Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 2:1-10

NUHE E BẸHẸN LẸ

  • Yè deazọ́nna Ezekiẹli di yẹwhegán (1-10)

    • “Eyin yé dotoai kavi gbẹ́” (5)

    • Owe-hihá avihàn tọn de (9, 10)

2  E sọ dọna mi dọmọ: “Visunnu gbẹtọ tọn,* fọnṣite do afọ towe lẹ ji na yẹn nido dọho hẹ we.”+  To whenue e dọho hẹ mi, gbigbọ lọ biọ ohò ṣie mẹ bo jlọ mi ṣite do afọ ṣie lẹ ji+ na yẹn nido sọgan sè nuhe dọ Mẹhe to hodọ hẹ mi lọ te.  E sọ dọna mi yinukọn dogọ dọmọ: “Visunnu gbẹtọ tọn, yẹn to dido we hlan omẹ Islaeli tọn lẹ dè,+ yèdọ akọta atẹṣitọ lẹ he ko ṣiatẹ sọta mi.+ Yewlẹ po tọgbo yetọn lẹ po ko gbàsẹ́n ṣie lẹ kakajẹ egbehe.+  Yẹn to dido we hlan visunnu he yin tasinyẹntọ* po kanylantọ lẹ po dè,+ hiẹ nasọ dọna yé dọ, ‘Nuhe Oklunọ Nupojipetọ Jehovah dọ die.’  Na yewlẹ tọn, eyin yé dotoai kavi gbẹ́ nado dotoai—na owhé atẹṣitọ tọn de wẹ yé+—yé na yọnẹn na nugbo tọn dọ yẹwhegán de ko tin to ṣẹnṣẹn yetọn.+  “Ṣigba hiẹ, visunnu gbẹtọ tọn, a dibuna yé blo,+ a sọ dibuna ohó yetọn lẹ blo, dile etlẹ yindọ vẹwùn lẹ po owùn lẹ po* wẹ lẹdo we pé+ bọ hiẹ sọ to ninọ aklekle lẹ ṣẹnṣẹn. A dibuna ohó yetọn lẹ blo+ podọ a dike nukunmẹ yetọn lẹ dobuna we blo,+ na owhé atẹṣitọ tọn de wẹ yé.  Hiẹ dona dọ ohó ṣie lẹ na yé, eyin yé dotoai kavi lala, na atẹṣitọ lẹ wẹ yé.+  “Ṣigba hiẹ, visunnu gbẹtọ tọn, dotoaina nuhe yẹn to didọna we. A lẹzun atẹṣitọ di owhé atẹṣitọ ehe blo. Kẹ̀ onù towe bo dù nuhe yẹn to nina we.”+  To whenue yẹn pọ́n, yẹn mọ bọ alọ de yin dindlẹn hlan mi,+ yẹn sọ mọ owe-hihá he ji yè kannu do de to alọ lọ mẹ.+ 10  To whenue e vlọ́n ẹn to nukọn ṣie, yè kannu do e ji to nukọn po godo po.+ Avihàn,* aluẹmẹninọ po awubla po wẹ yin kinkan do e ji.+

Nudọnamẹ Odò Tọn

“Visunnu gbẹtọ tọn”; ehe wẹ tintan to whla 93 he hogbe ehe sọawuhia to owe Ezekiẹli tọn mẹ.
Kavi “nukunmẹ sinsinyẹnnọ.”
Kavi vlavo, “dile etlẹ yindọ gbẹtọ tasinyẹntọ he taidi owùn he nọ to sisọ́ we lẹ.”
Kavi “Ohàn aluẹmẹninọ tọn.”