Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Eksọdusi 22:1-31

NUHE E BẸHẸN LẸ

  • Nudide whẹdida tọn lẹ na Islaeli (1-31)

    • Ajojijẹ (1-4)

    • Jinukun hinhẹngble (5, 6)

    • Ahọsumẹ po klunọ-yinyin po (7-15)

    • Yẹdoklọ yọnnu de (16, 17)

    • Sinsẹ̀n-bibasi po whẹdida po (18-31)

22  “Eyin mẹde fìn oyìnsú de kavi lẹngbọ de bo hù i kavi sà ẹ, e dona yí oyìnsú atọ́n do suahọ oyìnsú lọ tọn podọ lẹngbọ ẹnẹ do suahọ lẹngbọ lọ tọn.+  (“Eyin yè gbò ajotọ+ de do bọ e to owhé de gbè biọ bọ yè linú in bọ e kú, mẹde ma na duhùnhọ etọn.  Ṣigba, eyin owhè ko hùn whẹpo ehe do jọ, yè na duhùnhọ.) “E dona suahọ etọn. Eyin e ma tindo nudepope, whenẹnu e dona yin sisà, na nuhe e fìn lẹ wutu.  Eyin nuhe e fìn yin mimọ gbẹ̀te to alọ etọn mẹ, vlavo oyìnsú de, kẹtẹkẹtẹ de kavi lẹngbọ de, e dona suahọ etọn do donu awe ji.  “Eyin mẹde de kanlin etọn lẹ tọ́n nado yì dù amà to danji kavi to vẹngle de mẹ bọ e dike bọ yé yì dùnú to ogle mẹdevo tọn mẹ, e dona yí sinsẹ́n dagbe hugan ogle etọn tọn kavi vẹngle etọn titi tọn do suahọ etọn.  “Eyin miyọ́n de wle bo fiọ wùnkan lẹ bosọ fiọ okọ̀ jinukun tọn lẹ kavi jinukun he gbẹ́ pò to ote lẹ kavi ogle de, mẹhe flọ miyọ́n lọ dona suahọ nuhe fiọ lẹ tọn.  “Eyin mẹde zọ́n akuẹ kavi nutindo lẹ hẹn hatọ etọn bọ yé yin finfin sọn owhé mẹlọ tọn gbè, eyin ajotọ lọ yin wiwle, e dona suahọ etọn do donu awe ji.+  Eyin ajotọ lọ ma yin mimọ, whétọ lọ dona yin hinhẹnwa Jiwheyẹwhe nugbo lọ nukọn+ nado dindona eyin vlavo ewọ doalọ nutindo hatọ etọn tọn lẹ go kavi lala.  To whedepopenu he ajonú de yin mimọ to mẹde si, vlavo oyìnsú de, kẹtẹkẹtẹ de, lẹngbọ de, awù de kavi nudepope he bu he go e dọ gando dọ, ‘Ṣie wẹ!’ yé omẹ awe lẹ dona ze whẹho yetọn wá Jiwheyẹwhe nugbo lọ nukọn.+ Mẹhe Jiwheyẹwhe gblewhẹdo lọ dona suahọ hatọ etọn do donu awe ji.+ 10  “Eyin mẹde zọ́n kẹtẹkẹtẹ de, oyìnsú de, lẹngbọ de kavi kanlin whégbè tọn depope hẹn hatọ etọn bọ kanlin lọ kú kavi gbleawu kavi yin finfin ze to whenue mẹde ma to finẹ, 11  e dona whlé to Jehovah nukọn dọ emi ma doalọ nutindo hatọ emitọn tọn go; podọ núnọ lọ dona kẹalọyi. Omẹ awetọ ma na suahọ+ depope. 12  Ṣigba, eyin kanlin lọ yin finfin sọn e si, e dona suahọ etọn na núnọ lọ. 13  Eyin gbekanlin de wẹ tlẹ́n ẹn dù, e dona hẹn kunnudenu etọn wá. E ma na suahọ nuhe gbekanlin de tlẹndu tọn. 14  “Ṣigba, eyin mẹdepope whé kanlin de sọn hatọ etọn si bọ kanlin lọ gbleawu kavi kú to whenue klunọ etọn ma tin to e dè, mẹhe whé kanlin lọ dona suahọ etọn. 15  Eyin klunọ etọn tin to e dè, ewọ ma na suahọ etọn. Eyin kanlin lọ yin hihaya wẹ, akuẹ he yè yí do haya kanlin lọ wẹ na yin ahọsumẹ lọ. 16  “Eyin mẹde doyẹklọ yọnnu he to alọji de he ma ko dopà alọwle tọn na sunnu de bo zanhẹ ẹ, e dona sú asigbàn whẹpo yọnnu lọ nado lẹzun asi etọn.+ 17  Eyin otọ́ yọnnu lọ tọn gbẹ́ gbidigbidi nado yí i na ẹn taidi asi, sunnu lọ dona suahọ sọgbe hẹ asigbàn he nọ yin nina. 18  “Hiẹ ma dona jo owọ́ntọ de dogbẹ̀.+ 19  “Mẹdepope he tindo kọndopọ zanhẹmẹ tọn hẹ kanlin de dona yin hùhù dandan.+ 20  “Mẹdepope he sanvọ́ hlan yẹwhe devo depope gbọnvona Jehovah dona yin vivasudo.+ 21  “Hiẹ ma dona ylanhùn do mẹhe to jonọ-gbéji de go kavi gbidikọna ẹn,+ na mìlọsu ko nọ jonọ-gbéji pọ́n to aigba Egipti tọn ji.+ 22  “Mì ma dona sayana asuṣiọsi kavi tọṣiọvi de gba.+ 23  Eyin hiẹ sayana ẹn to aliho depope mẹ bọ e dawhá ylọ mi, yẹn na sè awhágbe+ etọn dandan; 24  yẹn nasọ gblehomẹ sinsinyẹn bo na yí ohí do hù mì, asi mìtọn lẹ na lẹzun asuṣiọsi bọ ovi mìtọn lẹ na lẹzun tọṣiọvi. 25  “Eyin hiẹ yàn akuẹ na mẹdepope he yin wamọnọ* to omẹ ṣie lẹ mẹ, yèdọ mẹde he tin topọ hẹ we, hiẹ ma dona yinuwa hẹ ẹ taidi akuẹ-yannamẹtọ.* Mì ma dona lẹn akuẹvi na ẹn gba.+ 26  “Eyin hiẹ hò awù hatọ towe tọn de yí taidi afàsúnú,+ hiẹ dona gọ̀ ẹ jona ẹn whẹpo owhè nido yihọ. 27  Na avọ̀ dopo gee he e tindo nado nọ ṣinyọ́n* niyẹn; etẹwẹ e na ṣinyọ́n do damlọn?+ Eyin ewọ dawhá ylọ mi, yẹn na sè dandan, na awuvẹmẹtọ* wẹ yẹn.+ 28  “Hiẹ ma dona zánnu do Jiwheyẹwhe go*+ kavi hodẹ̀do ahọvi* de to omẹ towe lẹ ṣẹnṣẹn.+ 29  “Hiẹ ma dona whleawu nado na avọ́nunina lẹ sọn sinsẹ́n susugege towe podọ sọn gege ovẹn he to sisà sọn ovẹn-finyọ́ndo* towe mẹ lẹ mẹ.+ Plọnji to visunnu towe lẹ mẹ wẹ hiẹ na na mi.+ 30  Nuhe hiẹ na nọ yí oyìnsú po lẹngbọ towe lẹ po do wà die:+ E na nọ onọ̀ etọn dè na azán ṣinawe. To azán ṣinatọ̀ntọ gbè, hiẹ na yí i na mi.+ 31  “Mìwlẹ dona do mìde hia taidi akọta wiwe de na mi,+ podọ mì ma dona dù olàn kanlin depope he yin tintlẹ́n to danji gbọn gbekanlin de dali tọn.+ Mì dona ze e dlan na avún lẹ.

Nudọnamẹ Odò Tọn

Kavi “he yè to yasana.”
Kavi “mẹhe nọ yàn akuẹ namẹ po akuẹvi he yiaga po.”
To paa mẹ, “ṣinyọ́n ayú etọn.”
Kavi “mẹhe gọ́ na ojọmiọn.”
Kavi “ma dona vlẹ Jiwheyẹwhe kò.”
Kavi “ogán.”
Enẹ wẹ, fihe amì po ovẹn po nọ yin finfinyọ́n te.