Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 5:1-17

NUHE E BẸHẸN LẸ

  • Lehe Jelusalẹm na jai do (1-17)

    • Oda he yẹwhegán lọ pà yin mimá do atọ̀n (1-4)

    • Jelusalẹm ylanhu akọta lẹ (7-9)

    • Nuyiwa hẹ atẹṣitọ lẹ to aliho 3 mẹ (12)

5  “Na nuhe dù hiẹ, visunnu gbẹtọ tọn, yí ohí didá he hiẹ na yizan taidi dàlunhi dàpatọ tọn de. Whlẹ́ ota towe po ogbì towe po, enẹgodo ze nujlẹgàn nado jlẹ ofún lọ lẹ bo má yé do gọnu-gọnu.  Hiẹ na mẹ̀ mado-atọ̀ntọ etọn to miyọ́n mẹ to tòdaho lọ mẹ to whenue azán glọ̀ndo tọn lọ lẹ wá vivọnu.+ Enẹgodo, hiẹ na yí mado-atọ̀ntọ devo bo yí ohí do já ẹ gbọn tòdaho lọ mẹ* lẹdo pé,+ podọ mado-atọ̀ntọ he pò wẹ hiẹ na vúnvún pé do jẹhọn mẹ, yẹn nasọ yí ohí do dómọna yé.+  “Hiẹ nasọ yí vude to e mẹ bo na blá ẹ do tónu tewu* towe tọn.  Podọ hiẹ ni yí vude dogọ sọn e mẹ bo ze e dlan miyọ́n mẹ bosọ fiọ ẹ. Miyọ́n de nasọ tọ́n sọn ehe mẹ bo gbàpe gbọn owhé Islaeli tọn lẹpo ji.+  “Nuhe Oklunọ Nupojipetọ Jehovah dọ die: ‘Ehe wẹ Jelusalẹm. Yẹn ko do e ai do akọta lẹ ṣẹnṣẹn, yèdọ to otò he lẹdo e lẹ ṣẹnṣẹn.  Ṣigba, ewọ ko ṣiatẹ sọta nudide whẹdida tọn ṣie lẹ po osẹ́ndoai ṣie lẹ po, bo yinuwa po kanyinylan po hú akọta lẹ podọ hú otò he lẹdo e lẹ.+ Na yé ko gbẹ́ nudide whẹdida tọn ṣie lẹ dai, yé masọ zinzọnlin to osẹ́ndoai ṣie lẹ mẹ.’  “Enẹwutu, nuhe Oklunọ Nupojipetọ Jehovah dọ die: ‘Na hiẹ yin tuklanọ hú akọta he lẹdo we lẹ wutu, bo masọ zinzọnlin to osẹ́ndoai ṣie lẹ mẹ kavi setonuna nudide whẹdida tọn ṣie lẹ, ṣigba kakatimọ hiẹ ko doafọna nudide whẹdida tọn akọta he lẹdo we lẹ tọn,+  nuhe Oklunọ Nupojipetọ Jehovah dọ die: “Yẹn ko diọnukunsọ we, hiẹ tòdaho E,+ podọ yẹnlọsu wẹ na hẹn whẹdida ṣẹ to ṣẹnṣẹn towe to nukun akọta lẹ tọn mẹ.+  Yẹn na wà nuhe yẹn ma ko wà pọ́n gbede to hiẹ mẹ, yèdọ nuhe nkọ yẹn ma nasọ wà pọ́n gbede, na osùnú he to yinyin wiwà to hiẹ mẹ lẹpo wutu.+ 10  “‘“Enẹwutu, otọ́ he to ṣẹnṣẹn towe lẹ na dù visunnu yetọn lẹ,+ podọ visunnu lẹ na dù otọ́ yetọn lẹ, yẹn nasọ hẹn whẹdida ṣẹ to ṣẹnṣẹn towe bo vúnvún mẹhe pò lẹpo pé yì awà lẹpo ji.”’*+ 11  “‘Enẹwutu, dile yẹn togbẹ̀,’ wẹ Oklunọ Nupojipetọ Jehovah dọ, ‘na fiwiwe ṣie wẹ mì yí boṣiọ he hiọawu mìtọn lẹ po osùnú mìtọn lẹ po do hẹnflu, yẹn nasọ gbẹ́ mì dai;*+ nukun ṣie ma na wàlẹblanuna mì podọ yẹn ma na do awuvẹmẹ hia mì.+ 12  Mado-atọ̀ntọ to mì mẹ wẹ na kú gbọn azọ̀nylankan* dali kavi dọ̀n gbọn huvẹ dali to ṣẹnṣẹn mìtọn. Mado-atọ̀ntọ devo na jai lẹdo mì pé gbọn ohí dali.+ Yẹn nasọ vúnvún mado-atọ̀ntọ he pò lọ pé yì awà lẹpo ji* podọ yẹn na sún ohí de nado dómọna yé.+ 13  Enẹgodo, homẹgble ṣie na doalọte, adi ṣie sọta yé nasọ depò podọ yẹn nasọ tindo pekọ.+ Yé nasọ yọnẹn dọ yẹn, Jehovah, ko dọho bo zinnudo mẹdezejo mlẹnmlẹn ji,+ whenue yẹn na ko dotana adi ṣie do yé ji godo. 14  “‘Yẹn na hẹn we zun aigba he jẹvọ́ de podọ aṣagbọ́nu de to akọta he lẹdo we lẹ ṣẹnṣẹn podọ to nukun mẹhe juwajei lẹpo tọn mẹ.+ 15  Hiẹ na lẹzun aṣagbọ́nu podọ mẹvlẹko de,+ apajlẹ avase tọn de podọ awuhiọnu de na akọta he lẹdo we lẹ, to whenue yẹn na hẹn whẹdida ṣẹ do ji we to homẹgble po adi po mẹ podọ po yasanamẹ sinsinyẹn lẹ po. Yẹn, Jehovah, ko dọ ẹ. 16  “‘Yẹn na hẹn ogá huvẹ tọn he nọ hẹn okú wá lẹ wá yé ji nado và yé sudo. Ogá he yẹn na dohlan lẹ na hù mì sudo.+ Yẹn na hẹn huvẹ lọ sinyẹn deji na mì gbọn ali núdùdù tọn súsúdo mì dali.*+ 17  Yẹn na hẹn huvẹ po gbekanlin ylankan lẹ po wá mì ji,+ yé nasọ hù ovi mìtọn lẹ. Azọ̀nylankan po hùnsọndai po na gbaṣinyọ́n mì, yẹn nasọ hẹn ohí wá mì ji.+ Yẹn, Jehovah, ko dọ ẹ.’”

Nudọnamẹ Odò Tọn

To paa mẹ, “gbọn e mẹ.”
To paa mẹ, “yẹli.”
To paa mẹ, “hlan jẹhọn lẹpo.”
Kavi “nasọ de huhlọn mìtọn pò.”
Kavi “azọ̀n.”
To paa mẹ, “hlan jẹhọn lẹpo.”
To paa mẹ, “gbọn opò akla tọn mìtọn winwẹ́n dali.” Vlavo ehe to alọdlẹndo opò he nọ yin yiyizan nado to akla.