Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 45:1-25

NUHE E BẸHẸN LẸ

  • Nunina wiwe po tòdaho lọ po (1-6)

  • Mimá ahọvi tọn (7, 8)

  • Ahọvi lẹ dona yin nugbonọ (9-12)

  • Nunina gbẹtọ lẹ tọn po ahọvi po (13-25)

45  “‘Eyin mì má aigba lọ taidi ogú de,+ mì dona de mimá wiwe de dovo sọn aigba lọ mẹ taidi nunina de na Jehovah.+ Tedidi etọn na yin awagbà* 25 000 podọ gbigblo etọn na yin awagbà 10 000.+ Lẹdo etọn pete* na yin mimá wiwe de.  Mimá he sọzẹn to adà ẹnẹ lẹ mẹ de na tin to ofi wiwe lọ mẹ bo na dite na awagbà 500 bo gblo na awagbà 500,*+ podọ e na tindo awagbà 50 taidi kanlindugbo to awà dopodopo ji.+  Sọn ehe mẹ, hiẹ na jlẹ tedidi awagbà 25 000 po gbigblo awagbà 10 000 po tọn, podọ fiwiwe lọ, yèdọ fie wé hugan lọ na tin to e mẹ.  E na yin mimá aigba tọn wiwe de na yẹwhenọ lẹ,+ yèdọ lizọnyitọ fiwiwe lọ tọn lẹ he nọ dọnsẹpọ Jehovah nado yilizọn na ẹn.+ Finẹ wẹ yé na gbá owhé yetọn lẹ do bọ e nasọ yin nọtẹn wiwe de na fiwiwe lọ.  “‘Na Levinu he nọ yilizọn to tẹmpli mẹ lẹ, yé na tindo mimá de he dite na awagbà 25 000 bo gblo na awagbà 10 000,+ podọ abò núdùdù tọn 20+ na yin nina yé taidi nutindo de.  “‘Hiẹ na na lẹdo de tòdaho lọ he na dite na awagbà 25 000 (sọgbe hẹ nunina wiwe lọ) bo gblo na awagbà 5 000.+ E nasọ yin owhé Islaeli lẹpo pete tọn.  “‘Podọ na ahọvi lọ, aigba he tin to adà awe nunina wiwe lọ tọn ji po lẹdo he yin didedovo to tòdaho lọ mẹ po na yin etọn. E na bọdo nunina wiwe lọ po aigba tòdaho lọ tọn po go. E na tin to whèyihọ-waji podọ to whèzẹtẹn-waji. Tedidi etọn sọn dogbó whèyihọ tọn ji yì dogbó whèzẹtẹn tọn ji na sọzẹn hẹ mimá hẹnnu dopodopo tọn.+  Aigba ehe na lẹzun nutindo etọn to Islaeli mẹ. Ahọvi ṣie lẹ ma na nọ sayana omẹ ṣie lẹ ba,+ yé nasọ na aigba lọ owhé Islaeli tọn sọgbe hẹ hẹnnu yetọn lẹ.’+  “Nuhe Oklunọ Nupojipetọ Jehovah dọ die: ‘Mì ahọvi Islaeli tọn lẹ emi, fie mì ko zẹ̀pá jẹ ko pé!’ “‘Mì doalọtena danuwiwa po kọgbidinamẹ mìtọn po bo wà nuhe sọgbe bosọ yin dodo.+ Mì doalọtena nutindo omẹ ṣie lẹ tọn hihòyi,’+ wẹ Oklunọ Nupojipetọ Jehovah dọ. 10  ‘Mì dona nọ yí ojlẹnu pipé, ojlẹnu efa* tọn pipé po ojlẹnu bati* tọn pipé po zan.+ 11  Ojlẹnu tangan de dona yin zizedai na ojlẹnu efa po bati po tọn. Ojlẹnu bati tọn na hẹn mado-ao homẹli* tọn, ojlẹnu efa tọn nasọ hẹn mado-ao homẹli tọn. Ojlẹnu homẹli tọn wẹ dona nọ yin yiyizan na nujijlẹ. 12  Ṣekẹli*+ dopo na sọzẹn hẹ gela 20. Ṣekẹli 20 po ṣekẹli 25 po gọna ṣekẹli 15 na sọzẹn hẹ mane* dopo na mì.’ 13  “‘Nunina he mì na basi die: mado-ṣidopotọ efa dopo tọn sọn likun homẹli dopo mẹ gọna mado-ṣidopotọ efa dopo tọn sọn balekun homẹli dopo mẹ. 14  Amì he nọ yin nina na sọzẹn hẹ ojlẹ bati dopo tọn. Bati dopo yin mado-ao kọli* dopo tọn, podọ bati ao yin homẹli dopo, na bati ao sọzẹn hẹ homẹli dopo. 15  Podọ sọn kanlin-yìnyìn Islaelivi lẹ tọn mẹ, lẹngbọ dopo to 200 ji na nọ yin nina. Ehe na yin na avọ́nunina jinukun-lili tọn lọ,+ avọ́nunina mimẹ̀ blebu lọ+ po avọ́sinsan jijọho tọn+ lẹ po, nado sọgan basi ovẹsè do ota mẹlọ lẹ tọn mẹ,’+ wẹ Oklunọ Nupojipetọ Jehovah dọ. 16  “‘Mẹhe nọ nọ̀ aigba lọ ji lẹpo na nọ basi nunina ehe+ na ahọvi lọ to Islaeli. 17  Ṣigba, ahọvi lọ wẹ na nọ penukundo avọ́nunina mimẹ̀ blebu+ lọ lẹ, avọ́nunina jinukun-lili tọn+ lọ po avọ́nunina nùnù lọ po go to hùnwhẹ lẹ,+ osun yọyọ lẹ, Gbọjẹzan+ lẹ podọ to hùnwhẹ he yin didena owhé Islaeli tọn lẹpo whenu.+ Ewọ wẹ na wleawuna avọ́nunina ylando tọn lọ, avọ́nunina jinukun-lili tọn lọ, avọ́nunina mimẹ̀ blebu lọ po avọ́sinsan jijọho tọn lọ lẹ po, nado sọgan basi ovẹsè do owhé Islaeli tọn tamẹ.’ 18  “Nuhe Oklunọ Nupojipetọ Jehovah dọ die: ‘To osun tintan mẹ, to azán tintan osun lọ tọn mẹ, hiẹ na yí oyìnsú winyanwinyan he to gángán de sọn kanlinpa lọ mẹ, hiẹ nasọ lẹ̀ fiwiwe lọ wé sọn ylando mẹ.+ 19  Yẹwhenọ lọ na yí sọn ohùn avọ́nunina ylando tọn lọ tọn mẹ bo na yí i do dòtin tẹmpli lọ tọn ji,+ do agosu ẹnẹ tónu he lẹdo agbà lọ tọn lẹ tọn ji podọ do dòtin họngbo awánu homẹ tọn lọ tọn ji. 20  Onú enẹlẹ wẹ hiẹ na wà to azán ṣinawetọ osun lọ tọn mẹ na mẹdepope he gbọn nuṣiwa dali kavi to mayọnẹn mẹ waylando;+ hiẹ sọ dona basi ovẹsè do tẹmpli lọ tamẹ.+ 21  “‘To osun tintan mẹ, to azán 14tọ osun lọ tọn mẹ, mì na basi hùnwhẹ Juwayi tọn.+ Mì na dù akla madotọ́n lẹ na azán ṣinawe.+ 22  To azán enẹ gbè, ahọvi lọ na wleawuna oyìnsú winyanwinyan de taidi avọ́nunina ylando tọn do ota edetiti tọn mẹ podọ do ota mẹhe nọ nọ̀ aigba lọ ji lẹpo tọn mẹ.+ 23  Na azán ṣinawe hùnwhẹ lọ tọn lẹ, ewọ na wleawuna oyìnsú winyanwinyan he to gángán ṣinawe po agbò he to gángán ṣinawe po egbesọegbesọ na azán ṣinawe lọ lẹ taidi avọ́nunina mimẹ̀ blebu de hlan Jehovah,+ gọna gbọgbọẹ asu de egbesọegbesọ taidi avọ́nunina ylando tọn de. 24  E sọ dona wleawuna avọ́nunina jinukun-lili tọn efa dopo na oyìnsú winyanwinyan dopodopo podọ efa dopo na agbò dopodopo gọna amì hini* dopo na ojlẹ efa tọn dopodopo. 25  “‘To osun ṣinawetọ mẹ, to azán 15tọ osun lọ tọn mẹ, na azán ṣinawe hùnwhẹ lọ tọn lẹ,+ ewọ dona wleawuna avọ́nunina ylando tọn dopolọ, avọ́nunina mimẹ̀ blebu dopolọ, avọ́nunina jinukun-lili tọn dopolọ po amì dopolọ po.’”

Nudọnamẹ Odò Tọn

Ehe to alọdlẹndo awagbà he dite. Pọ́n Nud. B14.
Kavi “Dogbó etọn lẹpo.”
To paa mẹ, “500 to adà ẹnẹ lẹpo ji.”
Pọ́n Nud. B14.
Pọ́n Nud. B14.
Pọ́n Nud. B14.
Pọ́n Nud. B14.
Kavi “mina.” Pọ́n Nud. B14.
Pọ́n Nud. B14.
Pọ́n Nud. B14.