Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Eksọdusi 20:1-26

NUHE E BẸHẸN LẸ

  • Gbedide Ao lẹ (1-17)

  • Nujijọ de dobuna Islaeli (18-21)

  • Anademẹ gando sinsẹ̀n-bibasi go (22-26)

20  Jiwheyẹwhe sọ dọ ohó ehe lẹpo+ dọmọ:  “Yẹn wẹ Jehovah Jiwheyẹwhe towe, he plan we sọn aigba Egipti tọn ji, yèdọ sọn kanlinmọgbenu.+  Hiẹ ma dona tindo yẹwhe devo depope gbọnvona yẹn.*+  “Hiẹ ma dona basi boṣiọ pipà de kavi ohia* nudepope he tin to olọn mẹ aga kavi to aigba ji to odò kavi to osin mẹ to aigba ji tọn.+  Hiẹ ma dona dẹ́ do odò na yé kavi yin kiklọ nado sẹ̀n yé,+ na yẹn Jehovah Jiwheyẹwhe towe yin Jiwheyẹwhe de he nọ biọ mẹdezejo mlẹnmlẹn+ bo nọ hẹn yasanamẹ nuṣiwa otọ́ lẹ tọn wá ovi lẹ ji, yèdọ wá whẹndo atọ̀ntọ podọ wá whẹndo ẹnẹtọ mẹhe gbẹwanna mi lẹ tọn ji,  ṣigba bo nọ do owanyi nugbo hia kakajẹ whẹndo fọtọ́ntọ mẹhe yiwanna mi bo nọ yìn gbedide ṣie lẹ+ tọn ji.  “Hiẹ ma dona nọ yí oyín Jehovah Jiwheyẹwhe towe tọn zan to ovọ́ mẹ,+ na Jehovah ma na nọma sayana mẹhe nọ yí oyín Etọn zan to ovọ́ mẹ.+  “Nọ flin Gbọjẹzan lọ nado nọ hẹn ẹn do wiwe ji.+  Hiẹ na nọ jẹtukla bo nọ wazọ́n towe lẹpo to azán ṣidopo+ gblamẹ, 10  ṣigba gbọjẹzan de wẹ azán ṣinawetọ lọ yin na Jehovah Jiwheyẹwhe towe. Hiẹ ma dona wazọ́n depope, yèdọ hiẹ, visunnu towe, viyọnnu towe, afanumẹ sunnu towe, afanumẹ yọnnu towe, kanlin whégbè tọn towe kavi mẹhe to jonọ-gbéji bo nọ nọ̀ lẹdo* towe mẹ.+ 11  Na to azán ṣidopo gblamẹ wẹ Jehovah dá olọn, aigba, ohù po nuhe tin to yé mẹ lẹpo po, e sọ jẹ gbigbọjẹ ji to azán ṣinawetọ gbè.+ Enẹwutu wẹ Jehovah do dona Gbọjẹzan lọ bosọ hẹn ẹn zun wiwe. 12  “Gbògbéna otọ́ towe po onọ̀ towe po,+ na hiẹ nido nọgbẹ̀ dẹn to aigba he Jehovah Jiwheyẹwhe towe jlo na na we ji.+ 13  “Hiẹ ma dona hùhlọ̀n.+ 14  “Hiẹ ma dona deayọ.+ 15  “Hiẹ ma dona fìnnú.+ 16  “Hiẹ ma dona dekunnu lalo to whenue hiẹ to kunnude sọta gbẹtọ hatọ towe.+ 17  “Hiẹ ma dona donukunkẹn gando owhé gbẹtọ hatọ towe tọn go. Hiẹ ma dona donukunkẹn gando asi gbẹtọ hatọ towe tọn,+ kavi afanumẹ sunnu etọn, kavi afanumẹ yọnnu etọn, kavi oyìnsú etọn, kavi kẹtẹkẹtẹ etọn, kavi nudepope he yin gbẹtọ hatọ towe tọn go.”+ 18  Todin, mẹlọ lẹpo to mimọ dile hẹviosò to núdọ bọ abì to gbigbòdlán, yé sọ sè nudidọ opẹ̀n tọn bo mọ azọ̀ gọ́ osó lọ ji; whenuena yé mọ ehe, yé jẹ sisọsisọ ji bosọ nọte to olá.+ 19  Enẹwutu, yé dọna Mose dọmọ: “Hiẹ wẹ ni nọ dọho hẹ mí, bọ míwlẹ na nọ dotoai, ṣigba a dike Jiwheyẹwhe dọho hẹ mí ba blo, na mí nikaa kú.”+ 20  Whenẹnu wẹ Mose dọna mẹlọ lẹ dọmọ: “Mì dibu blo, na Jiwheyẹwhe nugbo lọ ko wá nado tẹ́n mì pọ́n,+ na mìwlẹ nido nọ dibusi i to whepoponu bọ mì ma nado waylando.”+ 21  Enẹwutu, mẹlọ lẹ gbọṣi ote to olá, ṣigba Mose dọnsẹpọ aslọ daho he mẹ Jiwheyẹwhe nugbo lọ te.+ 22  Jehovah sọ dọna Mose dọmọ: “Nuhe hiẹ na dọna Islaelivi lẹ die, ‘Mì ko yí nukun mìtọn titi lẹ do mọdọ yẹn dọho hẹ mì sọn olọn mẹ.+ 23  Mì ma dona basi yẹwhe fataka tọn de gbọnvona yẹn, mì masọ dona basi yẹwhe sika tọn lẹ.+ 24  Mìwlẹ nasọ tùn agbà okọ́ tọn de na mi, mì nasọ nọ basi avọ́sinsan lẹ to e ji, yèdọ avọ́nunina mimẹ̀ lẹ, avọ́sinsan* jijọho tọn lẹ sọn lẹngbọpa po kanlinpa mìtọn lẹ po mẹ. Yẹn na nọ wá mì dè bo nasọ nọ dona mì to fidepope he yẹn hẹn oyín ṣie nado nọ yin finflin+ te. 25  Eyin hiẹ jlo na tùn agbà zannu tọn de na mi, a ma dona yí zannu he yè yí azọ́nwanu de do pà lẹ zan.+ Na eyin hiẹ yí nusánnú towe zan, hiẹ na hẹn ẹn flu. 26  Hiẹ ma dona basi pèkán he ji a na gbọn hẹaga de do agbà ṣie go, na omẹ́ towe nikaa hùn do e ji.’

Nudọnamẹ Odò Tọn

Kavi “jẹagọdo mi.” To paa mẹ, “sọta nukunmẹ ṣie.”
Kavi “apajlẹ.”
To paa mẹ, “họngbo.”
Kavi “avọ́nunina.”