Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 28:1-26

NUHE E BẸHẸN LẸ

  • Dọdai sọta ahọlu Tile tọn (1-10)

    • “Yẹwhe de wẹ yẹn” (2, 9)

  • Avihàn do ahọlu Tile tọn ji (11-19)

    • “Hiẹ tin to Edẹni” (13)

    • “Taidi kelubimi yiamisisadode” (14)

    • “Mawadodo yin mimọ to hiẹ mẹ” (15)

  • Dọdai sọta Sidoni (20-24)

  • Islaeli na yin hinhẹngọwa (25, 26)

28  Ohó Jehovah tọn sọ vọ́ wá dè e dọmọ:  “Visunnu gbẹtọ tọn, dọna nukọntọ Tile tọn dọ, ‘Nuhe Oklunọ Nupojipetọ Jehovah dọ die: “Na a ko lẹzun saklanọ to ahun mẹ wutu,+ hiẹ to didọ mapote dọ, ‘Yẹwhe de wẹ yẹn. Yẹn sinai do ofìn yẹwhe de tọn ji to ohù ṣẹnṣẹn.’+ Ṣigba, gbẹtọ tata de poun wẹ hiẹ, a ma yin yẹwhe de, Dile a tlẹ lẹn to ahun towe mẹ dọ yẹwhe de wẹ emi.   Pọ́n! Hiẹ yọnnuin hugan Daniẹli.+ Aṣli de ma ko yin whiwhla do we.   Hiẹ ko hẹn dewe zun adọkunnọ gbọn nuyọnẹn towe po wuntuntun towe po dali, Hiẹ sọ to sika po fataka po bẹpli do adọkunnu sẹdotẹn towe lẹ mẹ.+   Kànbibi to ajọwiwa mẹ ko hẹn we jẹ adọkun taun,+ Hiẹ ko sọ lẹzun saklanọ na adọkun towe wutu.”’  “‘Enẹwutu, nuhe Oklunọ Nupojipetọ Jehovah dọ die: “Na a lẹn to ahun towe mẹ dọ a yin yẹwhe de wutu,   Yẹn na fọ́n jonọ lẹ do ji we, yèdọ mẹhe nọ wà danú hugan to akọta lẹ mẹ lẹ,+ Yé nasọ sún ohí yetọn lẹ sọta whanpẹ nuyọnẹn towe tọn Bo na hẹn whanpẹ daho towe flu.+   Yé na dọ̀n we dlan odò* mẹ, Hiẹ nasọ kú okú ylankan de to hùzànmẹ.+   Be hiẹ na gbẹsọ to didọ dọ, ‘Yẹwhe de wẹ yẹn,’ na mẹhe to na hù we lọ ya? Gbẹtọ tata de poun wẹ a na yin, a ma na yin yẹwhe de, to alọ mẹhe to hinhẹn we flu lẹ tọn mẹ.”’ 10  ‘Alọ jonọ lẹ tọn mẹ wẹ hiẹ na kú do taidi adàmagbonọ lẹ, Na yẹnlọsu wẹ ko dọ ẹ,’ wẹ Oklunọ Nupojipetọ Jehovah dọ.” 11  Ohó Jehovah tọn sọ vọ́ wá dè e dọmọ: 12  “Visunnu gbẹtọ tọn, ké avihàn* de gando ahọlu Tile tọn go bo dọna ẹn dọ, ‘Nuhe Oklunọ Nupojipetọ Jehovah dọ die: “Hiẹ ze apajlẹ pipé* de dai Bo gọ́ na nuyọnẹn+ bosọ yọnwhanpẹ taun.+ 13  Hiẹ tin to Edẹni he yin jipa Jiwheyẹwhe tọn mẹ. Zannu akuẹgegenu tọn lẹpo wẹ yè yí do doaṣọ́na we, —Enẹ wẹ lubi, topazi, jaspali; klisọlite, onizi, po jade po; safili, tulkuasi+ po emẹlaldi po; Podọ sika wẹ yè yí do basi oslò po tónu yetọn lẹ po. Yé yin awuwlena to azán he gbè a yin didá te. 14  Yẹn deazọ́nna we taidi kelubimi yiamisisadode he nọ ṣinyọnyẹ mẹji. Hiẹ tin to osó wiwe Jiwheyẹwhe tọn ji,+ podọ hiẹ nọ zinzọnlin gbọn zannu miyọ́nnọ lẹ ṣẹnṣẹn. 15  Hiẹ yin madoblọnọ to nuyiwa towe lẹ mẹ sọn gbeegbe hiẹ yin didá Kakajẹ whenue mawadodo yin mimọ to hiẹ mẹ.+ 16  Na ajọ́ susu wiwà towe wutu,+ Hiẹ ko peve to danuwiwa mẹ, a sọ jẹ ylando wà ji.+ Enẹwutu, yẹn na ze we dlan taidi nuhe yin hinhẹnflu de sọn osó Jiwheyẹwhe tọn ji bo na và we sudo,+ Yèdọ sọn zannu miyọ́nnọ lọ lẹ mẹ, hiẹ kelubimi he nọ ṣinyọnyẹ mẹji E. 17  Hiẹ ko lẹzun saklanọ to ahun mẹ na whanpẹ towe wutu.+ A ko hẹn nuyọnẹn towe flu na whanpẹ daho towe wutu.+ Yẹn na dlan we do kọmẹ.+ Yẹn na hẹn we zun nupinpọn de na ahọlu lẹ. 18  Na whẹhuhu daho towe po ajọ́ mawadodo tọn he wà a te po wutu, a ko hẹn fiwiwe towe lẹ flu. Yẹn na flọ miyọ́n de do ṣẹnṣẹn towe, e nasọ fiọ we.+ Yẹn na hẹn we zun afín to aigba ji to nukun mẹhe to pinpọn we lẹpo tọn mẹ. 19  Mẹhe yọ́n we lẹpo na pọ́n we po nupaṣamẹ po.+ Opodo towe na wá to ajiji mẹ bo nasọ dobu, Podọ hiẹ na busẹ sọn aimẹ kakadoi.”’”+ 20  Ohó Jehovah tọn sọ vọ́ wá dè e dọmọ: 21  “Visunnu gbẹtọ tọn, lẹ́ nukunmẹ towe pànta Sidoni+ bo dọ dọdai sọta ẹ. 22  Hiẹ na dọ, ‘Nuhe Oklunọ Nupojipetọ Jehovah dọ die: “Sidoni E, yẹn na diọnukunsọ we, podọ yẹn na yin gigopana to hiẹ mẹ; Gbẹtọ lẹ nasọ yọnẹn dọ yẹn wẹ Jehovah to whenue yẹn na hẹn whẹdida ṣẹ do ewọ ji bo na klan dee do wiwe to ewọ mẹ. 23  Yẹn na do azọ̀nylankan hlan ewọ mẹ podọ ohùn na sà gbọn tòhomẹ-liho etọn lẹ ji. Mẹhe yin hùhù lẹ na jai to ewọ mẹ to whenue ohí lọ na wá sọta ẹ sọn awà lẹpo ji; Yé nasọ yọnẹn dọ yẹn wẹ Jehovah.+ 24  “‘“To whenẹnu, owùn he nọ gbleawunamẹ lẹ po vẹwùn ylankan lẹ po, yèdọ mẹhe gbẹwanna yé lẹ,+ ma nasọ vùn-plá owhé Islaeli tọn ba; gbẹtọ lẹ nasọ yọnẹn dọ yẹn wẹ Oklunọ Nupojipetọ Jehovah.”’ 25  “‘Nuhe Oklunọ Nupojipetọ Jehovah dọ die: “Whenue yẹn na vọ́ owhé Islaeli tọn bẹpli sọn mẹhe mẹ yè ko vúnvún yé pé gbọn lẹ,+ yẹn na yin kinklandowiwe to ṣẹnṣẹn yetọn to nukun akọta lẹ tọn mẹ.+ Yé nasọ nọ aigba yetọn+ he yẹn na devizọnwatọ ṣie Jakọbu ji.+ 26  Yé na nọ e ji to jijọho mẹ+ bo na gbá ohọ̀ lẹ bo nasọ do vẹngle lẹ,+ podọ yé na nọ jijọho mẹ to whenue yẹn na hẹn whẹdida ṣẹ do mẹhe gbẹwanna yé to lẹdo yetọn mẹ lẹpo ji;+ yé nasọ yọnẹn dọ yẹn wẹ Jehovah Jiwheyẹwhe yetọn.”’”

Nudọnamẹ Odò Tọn

Kavi “yọdò.”
Kavi “ohàn aluẹmẹninọ tọn.”
To paa mẹ, “ze afọdòmẹ de dai.”