Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Eksọdusi 40:1-38

NUHE E BẸHẸN LẸ

  • Gòhọtúntún lọ pinpẹ́n (1-33)

  • Gigo Jehovah tọn gọ́ gòhọtúntún lọ mẹ (34-38)

40  Jehovah sọ dọna Mose dọmọ:  “To azán tintan osun tintan tọn mẹ, hiẹ na pẹ́n gòhọtúntún lọ, yèdọ gòhọ opli tọn lọ.+  Ze apotin Kunnudenu tọn lọ do e mẹ+ bo yí họmẹgbòvọ̀ do gbò fie Apotin lọ te.+  Hiẹ na ze tafo+ lọ do e mẹ bo to nuhe na nọ e ji lẹ do e ji bosọ ze miyọ́ngbán-tin+ lọ do e mẹ bo tá miyọ́ngbán etọn lẹ.+  Enẹgodo, ze agbà sika tọn lọ he ji nuyọnwan na nọ yin mimẹ̀ te+ do apotin Kunnudenu tọn lọ nukọn bo ze avọ̀* he nọ yin dido do họntonu lọ do gòhọtúntún lọ nù.+  “Hiẹ na ze agbà avọ́nunina mimẹ̀ tọn+ lọ do họntonu gòhọtúntún lọ tọn, yèdọ gòhọ opli tọn lọ tọn,  bo ze basia lọ do gòhọ opli tọn lọ po agbà lọ po ṣẹnṣẹn bosọ yí osin do e mẹ.+  Enẹgodo, basi awánu+ lọ lẹdo e bo ze avọ̀*+ he nọ yin dido do họntonu gòhọtúntún lọ tọn do e nù.  Hiẹ nasọ ze amì mẹdide tọn+ lọ bo kọ̀n ẹn do* gòhọtúntún lọ po nuhe tin to e mẹ lẹpo ji,+ bo na klan ẹn do wiwe po nuyizan etọn lẹpo po, na e nido lẹzun wiwe. 10  Hiẹ na kọ̀n amì do agbà avọ́nunina mimẹ̀ tọn po nuyizan etọn lẹpo po ji bo na klan agbà lọ do wiwe, na e nido lẹzun agbà wiwe gbaugbau de.+ 11  Podọ kọ̀n amì do basia lọ po nuhe ji e yin zizedo po ji bo klan ẹn do wiwe. 12  “Hiẹ nasọ hẹn Aalọn po visunnu etọn lẹ po wá họntonu gòhọ opli tọn lọ tọn bo degbena yé nado lawu.+ 13  Hiẹ nasọ do awù wiwe+ lọ lẹ na Aalọn bo yiamisisadode e+ bosọ klan ẹn do wiwe, ewọ nasọ nọ sẹ̀n taidi yẹwhenọ de na mi. 14  Enẹgodo, plan visunnu etọn lẹ wá bo do tewu lẹ na yé.+ 15  Hiẹ nasọ yiamisisadode yé dile hiẹ yiamisisadode otọ́ yetọn do,+ na yé nido nọ sẹ̀n taidi yẹwhenọ lẹ na mi podọ mẹdide yetọn taidi yẹwhenọ lẹ na gbọṣi aimẹ sọn whẹndo de ji jẹ whẹndo de ji.”+ 16  Mose wà nuhe Jehovah ko degbe etọn na ẹn lẹpo.+ E wà domọ pẹpẹ. 17  To osun tintan owhe awetọ tọn mẹ, to azán tintan osun lọ tọn, gòhọtúntún lọ yin pinpẹ́n.+ 18  To whenue Mose pẹ́n gòhọtúntún lọ, e ze oslò dodonu tọn+ etọn lẹ do oglọ na ẹn, bo tùn owhlẹ ote tọn+ lẹ, bosọ ze opò+ etọn lẹ do e go, bo tùn dòtin etọn lẹ. 19  E sọ vlọ́n avọ̀ gòhọ+ tọn lọ do gòhọtúntún lọ ji bo ṣinyọ́n avọ̀+ lọ do e ji, kẹdẹdile Jehovah ko degbe etọn na Mose do. 20  Enẹgodo, e ze Kunnudenu+ lọ do Apotin lọ mẹ bo ze opò+ lẹ do Apotin+ lọ go bosọ ze nùsu+ Apotin+ lọ tọn do e nù. 21  E sọ ze Apotin lọ wá gòhọtúntún lọ mẹ bo ze avọ̀+ he nọ yin dido do họntonu lọ do gòhọ lọ nù bosọ gbò fie apotin Kunnudenu tọn lọ te,+ kẹdẹdile Jehovah ko degbe etọn na Mose do. 22  Enẹgodo, e ze tafo+ lọ do gòhọ opli tọn lọ mẹ to adà agewaji tọn gòhọtúntún lọ tọn to họmẹgbòvọ̀ lọ nukọn, 23  e sọ to akla lọ lẹ+ do e ji to Jehovah nukọn, kẹdẹdile Jehovah ko degbe etọn na Mose do. 24  E sọ ze miyọ́ngbán-tin+ lọ do gòhọ opli tọn lọ mẹ, do tafo lọ nukọn, to adà hùwaji tọn gòhọtúntún lọ tọn. 25  E sọ tá miyọ́ngbán+ lọ lẹ to Jehovah nukọn, kẹdẹdile Jehovah ko degbe etọn na Mose do. 26  Enẹgodo, e ze agbà sika tọn+ lọ do gòhọ opli tọn lọ mẹ to họmẹgbòvọ̀ lọ nukọn, 27  nado nọ mẹ̀+ nuyọnwan owán gblingblinnọ+ to e ji, kẹdẹdile Jehovah ko degbe etọn na Mose do. 28  E sọ ze avọ̀*+ he nọ yin dido do họntonu lọ do gòhọtúntún lọ nù. 29  E sọ ze agbà avọ́nunina mimẹ̀ tọn+ lọ do họntonu gòhọtúntún lọ tọn, yèdọ gòhọ opli tọn lọ, na e nido nọ basi avọ́nunina mimẹ̀+ po avọ́nunina jinukun-lili tọn po to e ji, kẹdẹdile Jehovah ko degbe etọn na Mose do. 30  Enẹgodo, e ze basia lọ do gòhọ opli tọn lọ po agbà lọ po ṣẹnṣẹn bo yí osin he yè na nọ yí do klọ́ alọ po afọ po do e mẹ.+ 31  Mose gọna Aalọn po visunnu etọn lẹ po sọ klọ́ alọ po afọ yetọn lẹ po to e mẹ. 32  Whedepopenu he yé jei gòhọ opli tọn lọ mẹ kavi dọnsẹpọ agbà lọ, yé nọ klọ́ alọ po afọ yetọn lẹ po,+ kẹdẹdile Jehovah ko degbe etọn na Mose do. 33  To godo mẹ, e basi awánu+ lọ lẹdo gòhọtúntún lọ po agbà lọ po bo ze avọ̀* he nọ yin dido do họngbo awánu+ lọ tọn nù do e nù. Gbọnmọ dali, Mose dotana azọ́n lọ. 34  Aslọ sọ jẹ ṣinṣinyọn gòhọ opli tọn lọ ji bọ gigo Jehovah tọn gọ́ gòhọtúntún lọ mẹ.+ 35  Mose ma penugo nado biọ gòhọ opli tọn lọ mẹ, na aslọ lọ gbọṣi e ji bọ gigo Jehovah tọn gọ́ gòhọtúntún lọ mẹ wutu.+ 36  Podọ eyin aslọ lọ sẹtẹn sọn gòhọtúntún lọ ji, Islaelivi lẹ nọ sẹtẹn bo nọ zindonukọn to gbejizọnlin yetọn mẹ.+ 37  Ṣigba, eyin aslọ lọ ma sẹtẹn, yé ma nọ sẹtẹn kakajẹ azán he gbè aslọ lọ sẹtẹn.+ 38  Na aslọ Jehovah tọn nọ nọ̀ gòhọ lọ ji to okle bọ miyọ́n de nọ nọ̀ e ji to zánmẹ bọ Islaelivi lẹpo wẹ nọ yí nukun yetọn do mọ ẹn to gbejizọnlin yetọn lẹ whenu.+

Nudọnamẹ Odò Tọn

Kavi “họmẹgbòvọ̀.”
Kavi “họmẹgbòvọ̀.”
To paa mẹ, “bo yiamisisadode.”
Kavi “họmẹgbòvọ̀.”
Kavi “họmẹgbòvọ̀.”