Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 27:1-36

NUHE E BẸHẸN LẸ

  • Avihàn do tọjihun Tile tọn ji (1-36)

27  Ohó Jehovah tọn sọ vọ́ wá dè e dọmọ:  “Hiẹ visunnu gbẹtọ tọn, ké avihàn* de do Tile ji,+  bo dọna Tile dọ, ‘Hiẹ he nọ nọ̀ họngbo ohù tọn lẹ nù Bo nọ wàjọ hẹ mẹhe wá sọn lopo susu lẹ ji, Nuhe Oklunọ Nupojipetọ Jehovah dọ die: “Hiẹ Tile E, hiẹ nọ dọ dọ, ‘Yẹn yọnwhanpẹ taun.’+   Aigba towe tin to ohù ṣẹnṣẹn, Podọ họ̀gbátọ towe lẹ ko sọ hẹn we yọnwhanpẹ pete.   Atin Senili junipeli tọn wẹ yè yí do basi owhlẹ towe lẹpo,+ Kedali he wá sọn Lẹbanọni wẹ yè sọ yí do basi opò towe he ji yè nọ kẹ́ alà do.   Atin oaki Baṣani tọn lẹ wẹ yè yí do basi azẹ̀ towe lẹ, Atin kiple tọn he yin jinján dopọ po ajinnakú-dú po, he wá sọn lopo Kitimi tọn lẹ ji wẹ yè sọ yí do wleawuna ohúnkọ̀ towe.+   Alavọ whanpẹnọ he wá sọn Egipti wẹ hiẹ nọ yizan taidi alà towe, Podọ sekan juju po sekan sopẹ́-sinmẹnọ he wá sọn lopo Eliṣahi tọn lẹ ji lẹ po wẹ yè yí do basi atọ̀ to hiẹ mẹ.+   Omẹ Sidoni po Alvadi+ po tọn lẹ wẹ húnkùntọ towe lẹ. Hiẹ Tile E, azọ́nyọnẹntọ towe titi lẹ wẹ sọ yin azọ́nwatọ ohún mẹ tọn towe lẹ.+   Sunnu numimọnọ* po azọ́nyọnẹntọ Gebali+ tọn lẹ po wẹ ján ohún towe.+ Tọjihun he to ohù ji lẹpo po húnkùntọ yetọn lẹ po wẹ wá dè we nado wàjọ hẹ we. 10  Sunnu he wá sọn Pẹlsia, Ludi po Puti+ po lẹ tin to awhànpa towe mẹ, yèdọ awhànfuntọ towe lẹ. Yé nọ plá awọ̀yinu po ogangbakun yetọn lẹ po do hiẹ mẹ, yewlẹ wẹ sọ hẹn gigo wá na we. 11  Sunnu he wá sọn Alvadi to awhànpa towe mẹ lẹ wẹ lẹdo adó towe lẹ pé, Podọ sunnu adọgbotọ lẹ wẹ tin to atọ̀họ̀ towe lẹ ji. Yé nọ plá awọ̀yinu loboto lẹ lẹdo adó towe lẹ pé Yé sọ hẹn we yọnwhanpẹ pete. 12  “‘“Talṣiṣi+ wàjọ hẹ we na adọkun susugege towe wutu.+ Fataka, gànyuu, panu po sunmí po wẹ yé sọ yí do diọ ajọnu towe lẹ.+ 13  Javani, Tubali+ po Meṣẹki+ po wàjọ hẹ we, bosọ yí afanumẹ+ lẹ po nuyizan gànvẹẹ tọn lẹ po do diọ ajọnu towe lẹ. 14  Owhé Togalma+ tọn yí osọ́ lẹ po otlò* lẹ po do diọ ajọnu towe lẹ. 15  Omẹ Dedani+ tọn lẹ wàjọ hẹ we; hiẹ sọ yí ajọwatọ lẹ do azọ́nmẹ to lopo susu ji; yé nọ yí ajinnakú-dú+ po atin ẹboni tọn po do suahọ we. 16  Edomi wàjọ hẹ we na ajọnu susugege towe lẹ wutu. Yé sọ yí tulkuasi, sekan sopẹ́-sinmẹnọ, awù kikó whanpẹnọ, alavọ dagbedagbe, aṣápán lẹ po lubi lẹ po do diọ ajọnu towe lẹ. 17  “‘“Juda po aigba Islaeli tọn po wàjọ hẹ we bo yí likun Minniti tọn lẹ,+ núdùdù dagbe hugan lẹ, owín,+ amì po balsami*+ po do diọ ajọnu towe lẹ.+ 18  “‘“Damasku+ wàjọ hẹ we na ajọnu susugege towe lẹ po adọkun towe lẹpo po wutu, gbọn ovẹn Hẹlbọni tọn po ofún Zahali* tọn po yiyizan dali. 19  Vedani po Javani po he wá sọn Uzali yí gànyuu he yè tùn, kasia* po ofán owán gblingblinnọ po do diọ ajọnu towe lẹ. 20  Dedani+ yí awugbó kikó* osọ́-kùntọ lẹ tọn do wàjọ hẹ we. 21  Hiẹ yí Alabianu lẹ po ahọvi Kẹdali tọn lẹpo po do azọ́nmẹ,+ yèdọ mẹhe nọ wàjọ lẹngbọ, agbò po gbọgbọẹ po tọn lẹ.+ 22  Ajọwatọ Ṣeba po Laama+ po tọn lẹ nọ wàjọ hẹ we; yé nọ yí onú owán gblingblinnọ dagbe hugan wunmẹ lẹpo, zannu họakuẹ lẹ po sika po do diọ ajọnu towe lẹ.+ 23  Halani,+ Kanẹ, Edẹni,+ ajọwatọ Ṣeba+ tọn lẹ, Aṣuli+ po Kilmadi po wàjọ hẹ we. 24  To ahi towe mẹ, yé nọ sà tewu whanpẹnọ lẹ, awù daho he yè yí okàn juju do basi lẹ, avọ̀ kikó whanpẹnọ lẹ, po avọ̀ kọmẹ tọn sinmẹ voovo-nọ he yè yí okàn do lọ̀n dopọ gbanun-gbanun lẹ po. 25  Tọjihun Talṣiṣi+ tọn lẹ wẹ nọ bẹ ajọnu towe lẹ, Ehe zọ́n bọ a nọ doagban bosọ nọ de agbàn* to hùzànmẹ. 26  Húnkùntọ towe lẹ ko plan we yì ohù daho lẹ ji; Jẹhọn whèzẹtẹn tọn ko sọ siọ ohún towe to hùzànmẹ. 27  Adọkun towe, agbàn towe, ajọnu towe, húnkùntọ towe lẹ po azọ́nwatọ ohún mẹ tọn towe lẹ po, Mẹhe ján ohún towe lẹ, mẹhe nọ wàjọ+ hẹ we lẹ, po sunnu awhànfuntọ towe lẹpo+ po —Yèdọ gbẹtọgun* he nọ nọ̀ hiẹ mẹ lẹ— Yemẹpo na siọ do hùzànmẹ to gbeegbe hiẹ na jai.+ 28  To whenue azọ́nwatọ ohún mẹ tọn towe lẹ na dawhá, aigba he to huto lẹ na sisọ. 29  Azẹ̀-kùntọ, húnkùntọ po azọ́nwatọ ohún mẹ tọn lẹpo po Na jẹte sọn tọjihun yetọn lẹ mẹ bo na ṣite to agé. 30  Yé na ze ogbè yetọn lẹ daga bo viavi vivẹvivẹ do ji we+ Dile yé na to kọ́gudu ba do ota na yede bo nasọ to bibli to afín mẹ. 31  Yé na whlẹ́ ota bo ze odẹ́vọ̀ do; Yé nasọ viavi vivẹvivẹ* do ji we, po avihàn sinsinyẹn de po. 32  To avigbè yetọn mẹ, yé na ké avihàn de bo nasọ jihàn do ji we dọmọ: ‘Mẹnu wẹ taidi Tile, yèdọ otò he gbọṣi abọẹ todin to ohù ṣẹnṣẹn?+ 33  Whenue ajọnu towe nọ wá sọn hùzànmẹ, hiẹ hẹn pekọ wá na mẹsusu.+ Adọkun susugege towe po ajọnu towe lẹ po ko hẹn ahọlu aigba tọn lẹ jẹ adọkun.+ 34  Todin, hiẹ ko siọ do hùzànmẹ, yèdọ do osin he siso lẹ mẹ,+ Podọ ajọnu towe po omẹ towe lẹpo po ko siọ hẹ we.+ 35  Mẹhe nọ nọ̀ lopo ji lẹpo wẹ na pọ́n we po nupaṣamẹ po,+ Obu nasọ jẹ ahọlu yetọn lẹ ji bọ yé na sisọ+—nukunmẹ yetọn nasọ kúṣiọ. 36  Ajọwatọ akọta lẹ tọn nasọ kẹ̀hẹli na nuhe na jọ do gowe wutu. Opodo towe na wá to ajiji mẹ bo nasọ dobu, Podọ hiẹ nasọ busẹ sọn aimẹ kakadoi.’”’”+

Nudọnamẹ Odò Tọn

Kavi “ohàn aluẹmẹninọ tọn.”
To paa mẹ, “Sunnu mẹho.”
Kanlin de he taidi kẹtẹkẹtẹ bo nọ yin jiji eyin kẹtẹkẹtẹ asu hẹ osọ́ asi.
Pọ́n Zẹm.
Kavi “sekan vẹẹ ṣẹ́ṣẹ́ podọ afín-sinmẹnọ.”
Atin de he yin wunmẹ dopolọ taidi atin kinamọni tọn.
Kavi “awù linlọ̀n.”
Kavi vlavo, “bosọ nọ yin gigonọ.”
To paa mẹ, “agun.”
Kavi “po vivẹ́ alindọn tọn po.”