Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Eksọdusi 17:1-16

NUHE E BẸHẸN LẸ

  • Hùnhlún gando osin go to Holẹbi (1-4)

  • Osin sọn osé de mẹ (5-7)

  • Amalẹkinu lẹ tọ́nawhàn bo dudeji (8-16)

17  Akọta Islaeli tọn blebu wleali dedo sọn danfafa Sini tọn ji+ bo to yìyì sọn fide jẹ fide sọgbe hẹ gbedide Jehovah tọn,+ yé sọ whèsla do Lefidimi.+ Ṣigba, yé ma mọ osin nado nù.  Enẹwutu, yé wadán do Mose ji+ dọmọ: “Na mí osin nado nù.” Ṣigba, Mose dọna yé dọmọ: “Naegbọn mì do to adán wà do ji e? Etẹwutu mì do to Jehovah whlé pọ́n?”+  Amọ́, nugbla to mẹlọ lẹ hù taun, yé sọ to nuhlundọ gando Mose go+ dọmọ: “Naegbọn mìwlẹ do plan mí sọn Egipti nado wá yí nugbla do hù mí po visunnu mítọn lẹ po gọna kanlin-yìnyìn mítọn lẹ?”  Enẹgodo, Mose dawhá ylọ Jehovah dọmọ: “Nawẹ yẹn na yinuwa hẹ omẹ ehelẹ do? Na ojlẹ vude dogọ todin, yé na dlan zannu do mi!”  Whenẹnu wẹ Jehovah dọna Mose dọmọ: “Jẹnukọnna mẹlọ lẹ bo plan delẹ to mẹho Islaeli tọn lẹ mẹ hẹn bosọ ze opò towe he a lì Tọ̀sisa Nile tọn.+ Hẹn opò lọ do alọmẹ bo zọnmii.  Pọ́n! Yẹn na nọte to nukọn towe to osé lọ ji to Holẹbi. Hiẹ na linú osé lọ, osin nasọ tọ́njẹgbonu sọn e mẹ bọ mẹlọ lẹ na nù osin lọ.”+ Mose sọ wàmọ to mẹho Islaeli tọn lẹ nukọn.  Enẹwutu, e ylọ nọtẹn lọ dọ Masa*+ podọ Mẹliba,*+ na whẹgbè Islaelivi lẹ tọn wutu podọ na yé whlé Jehovah pọ́n+ wutu gbọn didọ dali dọmọ: “Be Jehovah tin to ṣẹnṣẹn mítọn kavi lala?”  Amalẹkinu+ lẹ sọ wá bo hoavùn sọta Islaeli to Lefidimi.+  Whenẹnu wẹ Mose dọna Jọṣua+ dọmọ: “Ṣinyan delẹ to sunnu lẹ mẹ bo yì hoavùn sọta Amalẹkinu lẹ. To osọ yẹn na nọte to okọ́ta lọ ji aga po opò Jiwheyẹwhe nugbo lọ tọn po to alọmẹ.” 10  Jọṣua sọ wà kẹdẹdile Mose ko dọna ẹn do+ bo hoavùn sọta Amalẹkinu lẹ. Mose, Aalọn po Huuli po+ sọ hẹji yì okọ́ta lọ ji aga. 11  Eyin alọ Mose tọn lẹ tin to aga, Islaelivi lẹ nọ duto e ji, ṣigba tlolo he e ze alọ etọn lẹ wá odò, Amalẹkinu lẹ nọ duto e ji. 12  To whenuena alọ kú Mose, yé ze zannu de do oglọ na ẹn bọ e sin e ji. Aalọn po Huuli po sọ hẹn alọ etọn lẹ go, yèdọ mẹdopo to adusiwhé bọ omẹ awetọ to amiyọnwhé, ehe zọ́n bọ alọ etọn lẹ gbọṣi guun kakajẹ whenue owhè yihọ. 13  Gbọnmọ dali, Jọṣua yí ohí+ do gbawhàn Amalẹki po omẹ etọn lẹ po tọn. 14  Todin Jehovah dọna Mose dọmọ: “Wlan ehe dai taidi oflin* de do owe lọ mẹ bo vọ́ ẹ dọna Jọṣua, ‘Yẹn na zà Amalẹkinu lẹ sẹ̀ sọn aigba nukunmẹ*+ mlẹnmlẹn bọ yé ma nasọ yin finflin ba.’” 15  Mose sọ tùn agbà de bo ylọ ẹ dọ Jehovah-nisi,* 16  bo dọmọ: “Na Amalẹki diọnukunsọ ofìn Jah tọn+ wutu, Jehovah na funawhàn hẹ ẹ sọn whẹndo de ji jẹ whẹndo de ji.”+

Nudọnamẹ Odò Tọn

Zẹẹmẹdo “Mẹtẹnpọn; Mẹwhlepọn.”
Zẹẹmẹdo “Whẹgbè Dido.”
Kavi “nuflinmẹ.”
To paa mẹ, “sọn olọn glọ.”
Zẹẹmẹdo “Jehovah Wẹ Dòtin Ohia Tọn Ṣie.”