Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 6:1-14

NUHE E BẸHẸN LẸ

  • Sọta osó Islaeli tọn lẹ (1-14)

    • Yè na dowinyan boṣiọ hiọawu lẹ (4-6)

    • ‘Mì na yọnẹn dọ yẹn wẹ Jehovah’ (7)

6  Ohó Jehovah tọn sọ vọ́ wá dè e dọmọ:  “Visunnu gbẹtọ tọn, lẹ́ pànta osó Islaeli tọn lẹ bo dọ dọdai sọta yé.  Hiẹ na dọ dọ, ‘Osó Islaeli tọn lẹ emi, mì sè ohó Oklunọ Nupojipetọ Jehovah tọn: Nuhe Oklunọ Nupojipetọ Jehovah dọ hlan osó lẹ, okọ́ta lẹ, osinwhín lẹ po agbàdo lẹ po die: “Pọ́n! yẹn na hẹn ohí wá mì ji, yẹn nasọ và ofi yiaga mìtọn lẹ sudo.  Agbà mìtọn lẹ na yin hihọliai, agbà nuyọnwan tọn mìtọn lẹ nasọ yin gbigbà hányán,+ yẹn nasọ bẹ oṣiọ mìtọn lẹ dlan boṣiọ hiọawu* mìtọn lẹ nukọn.+  Yẹn na ze oṣiọ omẹ Islaeli tọn lẹ tọn dlan boṣiọ hiọawu yetọn lẹ nukọn, yẹn nasọ vúnvún ohú mìtọn lẹ pé gbọn agbà mìtọn lẹ ji.+  Tòdaho he mẹ mì nọ nọ̀ lẹpo na yin vivasudo+ podọ ofi yiaga mìtọn lẹ na yin hihọliai bo nasọ jẹvọ́.+ Agbà mìtọn lẹ na yin hihọliai bo na yin gbigbà hányán, boṣiọ hiọawu mìtọn lẹ na dọ̀n, agbà nuyọnwan tọn mìtọn lẹ na yin sinsánliai bọ azọ́n mìtọn lẹ na yin hinhẹn zun ovọ́.  Podọ mẹhe yin hùhù lẹ na jai to ṣẹnṣẹn mìtọn,+ mìwlẹ nasọ yọnẹn dọ yẹn wẹ Jehovah.+  “‘“Ṣigba, yẹn na pò mẹdelẹ dai, na delẹ to mì mẹ na họ̀ngán sọn ohí he na wá akọta lọ lẹ ji nù to whenue yè na vúnvún mì pé gbọn aigba lọ lẹpo ji.+  Podọ mẹhe na luntọ́n lẹ na flin mi to akọta he mẹ yé na yin hinhẹn yì kanlinmọgbenu te lẹ.+ Yé na mọdọ yé ko hẹn awubla mi na ahun yetọn ma yin nugbonọ* bo ko lẹkọ sọn dè e wutu,+ gọna nukun yetọn lẹ he nọ túnwán to* boṣiọ hiọawu yetọn lẹ godo.+ Yé na gbẹwanna nuylankan po osùnú he yé ko wà lẹpo po bọ winyan nasọ hù yé.+ 10  Yé nasọ yọnẹn dọ yẹn wẹ Jehovah, podọ adán he yẹn sìn nado hẹn nugbajẹmẹji ehe wá yé ji lẹ ma yin to ovọ́ mẹ.”’+ 11  “Nuhe Oklunọ Nupojipetọ Jehovah dọ die: ‘Yí alọ towe lẹ do hopẹ́ bo zìn afọ towe do kọmẹ, bo ví oylan po osùnú he owhé Islaeli tọn ko wà lẹpo po, na yé na jai gbọn ohí, huvẹ po azọ̀nylankan po dali.+ 12  Mẹhe to fidindẹn na kú gbọn azọ̀nylankan dali, mẹhe to yakẹ na kú gbọn ohí dali, mẹdepope he sọ lùn onú ehelẹ tọ́n bo gbọṣi ai na kú gbọn huvẹ dali; yẹn nasọ do adi ṣie hia yé to gigọ́ mẹ.+ 13  Mìwlẹ nasọ yọnẹn dọ yẹn wẹ Jehovah,+ to whenue oṣiọ yetọn lẹ na mlọnai do boṣiọ hiọawu yetọn lẹ ṣẹnṣẹn, lẹdo agbà yetọn lẹ pé,+ to okọ́ta yiaga yetọn lẹpo ji, to osó yetọn lẹpo ji, to atin he vùn lẹpo sá, podọ to alà atin daho lẹ tọn glọ, fie yé ko na avọ́nunina owán gblingblinnọ lẹ te nado vẹvẹna boṣiọ hiọawu yetọn lẹpo.+ 14  Yẹn na dlẹnalọ ṣie jẹgbonu sọta yé bo na hẹn aigba lọ jẹvọ́, podọ fininọ yetọn lẹpo na jẹvọ́ mlẹnmlẹn hú danfafa he sẹpọ Dibla. Yé nasọ yọnẹn dọ yẹn wẹ Jehovah.’”

Nudọnamẹ Odò Tọn

Hogbe Heblugbe tọn lọ sọgan tindo kanṣiṣa hẹ hogbe he nọ dlẹnalọdo “omí” podọ e nọ yin yiyizan taidi hogbe vlẹko tọn.
Kavi “ahun yetọn nọ joawuna fẹnnuwiwa; walọ gblezọn.”
Kavi “he nọ yí fẹnnuwiwa do hodo.”