Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 9:1-11

NUHE E BẸHẸN LẸ

  • Mẹhusudotọ 6 po dawe he hẹn wesinzo po (1-11)

    • Whẹdida na bẹ sọn fiwiwe lọ (6)

9  Whenẹnu wẹ yẹn sè bọ e yí ogbè lélé de do dọmọ: “Bẹ mẹhe na hẹn yasanamẹ wá tòdaho lọ ji lẹ pli, yèdọ dopodopo yetọn po adánwanu mẹvasudo tọn po to alọmẹ!”  Yẹn sọ mọ bọ sunnu ṣidopo ja sọn họngbo he to aganu+ bo pannukọn agewaji lọ kọ̀n, dopodopo yetọn sọ hẹn adánwanu mẹhusudo tọn to alọmẹ; podọ dopo to sunnu lọ lẹ mẹ do alavọ bosọ tindo wesinzo wekantọ tọn* de to alinkàn, yé sọ biọ họmẹ bo nọte to agbà gànvẹẹ tọn lọ pá.+  Whenẹnu wẹ gigo Jiwheyẹwhe Islaeli tọn+ sẹtẹn sọn fie e te to kelubimi lẹ ji wá yì họntonu ohọ̀ lọ tọn,+ ewọ sọ jẹ awhádo ylọ sunnu he do alavọ bo tindo wesinzo wekantọ tọn to alinkàn lọ ji.  Jehovah sọ dọna ẹn dọmọ: “Jugbọn tòdaho lọ mẹ, yèdọ gbọn Jelusalẹm mẹ, bo do ohia nukọnna mẹhe to lewu bo to hunwẹn+ na osùnú he to yinyin wiwà to tòdaho lọ mẹ lẹpo wutu.”+  Yẹn sọ sè bọ e dọna mẹhe pò lẹ dọmọ: “Mì jugbọn tòdaho lọ mẹ hodo e bo hù mẹlọ lẹ. Mì dike nukun mìtọn wàlẹblanu blo, mì sọ vẹawu mẹdepope blo.+  Mì hù sunnu mẹho, dẹpẹ, awhli, yọpọvu, po yọnnu mẹho lẹ po mlẹnmlẹn.+ Ṣigba, mì sẹpọ mẹdepope he tindo ohia lọ blo.+ Mì dona bẹjẹeji sọn fiwiwe ṣie mẹ.”+ Enẹwutu, yé bẹjẹeji sọn sunnu mẹho he to ohọ̀ lọ nukọn lẹ ji.+  Enẹgodo, e dọna yé dọmọ: “Mì hẹn ohọ̀ lọ flu bo bẹ mẹhe yin hùhù lẹ gọ́ awánu lẹ mẹ.+ Mì yì!” Yé sọ tọ́nyi bo hù mẹhe to tòdaho lọ mẹ lẹ.  Yẹn kẹdẹ wẹ pò to whenue yé to mẹlọ lẹ hù, yẹn sọ ṣinyọ́n nukunmẹ ai bo dawhá dọmọ: “Ṣo, Oklunọ Nupojipetọ Jehovah E! Be hiẹ na và mẹhe pò to Islaeli lẹpo sudo dile a to adi towe kọ̀n jẹgbonu do Jelusalẹm ji wẹ ya?”+  Whenẹnu wẹ e dọna mi dọmọ: “Nuṣiwa owhé Islaeli po Juda po tọn ko gọfla.+ Aigba lọ ko gọ́ na hùnsọndai+ podọ tòdaho lọ ko gọ́ na mẹhodu.+ Na yé dọ dọ, ‘Jehovah ko jo aigba lọ do, Jehovah ma to mimọ.’+ 10  Ṣigba na yẹn tọn, nukun ṣie ma na wàlẹblanu; mọjanwẹ yẹn ma na do awuvẹmẹ hia.+ Yẹn na hẹn kọdetọn ylankan aliho yetọn lẹ tọn wá ota yetọn titi ji.” 11  Enẹgodo, yẹn mọ sunnu he do alavọ bọ wesinzo to alinkàn etọn lọ lẹkọwa dogbè dọmọ: “Yẹn ko basi pẹpẹ kẹdẹdile hiẹ degbe etọn na mi do.”

Nudọnamẹ Odò Tọn

Kavi “nuhe mẹ wesin wekantọ tọn nọ nọ̀.”