Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 17:1-24

NUHE E BẸHẸN LẸ

  • Ajlú akùn 2 lẹ po vẹntin po tọn (1-21)

  • Nùfẹ́ de na lẹzun kedali daho (22-24)

17  Ohó Jehovah tọn sọ vọ́ wá dè e dọmọ:  “Visunnu gbẹtọ tọn, do ajlú de bosọ do oló de gando owhé Islaeli tọn go.+  Hiẹ na dọ dọ, ‘Nuhe Oklunọ Nupojipetọ Jehovah dọ die: “Akùn daho de,+ he tindo awà-gbó lẹ po awàfún gaa he gblo bosọ tindo sinmẹ whanpẹnọ lẹ po wá Lẹbanọni+ bo wẹ́n ota atin kedali tọn.+  E wẹ́n nùfẹ́ atin lọ tọn he to aga pete bo hẹn ẹn yì aigba ajọwatọ lẹ tọn* ji bosọ tùn in do tòdaho ajọwatọ lẹ tọn mẹ.+  Enẹgodo, e yí sọn okún aigba lọ tọn lẹ mẹ+ bo do e do aigba dagbe de ji. E do e taidi wilo-tin to tọ̀sisa tó.  E sọ whẹ́n bo lẹzun vẹntin he vùn bo whete de+ bọ amà etọn lẹ dokọdò podọ adọ̀ etọn lẹ to whinwhẹ́n to oglọ etọn. E gbọnmọ dali lẹzun vẹntin he vùn bosọ zẹ̀alà de.+  “‘“Akùn daho devo+ he tindo awà-gbó lẹ po awàfún he gblo lẹ po sọ wá.+ Vẹntin ehe sọ yawu yìn adọ̀ etọn lẹ hlan ẹn sọn owhẹ̀n jipa mẹ tọn he ji e yin dido do, podọ e sọ vùn amà etọn hlan ẹn na e nido mọ osin yí sọn e dè.+  E ko yin dido do aigba dagbe de ji to tọ̀sisa lẹ tó, na e nido zẹ̀alà bo de sinsẹ́n tọ́n bosọ lẹzun vẹntin daho-gbó de.”’+  “Dọna yé dọ, ‘Nuhe Oklunọ Nupojipetọ Jehovah dọ die: “Be e na whẹ́n ya? Be mẹde ma na sán adọ̀ etọn lẹ+ bo hẹn sinsẹ́n etọn lẹ vó bosọ hẹn amà he ṣẹṣẹ tọ́n lẹ hú ya?+ E na hú sọmọ bọ e ma na biọ awà huhlọnnọ de kavi mẹsusu nado họ̀n ẹn po adọ̀ po. 10  Dile etlẹ yindọ yè họ̀n ẹn bo vọ́ ẹ do, be e na whẹ́n ya? Be e ma na hú pete to whenue jẹhọn whèzẹtẹn tọn na yìn do e ya? E na hú to owhẹ̀n jipa mẹ tọn he ji e wú do.”’” 11  Ohó Jehovah tọn sọ vọ́ wá dè e dọmọ: 12  “Jaale bo dọna owhé atẹṣitọ lọ dọ, ‘Be mìwlẹ ma yọ́n nuhe onú ehelẹ zẹẹmẹdo wẹ ya?’ Dọna yé dọ, ‘Pọ́n! Ahọlu Babilọni tọn wá Jelusalẹm bo plan ahọlu etọn po ahọvi etọn lẹ po bosọ bẹ yé yì Babilọni.+ 13  Humọ, e yí dopo to kúnkan* ahọlu tọn lẹ mẹ+ bo basi alẹnu de hẹ ẹ bosọ ze e do whiwhle de glọ.+ Enẹgodo, e bẹ omẹ nukundeji aigba lọ tọn lẹ yì,+ 14  na huhlọn ahọluduta lọ tọn nido depò, bọ e ma na penugo nado fọ́n ba podọ gbọn alẹnu etọn yìnyìn kẹdẹ dali wẹ e na gbọṣi aimẹ te.+ 15  Ṣigba, ahọlu lọ wá ṣiatẹ sọta ẹ+ to godo mẹ gbọn wẹnsagun etọn lẹ didohlan Egipti dali nado mọ osọ́ lẹ+ po awhànpa daho de po yí sọn e dè.+ Be e na pà ẹ ya? Be mẹhe to onú ehe nkọ lẹ wà na họ̀ngán matin yasanamẹ ya? Be ewọ na gbà alẹnu lọ bo na gbẹsọ họ̀ngán wẹ ya?’+ 16  “‘“Dile yẹn togbẹ̀,” wẹ Oklunọ Nupojipetọ Jehovah dọ, “Babilọni wẹ ewọ na kú do, yèdọ fie ahọlu* he yí i* do doahọlu lọ nọ nọ̀, mẹhe sin whiwhle go e gbẹkọ podọ mẹhe sin alẹnu e gbà.+ 17  Podọ awhànpa daho po awhànfuntọ susugege Falo tọn lẹ po ma na yin alọgọ de na ẹn to awhàn lọ mẹ,+ whenue dòkọ́ po adó lẹ po na yin dido nado và mẹsusu* sudo. 18  E ko gbẹkọ whiwhle de go bo ko sọ gbà alẹnu de. Dile etlẹ yindọ ewọ dopà,* e ko wà onú ehe lẹpo podọ e ma na họ̀ngán.”’ 19  “‘Enẹwutu, nuhe Oklunọ Nupojipetọ Jehovah dọ die: “Dile yẹn togbẹ̀, yẹn na hẹn nugbajẹmẹji wá ota etọn na e gbẹkọ whiwhle ṣie go+ bo gbà alẹnu ṣie wutu. 20  Yẹn na yìn odọ̀ ṣie do e ji, ewọ nasọ yin wiwle do e mẹ.+ Yẹn na hẹn ẹn wá Babilọni bo na dawhẹna ẹn to finẹ na ewọ ma yin nugbonọ na mi wutu.+ 21  Mẹhe họ̀njẹgbé sọn awhànpa etọn mẹ lẹpo na jai gbọn ohí dali, mẹhe pò lẹ nasọ yin gbigbà pé yì awà lẹpo ji.*+ Whenẹnu wẹ mìwlẹ na yọnẹn dọ, yẹn Jehovah, lọsu wẹ ko dọ ẹ.”’+ 22  “‘Nuhe Oklunọ Nupojipetọ Jehovah dọ die: “Yẹn na wẹ́n nùfẹ́ he to aga pete na atin kedali tọn he yiaga taun lọ+ bo na do e, yèdọ sọn alà etọn lẹ mẹ to aga wẹ yẹn na sán nùfẹ́ de sọn,+ podọ yẹnlọsu wẹ na do e do osó he yiaga taun de ji.+ 23  To osó he yiaga Islaeli tọn ji wẹ yẹn na do e do; podọ alà etọn lẹ na whẹ́n, e nasọ sẹ́n bo lẹzun kedali daho-gbó de. Ohẹ̀ wunmẹ lẹpo wẹ na nọ nọ̀ oglọ etọn bo nasọ nọ nọ̀ oyẹ̀ amà etọn lẹ tọn glọ. 24  Atin danji tọn lẹpo nasọ yọnẹn dọ yẹn Jehovah, lọsu wẹ ko hẹn atin he yiaga lọ wá odò bo ko sọ ze atin he to odò lọ daga;+ yẹn ko hẹn atin-mú lọ hú bo ko sọ hẹn atin húhú lọ nado jọ amà.+ Yẹn Jehovah lọsu wẹ ko dọ ẹ bo ko sọ wà ẹ.”’”

Nudọnamẹ Odò Tọn

To paa mẹ, “aigba Kenani tọn.”
To paa mẹ, “okún.”
Enẹ wẹ, Nẹbukadnẹzali.
Enẹ wẹ, Zedekia.
Kavi “alindọn susu.”
To paa mẹ, “ewọ na alọ etọn.”
To paa mẹ, “hlan jẹhọn lẹpo.”