Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 41:1-26

NUHE E BẸHẸN LẸ

  • Fiwiwe tẹmpli lọ tọn (1-4)

  • Adó po abò he to adà mẹ lẹ po (5-11)

  • Ohọ̀ he to whèyihọ-waji (12)

  • Ohọ̀ lọ lẹ yin jijlẹ (13-15a)

  • Homẹ fiwiwe lọ tọn (15b-26)

41  E sọ plan mi biọ fiwiwe* gbonu tọn lọ mẹ bo jlẹ dòtin he to adà mẹ na ẹn lẹ; yé gblo na awagbà* ṣidopo to awà dopo ji podọ awagbà ṣidopo to awà awetọ ji.  Họntonu lọ gblo na awagbà ao, podọ adó he to apá na* họntonu lọ lẹ dite na awagbà atọ́n to awà dopo ji podọ awagbà atọ́n to awà awetọ ji. E jlẹ tedidi etọn, e sọ yin awagbà 40, gbigblo etọn sọ yin awagbà 20.  E sọ yì homẹ* bo jlẹ dòtin he to adà mẹ na họntonu lọ, titli etọn sọ yin awagbà awe, podọ họntonu lọ gblo na awagbà ṣidopo. Adó he to apá na họntonu lọ lẹ sọ yin* awagbà ṣinawe.  Enẹgodo, e jlẹ abò he pannukọn fiwiwe gbonu tọn lọ, e sọ dite na awagbà 20 bo gblo na awagbà 20.+ E sọ dọna mi dọmọ: “Fiwiwe Gbaugbau lọ die.”+  E sọ jlẹ adó tẹmpli lọ tọn bọ titli etọn yin awagbà ṣidopo. Họ̀nù he to adà mẹ na tẹmpli lọ lẹdo pé lẹ gblo na awagbà ẹnẹ.+  Họ̀nù he to adà mẹ lọ lẹ yin petlezìn atọ̀nnọ, yèdọ ohọ̀ de to devo ji bọ abò 30 sọ tin to ohọ̀ dopodopo mẹ. Opè lẹ yin bibasi lẹdo adó tẹmpli lọ tọn nado hẹn họ̀nù adà mẹ tọn lẹ lodo, podọ nuhe hẹn họ̀nù lọ lẹ lodo lẹ ma biọ adó tẹmpli lọ tọn mẹ.+  Aliho bibó* de tin to awà tẹmpli lọ tọn awe lẹ ji bo to gbigblodeji yì abò aga tọn lẹ mẹ.+ Aliho lọ to gbigblodeji sọn ohọ̀ de kọ̀n jẹ devo kọ̀n, yèdọ sọn petlezìn odò tọn lọ kọ̀n yì petlezìn he to aga pete lọ kọ̀n eyin yè gbọn petlezìn ṣẹnṣẹn tọn lọ mẹ.  N’mọdọ pèkán de yin bibasi lẹdo tẹmpli lọ pé bọ dodonu họ̀nù he to adà mẹ lọ lẹ tọn yin ojlẹ awagbà ṣidopo ofánpò pipé de tọn yì agosu mẹ.  Adó gbonu tọn họ̀nù he to adà mẹ lọ lẹ tọn gblo na awagbà atọ́n. Ofi flala* de tin to họ̀nù he to adà mẹ lọ lẹ pá to tẹmpli lọ mẹ. 10  To tẹmpli lọ po abò núdùdù tọn+ lẹ po ṣẹnṣẹn, fide tin he gblo na awagbà 20 to awà dopodopo ji. 11  Họntonu de tin to họ̀nù adà mẹ tọn lọ po ofi flala lọ po ṣẹnṣẹn to agewaji, podọ họntonu devo sọ tin to hùwaji. Ofi flala lọ sọ gblo na awagbà atọ́n to adà etọn lẹpo ji lẹdo pé. 12  Ohọ̀ he tin to whèyihọ-waji bo pannukọn ofi flala lọ gblo na awagbà 70 bo dite na awagbà 90; titli adó he lẹdo ohọ̀ lọ tọn sọ yin awagbà atọ́n. 13  E jlẹ tẹmpli lọ bọ e dite na awagbà 100. Ofi flala lọ, ohọ̀* lọ po adó etọn lẹ po sọ dite na awagbà 100. 14  Nukọn tẹmpli lọ tọn he pànta whèzẹtẹn po ofi flala lọ po sọ gblo na awagbà 100. 15  E jlẹ tedidi ohọ̀ he pannukọn ofi flala lọ tọn to godo, to pọmẹ hẹ agbà gaa etọn lẹ to awà awe lẹ ji, e sọ yin awagbà 100. E sọ jlẹ fiwiwe gbonu tọn lọ,+ fiwiwe homẹ tọn lọ po atọ̀họ̀ awánu lọ tọn lẹ po, 16  gọna họntonu lọ lẹ, fleṣe he gblo to homẹ bo bó+ to gbonu lọ lẹ po agbà gaa he to lẹdo atọ̀n lẹ mẹ po. Owhlẹ ote tọn+ lẹ he sọn odò yì fleṣe lọ lẹ kọ̀n tin sẹpọ họntonu lọ; fleṣe lọ lẹ sọ yin nuṣinyọndo. 17  Yè sọ jlẹ aga họntonu lọ tọn, to tẹmpli lọ homẹ podọ to gbonu, podọ lẹdo adó lọ blebu. 18  E tindo yẹdide kelubimi+ po odétin lẹ po tọn,+ podọ odétin dopodopo to kelubimi awe-awe ṣẹnṣẹn, podọ kelubimi dopodopo tindo nukunmẹ awe. 19  Nukunmẹ gbẹtọ tọn lọ pannukọn odétin dopo to awà dopo ji, nukunmẹ kinnikinni* tọn sọ pannukọn odétin devo to awà awetọ ji.+ Aliho ehe mẹ wẹ yé yin dide do tẹmpli lọ go te lẹdo pé. 20  Yẹdide kelubimi po odétin lẹ po tọn tin to adó fiwiwe lọ tọn go sọn odò yiaga họntonu lọ tọn. 21  Dòtin ohọ̀n tọn* fiwiwe lọ tọn lẹ sọzẹn to adà ẹnẹ etọn lẹpo ji.+ To ofi wiwe* lọ nukọn, nude tin taidi 22  agbà owhlẹ tọn+ de he yiji na awagbà atọ̀n bo dite na awagbà awe. E tindo agosu he yè yí owhlẹ do basi lẹ, podọ owhlẹ wẹ yè sọ yí do basi dodonu* etọn po adà etọn mẹ lẹ po. Ewọ sọ dọna mi dọmọ: “Tafo he tin to Jehovah nukọn lọ die.”+ 23  Fiwiwe gbonu tọn lọ po ofi wiwe lọ po tindo ohọ̀n awe-awe.+ 24  Ohọ̀n lọ lẹ yin ohọ̀n awe topọ he nọ lilẹ́ lẹ, yèdọ ohọ̀n-vi awe na ohọ̀n dopodopo. 25  Kelubimi lẹ po odétin lẹ po yin dide do ohọ̀n fiwiwe lọ tọn lẹ go, taidi dehe yin dide do adó lọ lẹ go lẹ.+ Yè sọ yí owhlẹ do gbá tónu atọ̀họ̀ lọ tọn to nukọn. 26  Fleṣe he gblo to homẹ bo bó+ to gbonu lẹ po yẹdide odétin lẹ tọn po to awà awe atọ̀họ̀ lọ tọn lẹ ji sọ tin to finẹ gọna họ̀nù lẹ he to adà mẹ na tẹmpli lọ po tónu lọ lẹ po.

Nudọnamẹ Odò Tọn

To paa mẹ, “tẹmpli.” To weta 41 po 42 po mẹ, hogbe ehe to alọdlẹndo fiwiwe gbonu tọn lọ (Fiwiwe) kavi fiwiwe lọ blebu (tẹmpli lọ bẹ Fiwiwe lọ po Fiwiwe Gbaugbau lọ po hẹn).
Ehe to alọdlẹndo awagbà he dite. Pọ́n Nud. B14.
To paa mẹ, “to adà mẹ na.”
Enẹ wẹ, biọ fiwiwe homẹ tọn lọ mẹ, kavi Fiwiwe Gbaugbau lọ.
To paa mẹ, “Gbigblo họntonu lọ tọn sọ yin.”
Ehe na ko to alọdlẹndo pèkán loboto lẹ.
Ehe na ko to alọdlẹndo aliho bibó de lẹdo tẹmpli lọ.
Enẹ wẹ, ohọ̀ he to whèyihọ-waji fiwiwe lọ tọn.
Kavi “kinnikinni winyanwinyan.”
To paa mẹ, “Dòtin ohọ̀n tọn.” Ehe na ko to alọdlẹndo họntonu he biọ Fiwiwe lọ mẹ.
Ehe na ko to alọdlẹndo Fiwiwe Gbaugbau lọ.
To paa mẹ, “tedidi.”