Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 35:1-15

NUHE E BẸHẸN LẸ

  • Dọdai sọta osó Seili tọn lẹ (1-15)

35  Ohó Jehovah tọn sọ vọ́ wá dè e dọmọ:  “Visunnu gbẹtọ tọn, lẹ́ pànta lẹdo osó tọn Seili tọn+ bo dọ dọdai sọta ẹ.+  Dọhlan ẹn dọ, ‘Nuhe Oklunọ Nupojipetọ Jehovah dọ die: “Lẹdo osó tọn Seili tọn E, yẹn na diọnukunsọ we, yẹn nasọ dlẹnalọ ṣie jẹgbonu sọta we bo na hẹn we zun aigba he gbọgbé mlẹnmlẹn de.+  Yẹn na gbà tòdaho towe lẹ kija bọ hiẹ na lẹzun aigba he gbọgbé mlẹnmlẹn de;+ hiẹ nasọ yọnẹn dọ yẹn wẹ Jehovah.  Na kẹ̀ndomẹ mapote towe wutu,+ podọ na hiẹ jo Islaelivi lẹ hlan ohí lọ to whenue nugbajẹmẹji wá yé ji, yèdọ to whenue yasanamẹ godo tọn wá yé ji wutu.”’+  “‘Enẹwutu, dile yẹn togbẹ̀,’ wẹ Oklunọ Nupojipetọ Jehovah dọ, ‘Yẹn na hlá we dai na hùnsọndai, ohùn towe nasọ yin sinsọndai.+ Na hiẹ gbẹwanna ohùn he hiẹ sọndai lẹ wutu, ohùn towe na yin sinsọndai.+  Yẹn na hẹn lẹdo osó tọn Seili tọn zun aigba he gbọgbé mlẹnmlẹn de,+ yẹn nasọ sán mẹdepope he jugbọn e ji jei po mẹdepope he lẹkọ jei finẹ po sẹ̀.  Yẹn na hẹn oṣiọ mẹhe yin hùhù lẹ tọn gọ́ osó etọn lẹ ji; mẹhe yin hùhù gbọn ohí dali lẹ nasọ jai jẹ okọ́ta towe lẹ ji, podọ do agbàdo towe lẹ po osinwhín towe lẹpo po mẹ.  Yẹn na hẹn we zun fie gbọgbé de kakadoi, podọ tòdaho towe lẹ na yin hinhẹn jẹvọ́;+ hiẹ nasọ yọnẹn dọ yẹn wẹ Jehovah.’ 10  “Na hiẹ dọ dọ, ‘Akọta awe ehelẹ po aigba awe ehelẹ po na lẹzun ṣie, podọ mí na yí awe lẹ taidi nutindo de’ wutu,+ dile etlẹ yindọ Jehovah lọsu to finẹ, 11  ‘enẹwutu, dile yẹn togbẹ̀,’ wẹ Oklunọ Nupojipetọ Jehovah dọ, ‘Yẹn na yí homẹgble po awuwhàn dopolọ he hiẹ yí do gbẹwanna yé po do yinuwa hẹ we;+ yẹn nasọ hẹn dee zun yinyọnẹn to ṣẹnṣẹn yetọn to whenue yẹn na dawhẹna we. 12  Whenẹnu wẹ mì na yọnẹn dọ yẹn, Jehovah lọsu wẹ ko sè ohó ylankan he mì dọ sọta osó Islaeli tọn lẹ to whenue mì dọ dọ, “Yé ko yin hinhẹn gbọgbé bo yin jijodona mí nado tlẹndu.”* 13  Podọ mì yí sakla do dọho jẹagọdo mi, mì sọ hẹn ohó mìtọn lẹ sù sọta mi.+ Yẹn sè popolẹpo.’ 14  “Nuhe Oklunọ Nupojipetọ Jehovah dọ die: ‘Aigba blebu na jaya to whenue yẹn na hẹn we zun fie gbọgbé mlẹnmlẹn de. 15  Kẹdẹdile hiẹ jaya to whenue ogú owhé Islaeli tọn yin hinhẹn gbọgbé do, mọ wẹ yẹn na yinuwa hẹ we do niyẹn.+ Lẹdo osó tọn Seili tọn E, hiẹ na lẹzun fie gbakija bo gbọgbé de, mọwẹ, yèdọ Edomi blebu;+ yé nasọ yọnẹn dọ yẹn wẹ Jehovah.’”

Nudọnamẹ Odò Tọn

To paa mẹ, “taidi núdùdù.”