Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 46:1-24

NUHE E BẸHẸN LẸ

  • Avọ́nunina to ojlẹ tangan delẹ mẹ (1-15)

  • Ogú aigba ahọvi tọn (16-18)

  • Fie yè na nọ sọakusìn avọ́nunina te lẹ (19-24)

46  “Nuhe Oklunọ Nupojipetọ Jehovah dọ die: ‘Họngbo awánu homẹ tọn lọ tọn he pannukọn whèzẹtẹn+ dona gbọṣi súsú+ na azọ́nzán ṣidopo lọ lẹ,+ ṣigba to Gbọjẹzangbe podọ to azán osun yọyọ tọn gbè, e dona yin hùnhùn.  Ahọvi lọ na biọ e mẹ sọn gbonu gbọn atọ̀họ̀ họngbo lọ tọn nù,+ e nasọ ṣite to dòtin họngbo lọ tọn pá. Yẹwhenọ lẹ na na avọ́nunina mimẹ̀ blebu etọn po avọ́sinsan jijọho tọn etọn lẹ po, ewọ nasọ dẹ́ do odò to họngbo lọ nù bo nasọ tọ́nyi to enẹgodo. Ṣigba họngbo lọ ma dona yin súsú kakajẹ whèjai.  Mẹhe nọ nọ̀ aigba lọ ji lẹ lọsu na dẹ́ do odò to Jehovah nukọn to họngbo lọ nù to Gbọjẹzan lẹ gbè podọ to osun yọyọ lẹ whenu.+  “‘Avọ́nunina mimẹ̀ blebu he ahọvi lọ na hẹnwa Jehovah nukọn to Gbọjẹzangbe dona bẹ lẹngbọvu asu he to gángán ṣidopo po agbò he to gángán dopo po hẹn.+  Avọ́nunina jinukun-lili tọn lọ na yin efa* dopo na agbò dopo po nudepope he go e pé nado na na lẹngbọvu asu lọ lẹ po, gọna amì hini* dopo na efa dopo.+  To azán osun yọyọ lọ tọn gbè, avọ́nunina lọ na bẹ oyìnsú winyanwinyan he to gángán de sọn kanlinpa lọ mẹ, lẹngbọvu asu ṣidopo po agbò dopo po hẹn; yé dona yin dehe to gángán lẹ.+  E na na avọ́nunina jinukun-lili tọn efa dopo na oyìnsú winyanwinyan lọ, efa dopo na agbò lọ, podọ nudepope he go e pé nado na na lẹngbọvu asu lọ lẹ. Podọ e dona na amì hini dopo na efa dopo.  “‘Eyin ahọvi lọ jlo na biọ e mẹ, e dona nọ biọ e mẹ gbọn atọ̀họ̀ họngbo lọ tọn nù bo nasọ nọ tọ́nyi gbọn finẹ.+  Podọ to whenue mẹhe nọ nọ̀ aigba lọ ji lẹ biọ e mẹ wá Jehovah nukọn to hùnwhẹ lẹ whenu,+ mẹhe wá gbọn họngbo agewaji tọn+ nù nado basi sinsẹ̀n lẹ dona nọ tọ́nyi gbọn họngbo hùwaji tọn+ nù, podọ mẹhe wá gbọn họngbo hùwaji tọn nù lẹ dona nọ tọ́nyi gbọn họngbo agewaji tọn nù. Mẹdepope ma dona nọ lẹkọyi gbọn họngbo he nù e gbọn do biọ e mẹ, na họngbo he pannukọn yé nù wẹ yé dona nọ tọ́nyi gbọn. 10  Na nuhe dù ahọvi he to ṣẹnṣẹn yetọn lọ, ewọ dona nọ hodo yé wá bo nasọ nọ tọ́nyi po yé po. 11  To hùnwhẹ po nuwiwa ayajẹ tọn lẹ po whenu, avọ́nunina jinukun-lili tọn lọ dona nọ yin efa dopo na oyìnsú winyanwinyan lọ, efa dopo na agbò lọ, podọ nuhe go e pé nado na na lẹngbọvu asu lọ lẹ, gọna amì hini dopo na efa dopo.+ 12  “‘Eyin ahọvi lọ wleawuna avọ́nunina mimẹ̀ blebu+ de kavi avọ́sinsan jijọho tọn lẹ taidi nunina sọn ojlo mẹ wá de hlan Jehovah, họngbo he pannukọn whèzẹtẹn lọ na yin hùnhùn na ẹn, ewọ nasọ wleawuna avọ́nunina mimẹ̀ blebu etọn po avọ́sinsan jijọho tọn etọn lẹ po kẹdẹdile e ko nọ wà do to Gbọjẹzangbe.+ Eyin ewọ tọ́nyi, họngbo lọ na nọ yin súsú.+ 13  “‘To azán dopodopo ji, hiẹ na nọ wleawuna lẹngbọvu asu owhe dopo mẹ tọn he to gángán de taidi avọ́nunina mimẹ̀ blebu de hlan Jehovah.+ Hiẹ na nọ wà ehe to aihọngbè aihọngbè. 14  Humọ, to afọnnu dopodopo, hiẹ dona nọ wleawuna avọ́nunina jinukun-lili tọn mado-ṣidopotọ efa dopo tọn gọna amì mado-atọ̀ntọ hini dopo tọn he yè na húnhún do linfin dagbedagbe lọ ji taidi avọ́nunina jinukun-lili tọn gbesisọ tọn de hlan Jehovah. Osẹ́ndoai he na dẹn-to-aimẹ de wẹ ehe yin. 15  Yé dona wleawuna lẹngbọvu asu lọ, avọ́nunina jinukun-lili tọn lọ po amì lọ po egbesọegbesọ taidi avọ́nunina mimẹ̀ blebu de to gbesisọ mẹ.’ 16  “Nuhe Oklunọ Nupojipetọ Jehovah dọ die: ‘Eyin ahọvi lọ na nunina de visunnu etọn dopodopo taidi ogú, e na lẹzun nutindo visunnu etọn lẹ tọn. E na yin ogú yetọn. 17  Ṣigba, eyin e na nunina ode to devi etọn lẹ mẹ sọn ogú etọn mẹ, e na yin devi lọ tọn kakajẹ owhe tundote tọn whenu;+ enẹgodo, e nasọ lẹzun ahọvi lọ tọn. Ogú visunnu etọn lẹ tọn kẹdẹ wẹ na yin yetọn kakadoi. 18  Ahọvi lọ ma dona hò ogú mẹlọ lẹ tọn depope yí gbọn yinyan yé gánnugánnu sọn aigba yetọn ji dali. Aigba edetiti tọn mẹ wẹ e dona na ogú visunnu etọn lẹ sọn, na depope to omẹ ṣie lẹ mẹ ma nado yin yinyan sọn aigba yetọn ji.’” 19  Enẹgodo, e plan mi biọ e mẹ gbọn aliho+ he to apá na họngbo he nọ hẹnmẹ jẹ abò núdùdù tọn wiwe* yẹwhenọ lẹ tọn lọ lẹ kọ̀n he pannukọn agewaji lọ nù,+ to finẹ n’mọ fide to godo lọ pànta whèyihọ. 20  E sọ dọna mi dọmọ: “File wẹ yẹwhenọ lẹ na nọ sọakusìn avọ́nunina whẹhuhu tọn lọ po avọ́nunina ylando tọn lọ po te, podọ file wẹ yé nasọ nọ sọ̀ avọ́nunina jinukun-lili tọn lọ te,+ na yé nikaa hẹn nudepope yì awánu gbonu tọn lọ mẹ bo hẹn gbẹtọ lọ lẹ zun wiwe.”*+ 21  E sọ plan mi yì awánu gbonu tọn lọ mẹ bo plan mi gbọn agosu ẹnẹ awánu lọ tọn lẹ ji, n’sọ mọ awánu dopodopo to agosu awánu gbonu tọn lọ tọn dopodopo kọ̀n. 22  To agosu awánu lọ tọn ẹnẹ lẹ kọ̀n wẹ awánu pẹvipẹvi lẹ tin te, yé dite na awagbà* 40 bo gblo na awagbà 30. Ẹnẹ lẹpo wẹ sọ sọzẹn.* 23  Adó tónu tọn* lẹ sọ lẹdo ẹnẹ lẹ pé, podọ fie yé na nọ sọakusìn avọ́nunina lẹ te yin awuwlena do odò na adó tónu tọn lọ lẹ. 24  Whenẹnu wẹ e dọna mi dọmọ: “Ohọ̀ ehelẹ mẹ wẹ lizọnyitọ tẹmpli lọ tọn lẹ na nọ sọakusìn avọ́sannu mẹlọ lẹ tọn te.”+

Nudọnamẹ Odò Tọn

Pọ́n Nud. B14.
Pọ́n Nud. B14.
Kavi “abò wiwe.”
To paa mẹ, “bo klan gbẹtọ lẹ do wiwe.”
Ehe to alọdlẹndo awagbà he dite. Pọ́n Nud. B14.
Kavi “Enẹ lẹpo po dòtin agosu mẹ tọn yetọn lẹ po wẹ sọzẹn.”
Kavi “he to hukan ji.”