbọn aliho depope mẹ mọ fọnsọnku tintan yí sọn oṣiọ lẹ mẹ.+ 12  E ma yindọ yẹn ko mọ ẹn yí kavi yẹn ko yin hinhẹn zun pipé todin wẹ gba, ṣigba yẹn to vivẹnudo zọnmii+ nado pọ́n eyin alọ ṣie sọgan jẹ enẹ he Klisti Jesu ko de mi* na lọ go ga.+ 13  Mẹmẹsunnu lẹ emi, yẹn ma nọ pọ́n dee taidi dọ alọ ṣie ko jẹ e go todin gba; ṣigba onú dopo wẹ họnwun: Yẹn to jiwọn nuhe to godo lẹ go+ bo to vivẹnudo na nuhe to nukọn lẹ,+ 14  yẹn yí vivẹnu do to afọdona yanwle lọ, na ale+ oylọ olọn mẹ tọn+ he Jiwheyẹwhe nọ namẹ gbọn Klisti Jesu gblamẹ lọ tọn wutu. 15  To whelọnu lo, mì gbọ mẹhe whèwhín+ to mí mẹ lẹ ni tindo pọndohlan ehe, podọ eyin mìwlẹ tindo ayilinlẹn he gbọnvo to aliho depope mẹ, Jiwheyẹwhe na de pọndohlan he sọgbe lọ hia mì. 16  To popolẹpo mẹ, sọgbe hẹ obá he mẹ mí ko yinukọn jẹ, mì gbọ mí ni nọ to zọnlin jijlọ zìn sọgbe hẹ aliho nuyiwa tọn ehe dopolọ. 17  Mẹmẹsunnu lẹ emi, mì nọ hodo apajlẹ ṣie+ to pọmẹ bo ze nukun mìtọn do mẹhe to zọnlinzin to aliho he tin to kọndopọ mẹ hẹ apajlẹ he mí zedai na mì lẹ ji. 18  Na mẹsusu wẹ tin—yẹn nọ saba dọho gando yé go whẹwhẹ ṣigba todin, yẹn sọ yí avi do to hodọ gando yé go—yé mẹhe to zọnlinzin di kẹntọ yatin* Klisti tọn lẹ. 19  Vasudo wẹ to tenọpọn yé, adọ̀go yetọn* sọ wẹ yẹwhe yetọn, bọ yé nọ mọ gigo to nuhe dona huwinyan na yé lẹ mẹ, podọ yé nọ ze ayiha yetọn do onú aigba ji tọn lẹ ji.+ 20  Ṣigba, olọn mẹ+ wẹ tòvi-yinyin mítọn+ te, podọ finẹ wẹ mí sọ yí jejejininọ do to tenọpọn mẹwhlẹngántọ de sọn, yèdọ Oklunọ Jesu Klisti,+ 21  mẹhe na diọ agbasa mítọn he yìdo lọ zun agbasa gigonọ etọn+ nkọ* gbọn huhlọn daho etọn he nọ hẹn ẹn penugo nado hẹn nulẹpo zun mẹmẹglọ na ede dali.+

Nudọnamẹ Odò Tọn

Enẹ wẹ, mẹhe nọ gboadà lẹ.
Kavi “wẹ yẹn ko gbẹdai sọn ojlo mẹ wá.”
To paa mẹ, “ko ze alọ do ji e.”
Pọ́n Zẹm.
Kavi “ojlo agbasa tọn yetọn lẹ.”
To paa mẹ, “pẹpẹ.”