Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Filipinu lẹ 2:1-30

NUHE E BẸHẸN LẸ

  • Whiwhẹ Klistiani tọn (1-4)

  • Klisti whiwhẹ ede bo yin zizedaga (5-11)

  • Nọ wazọ́n na whlẹngán towe (12-18)

    • To wunhọ́n di hinhọ́n lẹ (15)

  • Yè do Timoti po Epafloditu po hlan 19-30)

2  To whelọnu lo, whedepopenu he tulinamẹ de tin to Klisti mẹ, whedepopenu he homẹmiọnnamẹ owanyi tọn de tin, whedepopenu he gbigbọ mẹtọnhopọn tọn de* tin, whedepopenu he owanyi sisosiso po awuvẹmẹ po de tin,  mìwlẹ ni nọ hẹn ayajẹ ṣie gọ́ gbọn linlẹn dopolọ po owanyi dopolọ tintindo po dali bo nọ tin to kọndopọ mẹ mlẹnmlẹn* bosọ nọ tindo linlẹn dopolọ.+  Mì yí wiwọ́+ kavi glòlò-jijlá+ do wà nudepope blo, ṣigba mì nọ gbọn whiwhẹ* dali pọ́n mẹdevo lẹ dọ yé yiaga hú mì,+  bo ma nọ ze ayidonugo do ale mẹdetiti tọn mìtọn lẹ kẹdẹ ji,+ ṣigba do ale mẹdevo lẹ tọn ji ga.+  Mìwlẹ ni nọ tindo pọndohlan ehe to mì mẹ, ehe tin to Klisti Jesu mẹ ga,+  mẹhe, mahopọnna dọ e tin to awusọhia Jiwheyẹwhe tọn mẹ,+ ewọ ma lẹn nado hò otẹn de yí, enẹ wẹ, nado sọzẹn hẹ Jiwheyẹwhe.+  Lala, ṣigba e jo nulẹpo do bo taidi afanumẹ de+ bosọ lẹzun gbẹtọ.*+  Humọ, to whenuena e wá taidi gbẹtọ de,* e whiwhẹ ede bo setonu kakajẹ okú,+ mọwẹ, yèdọ okú to yatin* de ji.+  Na whẹwhinwhẹ́n ehe wutu, Jiwheyẹwhe ze e daga do otẹn he yiaga de mẹ+ bo gbọn homẹdagbe dali na ẹn oyín lọ he yiaga hú oyín devo lẹpo,+ 10  bọ to oyín Jesu tọn mẹ, kligonu lẹpo dona nọ dẹ́ yìdo—yèdọ dehe to olọn mẹ lẹ podọ dehe to aigba ji lẹ podọ dehe to aigba glọ lẹ+ 11  podọ odẹ́ lẹpo dona yigbe to gbangba dọ Jesu Klisti wẹ Oklunọ+ hlan gigo Jiwheyẹwhe Otọ́ lọ tọn. 12  Enẹwutu, mẹyiwanna ṣie lẹ emi, kẹdẹdile mì ko nọ setonu to whepoponu do, e ma yin to tintin tofi ṣie whenu kẹdẹ gba, ṣigba mì sọ wleawu nado wà humọ todin he yẹn ma tin to mì dè, mì nọ yí obu po sisọsisọ po do to azọ́nwa na whlẹngán mìtọn titi. 13  Na Jiwheyẹwhe wẹ yin mẹlọ he nọ dozolanmẹna mì bo nọ hẹn mì tindo ojlo bosọ nọ na mì huhlọn nado yinuwa sọgbe hẹ nuhe nọ hẹn homẹhun in. 14  Mì nọ to nulẹpo wà matin hùnhlún+ po nudindọn+ lẹ po, 15  na mì nido sọgan yin madoblọnọ po homẹvọnọ po, yèdọ ovi Jiwheyẹwhe tọn+ lẹ he ma tindo oblọ to whẹndo jijọ gbíngbánnọ po bublunọ de po+ ṣẹnṣẹn, mẹhe ṣẹnṣẹn mìwlẹ to wunhọ́n te taidi hinhọ́n lẹ to aihọn lọ mẹ,+ 16  bo nọ tẹdo ohó ogbẹ̀ tọn lọ go gligli.+ Gbọnmọ dali, yẹn na tindo whẹwhinwhẹ́n nado jaya to azán Klisti tọn gbè, to yinyọnẹn mẹ dọ yẹn ma dowezun to ovọ́ mẹ kavi wazọ́n sinsinyẹn to ovọ́ mẹ. 17  Etomọṣo, eyin yẹn tlẹ to yinyin kinkọnyinai taidi avọ́nunina nùnù+ de do avọ́sinsan+ sinsẹ̀nzọn wiwe tọn* he kọ̀n yise mìtọn ko plan mì jẹ lọ ji, yẹn yin homẹhunnọ bosọ jaya hẹ mì. 18  To aliho dopolọ mẹ, mìlọsu lẹ ni yin homẹhunnọ bosọ jaya hẹ mi. 19  Todin, yẹn tindo todido to Oklunọ Jesu mẹ nado do Timoti+ hlan mì dè to madẹnmẹ, na yẹn nido sọgan yin tulina to whenue yẹn na sè linlin lẹ gando mì go. 20  Na yẹn ma tindo mẹdevo de he tindo ayilinlẹn he taidi ewọ tọn, mẹhe na penukundo mì go sọn ahun mẹ wá. 21  Na mẹhe pò lẹpo wẹ nọ to ale yetọn titi lẹ dín, e ma yin Jesu Klisti tọn lẹ gba. 22  Ṣigba, mìwlẹ yọ́n kunnudenu he ewọ ko na gando ede go, dọ ewọ ko wazọ́n hẹ mi taidi ovi de+ hẹ otọ́ na nukọnyiyi wẹndagbe lọ tọn. 23  Enẹwutu, ewọ wẹ mẹlọ he yẹn to linlẹn nado dohlan mì dè tlolo he yẹn na ko yọ́n nuhe na jọ do go e. 24  Na nugbo tọn, yẹn tindo jidide to Oklunọ mẹ dọ yẹnlọsu ga na wá mì dè to madẹnmẹ.+ 25  Ṣigba todin, yẹn mọdọ e yin dandannu nado do Epafloditu hlan mì dè, yèdọ mẹmẹsunnu ṣie, azọ́nwatọ hatọ de podọ awhànfuntọ hatọ de, mẹhe yin dẹ́mẹnu mìtọn podọ devizọnwatọ ṣie titi na nuhudo ṣie,+ 26  na ewọ to jijlo vẹkuvẹku nado mọ mìmẹpo podọ ewọ jẹflumẹ na mìwlẹ ko sè dọ e to azọ̀njẹ wutu. 27  Na nugbo tọn, ewọ jẹazọ̀n dibla jẹ kúdonu; ṣigba Jiwheyẹwhe wàlẹblanu na ẹn, na taun tọn, e ma yin na ewọ kẹdẹ, ṣigba na yẹnlọsu ga, na awubla nikaa jẹ awubla ji na mi. 28  Enẹwutu, po awuyiya daho po wẹ yẹn to dido e hlan, na to whenue mìwlẹ mọ ẹn godo, mì nido sọgan jaya whladopo dogọ bọ ayimajai yẹnlọsu tọn nido depò. 29  Enẹwutu, mì yí ayajẹ lẹpo do dokuavọna ẹn dile mì nọ basi do to Oklunọ mẹ, podọ mì nọ pọ́n omẹ mọnkọtọn lẹ hlan di mẹvivẹ,+ 30  na ewọ ko dibla kú na azọ́n Klisti* tọn wutu, bo to ogbẹ̀* etọn zedo owù mẹ, na ewọ nido sọgan nọ otẹn mìtọn mẹ, na mìwlẹ ma tin tofi nado wà sinsẹ̀nzọn na mi wutu.+

Nudọnamẹ Odò Tọn

To paa mẹ, “he mimá gbigbọmẹ tọn depope.”
To paa mẹ, “to kọndopọ mẹ di alindọn dopo.”
Kavi “mẹdezewhè.”
To paa mẹ, “sọawuhia di gbẹtọ.”
To paa mẹ, “to whenuena e yin mimọ to awusọhia gbẹtọ tọn mẹ.”
Pọ́n Zẹm.
Kavi “sinsẹ̀nzọn gbangba tọn.”
Kavi vlavo, “Oklunọ.”
Kavi “alindọn.”