Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 25:1-17

NUHE E BẸHẸN LẸ

  • Dọdai sọta Amọni (1-7)

  • Dọdai sọta Moabi (8-11)

  • Dọdai sọta Edomi (12-14)

  • Dọdai sọta Filisti (15-17)

25  Ohó Jehovah tọn sọ vọ́ wá dè e dọmọ:  “Visunnu gbẹtọ tọn, lẹ́ nukunmẹ towe pànta Amọninu+ lẹ bo dọ dọdai sọta yé.+  Hiẹ na dọna Amọninu lẹ dọ, ‘Sè ohó Oklunọ Nupojipetọ Jehovah tọn. Nuhe Oklunọ Nupojipetọ Jehovah dọ die: “Na hiẹ dọ ‘E vivi!’ to whenue fiwiwe ṣie yin hinhẹnflu, podọ whenue aigba Islaeli tọn yin hinhẹn jẹvọ́, podọ whenue owhé Juda tọn yin bibẹ yì kanlinmọgbenu wutu,  enẹwutu, yẹn na jo we do na omẹ Whèzẹtẹn tọn lẹ taidi nutindo de. Yé na dosla* do hiẹ mẹ bo na tùn gòhọ yetọn lẹ do ṣẹnṣẹn towe. Yé na dù sinsẹ́n towe lẹ, yé nasọ nù anọ́sin towe.  Yẹn na hẹn Laba+ zun kanlindugbo de na kanklosọ́ lẹ, yẹn nasọ hẹn aigba Amọninu lẹ tọn zun gbọjẹtẹn de na lẹngbọpa lọ; hiẹ nasọ yọnẹn dọ yẹn wẹ Jehovah.”’”  “Na nuhe Oklunọ Nupojipetọ Jehovah dọ die: ‘Na hiẹ ko hopẹ́ bo zìn afọ towe lẹ do kọmẹ+ bọ hiẹ* sọ yí hogbe mọnkọ do ṣàn aigba Islaeli tọn kò wutu,+  enẹwutu, yẹn na dlẹnalọ ṣie jẹgbonu sọta we nado jo we hlan akọta lẹ taidi ogblànnu de. Yẹn na sán we sẹ̀ sọn gbẹtọ lẹ mẹ bo na và we sudo sọn aigba lọ lẹ ji.+ Yẹn na sukúndona we, hiẹ nasọ yọnẹn dọ yẹn wẹ Jehovah.’  “Nuhe Oklunọ Nupojipetọ Jehovah dọ die: ‘Na Moabi+ po Seili+ po ko dọmọ, “Pọ́n! Owhé Juda tọn ma gbọnvona akọta he pò lẹ,”  yẹn na hùngona dòdòmẹ osó Moabi tọn lẹ tọn to tòdaho he yin dogbó etọn tọn lẹ kọ̀n, yèdọ whanpẹ* aigba etọn tọn lẹ, enẹ wẹ Bẹti-jẹṣimọti, Baali-meọni kakajẹ Kiliataimi.+ 10  Yẹn na ze e jo to pọmẹ hẹ Amọninu lẹ taidi nutindo de na omẹ Whèzẹtẹn tọn lẹ,+ bọ Amọninu lẹ ma nasọ yin finflin to akọta lẹ mẹ ba.+ 11  Yẹn nasọ hẹn whẹdida ṣẹ to Moabi mẹ,+ yé nasọ yọnẹn dọ yẹn wẹ Jehovah.’ 12  “Nuhe Oklunọ Nupojipetọ Jehovah dọ die: ‘Edomi ko víhlọ̀n to owhé Juda tọn go bo ko sọ hùwhẹ daho na hlọnvivi etọn sọta yé wutu;+ 13  enẹwutu, nuhe Oklunọ Nupojipetọ Jehovah dọ die: “Yẹn nasọ dlẹnalọ ṣie jẹgbonu sọta Edomi bo na sán gbẹtọ po kanlin whégbè tọn po sẹ̀, yẹn nasọ hẹn ẹn jẹvọ́.+ Bẹsọn Temani kakajẹ Dedani, yé na jai gbọn ohí lọ dali.+ 14  ‘Yẹn na yiahọsu to Edomi go gbọn Islaeli, omẹ ṣie lẹ gblamẹ.+ Yé na hẹn homẹgble ṣie po adi ṣie po wá Edomi ji, bọ yé nasọ jiya ahọsuyiyi ṣie tọn,’+ wẹ Oklunọ Nupojipetọ Jehovah dọ.”’ 15  “Nuhe Oklunọ Nupojipetọ Jehovah dọ die: ‘Na okẹ̀n mapote yetọn wutu, Filistinu lẹ ko yí kanyinylan* do dín nado víhlọ̀n podọ nado vasudo.+ 16  Enẹwutu, nuhe Oklunọ Nupojipetọ Jehovah dọ die: “Yẹn na dlẹnalọ ṣie jẹgbonu sọta Filistinu lẹ,+ yẹn nasọ sán Kelẹtinu+ lẹ sẹ̀ bo na và pipotọ mẹhe nọ nọ̀ huto lẹ tọn sudo.+ 17  Yẹn na yiahọsu to aliho he sẹhundaga de mẹ to yé go bo na sayana yé sinsinyẹn, yé nasọ yọnẹn dọ yẹn wẹ Jehovah to whenue yẹn na yiahọsu to yé go.”’”

Nudọnamẹ Odò Tọn

Kavi “na basi osla he adó lẹdo lẹ.”
Kavi “alindọn towe.”
Kavi “aṣọ́donu.”
Kavi “mẹṣanko to alindọn mẹ.”