Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Ezekiẹli 10:1-22

NUHE E BẸHẸN LẸ

  • Yè yí miyọ́n sọn kẹkẹfọ lọ lẹ ṣẹnṣẹn (1-8)

  • Zẹẹmẹ kelubimi po kẹkẹfọ lọ lẹ po tọn (9-17)

  • Gigo Jiwheyẹwhe tọn sẹtẹn sọn tẹmpli mẹ (18-22)

10  Dile yẹn to pinpọn, yẹn mọ nude he taidi zannu safili tọn to aga na dovlomẹ he tin to kelubimi lọ lẹ ji, podọ awusọhia etọn taidi ofìn de.+  E sọ dọna dawe he do alavọ lọ+ dọmọ: “Biọ kẹkẹfọ lọ lẹ ṣẹnṣẹn,+ to kelubimi lọ lẹ glọ, bo ba akán miyọ́nawu gọ́ alọ towe awe lẹ+ sọn kelubimi lọ lẹ ṣẹnṣẹn bosọ vúnvún in do tòdaho lọ ji.”+ Yẹn sọ mọ bọ ewọ biọ e mẹ.  Kelubimi lọ lẹ sọ to ote to adusiwhé ohọ̀ lọ tọn to whenue dawe lọ biọ họmẹ, bọ aslọ gọ́ awánu homẹ tọn lọ mẹ.  Podọ gigo Jehovah tọn+ sẹtẹn sọn kelubimi lọ lẹ ji yì họntonu ohọ̀ lọ tọn, aslọ sọ jẹ ohọ̀ lọ mẹ gọ́ ji vudevude,+ gigo Jehovah tọn sọ họ́n gblegede do awánu lọ mẹ.  Nudidọ awà kelubimi lọ lẹ tọn nọ yin sisè to awánu gbonu tọn lọ mẹ, yèdọ taidi ogbè Jiwheyẹwhe Ganhunupotọ lọ tọn eyin ewọ to hodọ.+  Whenẹnu wẹ e degbena dawe he to alavọ mẹ lọ dọmọ: “Yí miyọ́n sọn kẹkẹfọ lọ lẹ ṣẹnṣẹn, yèdọ sọn kelubimi lọ lẹ ṣẹnṣẹn,” ewọ sọ biọ e mẹ bo nọte to kẹkẹfọ lọ lẹ pá.  Dopo to kelubimi lọ lẹ mẹ sọ dlẹnalọ etọn jẹgbonu hlan miyọ́n he to kelubimi lọ lẹ ṣẹnṣẹn.+ E sọ yí sọn e mẹ bo yí i do alọ awe lẹ mẹ na dawe he to alavọ mẹ lọ,+ podọ dawe lọ yí i bosọ tọ́nyi.  Kelubimi lọ lẹ tindo alọ taidi gbẹtọ tọn nkọ lẹ to awà yetọn lẹ glọ.+  Dile yẹn to pinpọn, yẹn mọ kẹkẹfọ ẹnẹ to kelubimi lọ lẹ pá, yèdọ kẹkẹfọ dopo to apá na kelubimi dopo, podọ kẹkẹfọ lọ lẹ nọ to sisẹ́ taidi zannu klisọlite tọn.+ 10  Na nuhe dù awusọhia yetọn, awusọhia dopolọ wẹ yé omẹ ẹnẹ lẹ tindo, e sọ taidi dọ kẹkẹfọ de tin to devo mẹ wẹ nkọ. 11  Eyin yé sẹtẹn, yé ma nọ lilẹ́ whẹpo do yì fidepope to adà ẹnẹ lọ lẹ mẹ, na yé ma nọ lilẹ́ whẹpo do yì fie ota lọ pànta. 12  Agbasa yetọn blebu, nẹgbé yetọn, alọ yetọn lẹ, awà yetọn lẹ, po kẹkẹfọ lọ lẹ po, yèdọ kẹkẹfọ yé omẹ ẹnẹ lẹpo tọn wẹ gọ́ na nukun lẹdo pé.+ 13  Podọ, yẹn sè bọ ogbè de dawhá hlan kẹkẹfọ lọ lẹ dọ, “Kẹkẹfọ lẹ ni lilẹ́!” 14  Dopodopo yetọn* tindo nukunmẹ ẹnẹ. Tintan tindo nukunmẹ kelubimi de tọn, awetọ tindo nukunmẹ gbẹtọ tọn, atọ̀ntọ tindo nukunmẹ kinnikinni tọn, podọ ẹnẹtọ tindo nukunmẹ akùn de tọn.+ 15  Kelubimi lọ lẹ sọ dedo—yé yin mẹdida dopolọ lẹ* he yẹn ko mọ to tọ̀sisa Kẹbali tọn kọ̀n+ 16  podọ eyin kelubimi lọ lẹ sẹtẹn, kẹkẹfọ lọ lẹ nọ sẹtẹn to apá na yé ga; eyin kelubimi lọ lẹ sọ dlẹn awà yetọn lẹ nado ze yede daga sọn aigba ji, kẹkẹfọ lọ lẹ ma nọ lilẹ́ kavi sẹtẹn sọn apá na yé.+ 17  Eyin yé nọte guun, kẹkẹfọ lọ lẹ lọsu nọ nọte guun; eyin yé sẹtẹn, kẹkẹfọ lọ lẹ lọsu nọ sẹtẹn dopọ hẹ yé, na gbigbọ he to anadena mẹdida lọ lẹ* dopolọ wẹ to anadena kẹkẹfọ lọ lẹ. 18  Gigo Jehovah tọn+ sọ sẹtẹn sọn họntonu ohọ̀ lọ tọn bo yì nọte guun do kelubimi lọ lẹ ji.+ 19  Todin, yẹn mọ bọ kelubimi lọ lẹ dlẹn awà yetọn lẹ hlan aga bo dedo sọn aigba ji. Kẹkẹfọ lọ lẹ sọ to yìyì to apá na yé to whenue yé dedo. Yé nọte to ohọ̀n he tin to whèzẹtẹn ohọ̀ Jehovah tọn lọ tọn nù, gigo Jiwheyẹwhe Islaeli tọn sọ tin to yé ji.+ 20  Mẹdida ehelẹ* wẹ yẹn ko mọ to gigo Jiwheyẹwhe Islaeli tọn glọ to tọ̀sisa Kẹbali tọn kọ̀n,+ enẹ wẹ zọ́n bọ yẹn do yọnẹn dọ kelubimi lẹ wẹ yé. 21  Yé omẹ ẹnẹ lẹ tindo nukunmẹ ẹnẹ, awà ẹnẹ, podọ nuhe taidi alọ gbẹtọ tọn tin to awà yetọn lẹ glọ.+ 22  Nukunmẹ yetọn lẹ sọ taidi nukunmẹ he yẹn ko mọ to tọ̀sisa Kẹbali tọn kọ̀n lẹ.+ Dopodopo yetọn nọ zọ̀n tlọlọ.+

Nudọnamẹ Odò Tọn

Enẹ wẹ, kelubimi dopodopo.
To paa mẹ, “ehe wẹ mẹdida lọ.”
To paa mẹ, “na gbigbọ mẹdida lọ tọn.”
To paa mẹ, “Mẹdida ehe.”