Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 24:1-27

NUHE E BẸHẸN LẸ

  • Jelusalẹm taidi nudàzẹ́n he jẹkò (1-14)

  • Okú asi Ezekiẹli tọn yin ohia de5 (15-27)

24  Ohó Jehovah tọn sọ vọ́ wá dè e to owhe ṣinẹnẹtọ mẹ, to azán aotọ osun aotọ tọn mẹ dọmọ:  “Visunnu gbẹtọ tọn, basi kandai azán tangan ehe tọn.* Ahọlu Babilọni tọn bẹ mẹgbeyinyan etọn sọta Jelusalẹm jẹeji to azán ehe gbè.+  Podọ pà ohó milomilo* de gando owhé atẹṣitọ lọ go bosọ dọ gando yé go dọmọ: “‘Nuhe Oklunọ Nupojipetọ Jehovah dọ die: “Ze nudàzẹ́n* lọ; ze e do adò ji bo ba osin do e mẹ.+   Bẹ olàn he yè já lẹ do e mẹ,+ yèdọ adà dagbedagbe etọn lẹpo, Asá po abọ́ lọ po; podọ yí ohú dagbe hugan lẹ do e mẹ.   Yí lẹngbọ dagbe hugan de sọn lẹngbọpa lọ mẹ,+ bo to nake do ozẹ́n lọ glọ lẹdo pé. Sọakusìn olàn lọ bo dà ohú lọ lẹ to e mẹ.”’  “Enẹwutu, nuhe Oklunọ Nupojipetọ Jehovah dọ die: ‘Dindọn na tòdaho hùnsọndaitọ lọ,+ yèdọ nudàzẹ́n he ko jẹkò bọ kòjijẹ etọn ma ko yin didesẹ! Hẹn ẹn jẹvọ́ gbọn olàn lọ lẹ didetọn debọdo-dego dali;+ a de ode dovo blo.   Na ohùn etọn tin to e mẹ;+ e sọ kọ̀n ẹn jẹgbonu do osé he to gbangba de ji. E ma kọ̀n ẹn do kọmẹ nado ṣinyọ́n kọ́gudu do e.+   Nado fọ́n adi dote na ahọsuyiyi, Yẹn ko yí ohùn etọn do osé he to gbangba bo to sisẹ́ lọ ji Bọ e ma nado yin nuṣinyọndo.’+  “Enẹwutu, nuhe Oklunọ Nupojipetọ Jehovah dọ die: ‘Dindọn na tòdaho hùnsọndaitọ lọ!+ Yẹn na to nake lọ lẹ yiaga. 10  Bẹ nake lọ lẹ dopọ bo flọ miyọ́n lọ, Sọakusìn olàn lọ ganji, sọ̀n olàn-sin lọ sọn e ji, bo dike ohú lọ lẹ ni fiọ. 11  Ze ozẹ́n tata lọ do akán ji nado hẹn ẹn hùnmiyọ́n, Na gànzẹ́n lọ nido hùn miyọ́nawu. Na dihó etọn nido yọ́ kọnyin e mẹ+ bọ kòjijẹ etọn nasọ fiọ. 12  E na hẹnmẹ jẹflumẹ bo na hẹn apọṣimẹ, Na kòjijẹ titli lọ ma na wayi wutu.+ Ze e dlan miyọ́n mẹ po kòjijẹ etọn po!’ 13  “‘Walọ gblezọn towe wẹ hẹn we kudiho.+ Yẹn tẹnpọn nado klọ́ we wé, ṣigba hiẹ ma wé sọn dihó towe mẹ. Hiẹ ma na wé kakajẹ whenue adi ṣie sọta we na depò.+ 14  Yẹn Jehovah lọsu wẹ ko dọ ẹ. E na juwayi. Yẹn na yinuwa madọngbàn, matin awubla depope, podọ e ma na vẹna mi.+ Yé na dawhẹna we sọgbe hẹ aliho towe lẹ po nuyiwa towe lẹ po,’ wẹ Oklunọ Nupojipetọ Jehovah dọ.” 15  Ohó Jehovah tọn sọ vọ́ wá dè e dọmọ: 16  “Visunnu gbẹtọ tọn, to ojlẹ kleun de gblamẹ yẹn na yí mẹyiwanna towe sọn dè we.+ Hiẹ ma dona nọ aluẹmẹ;* mọjanwẹ hiẹ ma dona viavi kavi kùn dasin. 17  Wẹnhun do homẹ, a sọ nọ aluẹmẹ na oṣiọ lọ blo.+ Blá tabla+ towe bo do afọpa+ towe lẹ. Hiẹ ma dona bu núdo atán towe aga tọn lẹ,*+ hiẹ masọ dona dù akla he mẹdevo lẹ hẹnwa na we.”*+ 18  Podọ n’dọhona mẹlọ lẹ to afọnnu bọ asi ṣie kú to whèjai. N’sọ basi i to afọnnu kẹdẹdile yè ko degbe etọn na mi do. 19  Mẹlọ lẹ sọ to didọna mi dọmọ: “Be hiẹ ma na dọna mí lehe nuhe wà a te ehelẹ gando mí go do ya?” 20  N’sọ gblọnna yé dọmọ: “Ohó Jehovah tọn ko wá dè e dọmọ, 21  ‘Dọna owhé Islaeli tọn dọmọ: “Nuhe Oklunọ Nupojipetọ Jehovah dọ die, ‘Yẹn jlo na hẹn fiwiwe ṣie flu,+ yèdọ asisa awagundido mìtọn tọn, nuhe mì yiwanna taun, he sọ yin ojlo ahun mìtọn mẹ tọn.* Visunnu po viyọnnu mìtọn titi lẹ po he mì jodo na jai gbọn ohí lọ dali.+ 22  Whenẹnu, mìwlẹ na yinuwa kẹdẹdile yẹn ko yinuwa do. Mì ma na bu núdo atán mìtọn aga tọn lẹ bo ma nasọ dù akla he mẹdevo lẹ hẹnwa na mì.+ 23  Tabla mìtọn lẹ na to ota na mì, afọpa mìtọn lẹ nasọ to afọ na mì. Mì ma na nọ aluẹmẹ kavi viavi. Kakatimọ, mì na yọ́ kọnyinai na nuṣiwa mìtọn lẹ wutu,+ mì nasọ wẹnhun hlan ode awetọ. 24  Ezekiẹli ko lẹzun ohia de na mì.+ Kẹdẹdile ewọ ko yinuwa do, mọ wẹ mì na yinuwa do niyẹn. To whenue e na jọ, mìwlẹ na yọnẹn dọ yẹn wẹ Oklunọ Nupojipetọ Jehovah.’”’” 25  “Podọ na hiẹ tọn, visunnu gbẹtọ tọn, to azán he gbè yẹn na ze fibẹtado yetọn yì sọn yé dè—yèdọ onú whanpẹnọ he nọ hẹn ayajẹ wá na yé lọ, nuhe yé yiwanna taun lọ, he yin ojlo ahun* yetọn mẹ tọn—to pọmẹ hẹ visunnu po viyọnnu yetọn lẹ po,+ 26  mẹhe họ̀ngán de wẹ na hẹn linlin etọn wá na we.+ 27  To azán enẹ gbè, hiẹ na kẹ̀ onù towe bo na dọhona mẹhe họ̀ngán lọ, podọ hiẹ ma nasọ yin unbọpẹnnọ ba.+ Hiẹ na yin ohia de na yé, podọ yé na yọnẹn dọ yẹn wẹ Jehovah.”

Nudọnamẹ Odò Tọn

To paa mẹ, “yinkọ azán lọ tọn.”
Kavi “ajlú.”
Kavi “nudàzẹ́n he onù etọn to gblagada.”
Kavi “linú akọ́nnu.”
Kavi “nùflo aga tọn.”
To paa mẹ, “akla sunnu lẹ tọn.”
Kavi “awuvẹmẹ alindọn mìtọn tọn.”
Kavi “alindọn.”