Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 37:1-28

NUHE E BẸHẸN LẸ

  • Numimọ agbàdo ohú húhú lẹ tọn (1-14)

  • Yè na ṣá owhlẹ 2 dopọ (15-28)

    • Akọta dopo to ahọlu dopo glọ (22)

    • Alẹnu jijọho tọn madopodo de (26)

37  Alọ Jehovah tọn tin to ji e, podọ Jehovah plan mi gbọn gbigbọ etọn gblamẹ bo ze mi do dankló lọ ṣẹnṣẹn,+ e sọ gọ́ na ohú.  E hẹn mi jugbọn ṣẹnṣẹn yetọn, n’sọ mọdọ ohú sù tlala to dankló lọ ji, podọ yé hú taun.+  E sọ kanse mi dọmọ: “Visunnu gbẹtọ tọn, be ohú ehelẹ sọgan gọwá ogbẹ̀ ya?” To whenẹnu, yẹn gblọn dọmọ: “Oklunọ Nupojipetọ Jehovah, hiẹ wẹ yọnẹn.”+  Enẹwutu, e dọna mi dọmọ: “Dọ dọdai do ohú ehelẹ ji bo dọna yé dọ, ‘Mì ohú húhú lẹ emi, mì sè ohó Jehovah tọn:  “‘Nuhe Oklunọ Nupojipetọ Jehovah dọna ohú ehelẹ die: “Yẹn na gbọ gbọfufu do mì mẹ bọ mì na gọwá ogbẹ̀.+  Yẹn na yí agbasakàn lẹ po agbasalan po do mì go, yẹn nasọ yí ayú do mì go bo gbọ gbọfufu do mì mẹ bọ mì na gọwá ogbẹ̀; mìwlẹ nasọ yọnẹn dọ yẹn wẹ Jehovah.”’”  Whenẹnu wẹ n’dọ dọdai kẹdẹdile yè ko degbe etọn na mi do. Tlolo he n’dọ dọdai, nude dọnú, yèdọ nudidọ sinsinyẹn de, podọ ohú lọ lẹ sọ jẹ ṣiṣá do yede go ji.  N’sọ mọ bọ agbasakàn po agbasalan po jẹ yé go, ayú sọ ṣinyọ́n yé ji. Ṣigba, gbọfufu ma ko wá yé mẹ.  E sọ dọna mi dọmọ: “Dọ dọdai hlan jẹhọn. Visunnu gbẹtọ tọn, dọ dọdai bo dọhlan jẹhọn dọ, ‘Nuhe Oklunọ Nupojipetọ Jehovah dọ die: “Jẹhọn* E, wá sọn agosu ẹnẹ lẹ mẹ, bo yìn do mẹhe yin hùhù ehelẹ ji na yé nido gọwá ogbẹ̀.”’” 10  N’sọ dọ dọdai kẹdẹdile yè ko degbe etọn na mi do, gbọfufu* sọ wá yé mẹ bọ yé jẹ gbigbọ ji bo fọnṣite do afọ yetọn lẹ ji,+ yèdọ awhànpa daho tlala de. 11  E sọ dọna mi dọmọ: “Visunnu gbẹtọ tọn, owhé Islaeli tọn pete wẹ ohú ehelẹ nọtena.+ Yé to didọ dọ, ‘Ohú mítọn lẹ ko hú, mí masọ tindo todido de ba.+ Mí ko yin sinsánsẹ pete.’ 12  Enẹwutu, dọ dọdai bo dọna yé dọ, ‘Nuhe Oklunọ Nupojipetọ Jehovah dọ die: “Yẹn na hùn yọdò mìtọn lẹ+ bo na ze mì ṣite sọn yọdò mìtọn lẹ mẹ, mì omẹ ṣie lẹ emi, yẹn nasọ plan mì wá aigba Islaeli tọn ji.+ 13  Mìwlẹ nasọ yọnẹn dọ yẹn wẹ Jehovah to whenue yẹn na hùn yọdò mìtọn lẹ, bo na ze mì ṣite sọn yọdò mìtọn lẹ mẹ, mì omẹ ṣie lẹ emi.”’+ 14  ‘Yẹn na yí gbigbọ ṣie do ohò mìtọn mẹ, mì nasọ gọwá ogbẹ̀,+ yẹn nasọ dotẹnna mì do aigba mìtọn ji; mìwlẹ nasọ yọnẹn dọ yẹn Jehovah lọsu wẹ ko dọ ẹ bosọ wà ẹ,’ wẹ Jehovah dọ.” 15  Ohó Jehovah tọn sọ vọ́ wá dè e dọmọ: 16  “Podọ hiẹ visunnu gbẹtọ tọn, yí owhlẹ de bo kàn do e ji dọ, ‘Na Juda podọ na omẹ Islaeli tọn he topọ hẹ ẹ lẹ.’*+ Enẹgodo, yí owhlẹ devo bo kàn do e ji dọ, ‘Na Josẹfu, yèdọ owhlẹ Eflaimi tọn, gọna owhé Islaeli tọn he topọ hẹ ẹ lẹpo.’*+ 17  Enẹgodo, ze owhlẹ awe lọ lẹ sẹpọ yede na yé nido lẹzun owhlẹ dopo gee to alọ towe mẹ.+ 18  Eyin omẹ towe lẹ* kanse we dọ, ‘Be hiẹ ma na dọna mí nuhe onú ehelẹ zẹẹmẹdo ya?’ 19  dọna yé dọ, ‘Nuhe Oklunọ Nupojipetọ Jehovah dọ die: “Yẹn na yí owhlẹ Josẹfu tọn, ehe tin to alọ Eflaimi tọn mẹ, gọna hẹnnu Islaeli tọn he topọ hẹ ẹ lẹ, yẹn nasọ ṣá yé dopọ hẹ owhlẹ Juda tọn; bọ yẹn na hẹn yé zun owhlẹ dopo,+ yé nasọ lẹzun dopo to alọ ṣie mẹ.”’ 20  Owhlẹ he ji hiẹ kannu do lọ lẹ dona tin to alọ towe mẹ na yé nido mọ. 21  “Enẹgodo, dọna yé dọ, ‘Nuhe Oklunọ Nupojipetọ Jehovah dọ die: “Yẹn na hẹn Islaelivi lẹ tọ́n sọn akọta he mẹ yé ko yì lẹ, yẹn na ṣinyan yé pli sọn awà lẹpo ji bo nasọ hẹn yé wá aigba yetọn ji.+ 22  Yẹn na yí yé do basi akọta dopo to aigba lọ ji,+ yèdọ to osó Islaeli tọn lẹ ji, podọ ahọlu dopo wẹ na dugán do yemẹpo ji,+ yé ma nasọ yin akọta awe ba; mọjanwẹ yé ma na yin mimá do ahọluduta awe do niyẹn.+ 23  Yé ma nasọ yí boṣiọ hiọawu* yetọn lẹ, osùnú yetọn lẹ po sẹ́nhẹngba yetọn lẹpo po do hẹn yede flu ba.+ Yẹn na whlẹn yé sọn walọyizan yetọn lẹpo he ko hẹn yé waylando mẹ, yẹn nasọ klọ́ yé wé. Yé na yin omẹ ṣie lẹ, yẹn nasọ yin Jiwheyẹwhe yetọn.+ 24  “‘“Devizọnwatọ ṣie Davidi na yin ahọlu yetọn,+ yé nasọ tindo lẹngbọhọtọ dopo.+ Yé na nọ setonuna nudide whẹdida tọn ṣie lẹ bo nasọ nọ yí sọwhiwhe do yìn osẹ́ndoai ṣie lẹ.+ 25  Yé na nọ nọ̀ aigba he yẹn na devizọnwatọ ṣie Jakọbu lọ ji, fie tọgbo mìtọn lẹ nọgbẹ̀ te,+ yé nasọ nọ e ji kakadoi,+ yèdọ yewlẹ po ovi* yetọn lẹ po, gọna ovivi yetọn lẹ;+ podọ Davidi devizọnwatọ ṣie wẹ na yin ahọvi yetọn kakadoi.+ 26  “‘“Yẹn nasọ basi alẹnu jijọho tọn de hẹ yé;+ e na yin alẹnu madopodo de hẹ yé. Yẹn na hẹn yé lodo bo na hẹn yé sudeji+ bo nasọ ze fiwiwe ṣie do ṣẹnṣẹn yetọn kakadoi. 27  Gòhọ* ṣie na tin to yé dè,* yẹn nasọ yin Jiwheyẹwhe yetọn bọ yewlẹ na yin omẹ ṣie lẹ.+ 28  Akọta lẹ nasọ yọnẹn dọ yẹn, Jehovah, wẹ to Islaeli hẹn zun wiwe to whenue fiwiwe ṣie na tin to ṣẹnṣẹn yetọn kakadoi.”’”+

Nudọnamẹ Odò Tọn

Kavi “Gbọfufu; Gbigbọ.”
Kavi “gbigbọ.”
Kavi “he yin gbẹdohẹmẹtọ etọn lẹ.”
Kavi “he yin gbẹdohẹmẹtọ etọn lẹ.”
To paa mẹ, “visunnu omẹ towe lẹ tọn.”
Hogbe Heblugbe tọn lọ sọgan tindo kanṣiṣa hẹ hogbe he nọ dlẹnalọdo “omí” podọ e nọ yin yiyizan taidi hogbe vlẹko tọn.
To paa mẹ, “visunnu.”
Kavi “Fininọ; Owhé.”
Kavi “ji.”