Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 15:1-8

NUHE E BẸHẸN LẸ

  • Jelusalẹm, vẹntin he ma yọ́n-na-yizan (1-8)

15  Ohó Jehovah tọn sọ vọ́ wá dè e dọmọ:  “Visunnu gbẹtọ tọn, etẹwẹ vẹntin yí do gbọnvona atin devo depope kavi alà atin zungbo mẹ tọn lẹ tọn?  Be atin etọn sọgan yin yiyizan nado wazọ́n de ya? Kavi be gbẹtọ lẹ nọ yí i do basi opò nado plá nuyizan lẹ do e go wẹ ya?  Pọ́n! E nọ yin yiyizan nado flọ miyọ́n, bọ miyọ́n sọ nọ dù tónu etọn awe lẹ bo nọ fiọ ṣẹnṣẹn etọn. Todin, be e sọgan yin yiyizan nado wazọ́n depope ya?  To whenue e tlẹ yin blebu, e ma sọgan yin yiyizan na nudepope. Lehe e ma na yọ́n-na-yizan do sọ to whenue miyọ́n ko dù i bọ e ko fiọ!”  “Enẹwutu, nuhe Oklunọ Nupojipetọ Jehovah dọ die: ‘Kẹdẹdi vẹntin to atin zungbo mẹ tọn lẹ ṣẹnṣẹn, he nọ yin yiyizan nado flọ miyọ́n, mọ wẹ yẹn na yinuwa hẹ mẹhe nọ nọ̀ Jelusalẹm lẹ do.+  Yẹn ko diọnukunsọ yé. Yé ko họ̀ngán sọn miyọ́n lọ nù, ṣigba miyọ́n wẹ na fiọ yé. Mìwlẹ nasọ yọnẹn dọ yẹn wẹ Jehovah to whenue yẹn na diọnukunsọ yé.’”+  “‘Yẹn nasọ hẹn aigba lọ jẹvọ́+ na yé ma yin nugbonọ wutu,’+ wẹ Oklunọ Nupojipetọ Jehovah dọ.”

Nudọnamẹ Odò Tọn