Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Efesunu lẹ 5:1-33

NUHE E BẸHẸN LẸ

  • Yin wiwe to ohó po walọ po mẹ (1-5)

  • Mì nọ zinzọnlin di ovi hinhọ́n tọn (6-14)

  • Mì gọ́ na gbigbọ (15-20)

    • Mì nọ yí whenu mìtọn zan ganji (16)

  • Ayinamẹ na asu lẹ po asi lẹ po (21-33)

  • Azán Jehovah tọn ja (1-5)

    • “Jijọho po hihọ́ po!” (3)

  • Mì nọ nukle bo yin lẹnpọn dagbenọ (6-11)

  • Tudohomẹnamẹ lẹ (12-24)

  • Nudọdomẹ he gbọngodo lẹ (25-28)

5  Enẹwutu, mì nọ hodo apajlẹ Jiwheyẹwhe tọn,+ taidi ovi yiwanna lẹ  bo nọ to zọnlinzin to owanyi mẹ,+ kẹdẹdile Klisti yiwanna mí*+ do ga bo ze ede jo do ota mítọn* mẹ taidi avọ́nunina de podọ avọ́sinsan de, yèdọ taidi owán gblingblin de hlan Jiwheyẹwhe.+  Mì gbọ fẹnnuwiwa zanhẹmẹ tọn* po mawé wunmẹ lẹpo po kavi nukunkẹn ni ma tlẹ yin nùdego to ṣẹnṣẹn mìtọn blo,+ kẹdẹdile e jẹna omẹ wiwe lẹ do;+  mọdopolọ, walọ he huwinyan kavi hodidọ nulú tọn kavi aslan gblewa tọn+—yèdọ nuhe ma sọgbe lẹ—ṣigba, kakatimọ mì nọ dopẹ́.+  Na mìwlẹ yọ́n ehe, bo mọnukunnujẹemẹ hezeheze, dọ mẹhe nọ doalọ to fẹnnuwiwa zanhẹmẹ+ tọn* mẹ kavi omẹ mawé kavi nukunkẹnnọ,+ enẹ wẹ nado yin boṣiọ-sẹ̀ntọ de, ma tindo ogú depope to Ahọluduta Klisti tọn po Jiwheyẹwhe tọn po mẹ.+  Mì dike mẹde yí ohó ovọ́ lẹ do klọ mì blo, na onú ehelẹ wutu wẹ homẹgble Jiwheyẹwhe tọn ja tolivẹtọ lẹ ji.  Enẹwutu, mì lẹzun mahẹtọ lẹ hẹ yé blo;  na mì ko yin zinvlu to ojlẹ de mẹ wayi, ṣigba mì ko yin hinhọ́n todin+ to kọndopọ mẹ hẹ Oklunọ.+ Mì nọ to zọnlinzin taidi ovi hinhọ́n tọn lẹ,  na sinsẹ́n hinhọ́n tọn nọ bẹ dagbewà wunmẹ lẹpo, dodowiwa po nugbo po hẹn.+ 10  Mì nọ to dodinna nuhe Oklunọ kẹalọyi+ lẹ zọnmii; 11  mì sọ nọ tindo mahẹ to azọ́n mado sinsẹ́n he yin zinvlu tọn lẹ mẹ ba blo;+ kakatimọ, mì nọ hùngona yé. 12  Na nuhe yé to wiwà to nuglọ lẹ huwinyan nado tlẹ dọ. 13  Todin, nuhe to yinyin gòhùnna* lẹpo wẹ yin hinhẹn sọawuhia gbọn hinhọ́n lọ dali, na nulẹpo he to yinyin hinhẹn sọawuhia wẹ yin hinhọ́n. 14  Enẹwutu, e yin didọ dọmọ: “Fọ́n, hiẹ he to amlọndọ, fọ́n sọn oṣiọ lẹ mẹ,+ Klisti nasọ họ́n do ji we.”+ 15  Enẹwutu, mì nọ payi tlala dọ lehe mì to zọnlinzin do ni ma yin taidi nulunọ blo ṣigba taidi nuyọnẹntọ lẹ, 16  mì nọ yí whenu mìtọn zan to aliho dagbe hugan mẹ,*+ na ylankan wẹ azán lẹ wutu. 17  Na ehe wutu, mì sọ yin nulunọ ba blo, ṣigba mì nọ to ayido nuhe ojlo Jehovah* tọn yin go zọnmii.+ 18  Humọ, mì nọ nù ovẹn mú blo,+ ehe nọ dekọtọn do walọ he gblezọn* mẹ, ṣigba mì nọ gọ́ na gbigbọ. 19  Mì nọ yí salmu lẹ, pipà nina Jiwheyẹwhe po ohàn gbigbọ tọn lẹ po do dọhona ode awetọ, mì nọ kehàn+ bosọ nọ pà+ Jehovah* to ahun mìtọn mẹ,+ 20  mì nọ dopẹna+ Jiwheyẹwhe podọ Otọ́ mítọn to whepoponu na nulẹpo to oyín Oklunọ mítọn Jesu Klisti tọn mẹ.+ 21  Mì nọ yin mẹmẹglọ hlan ode awetọ+ na budisi Klisti wutu. 22  Mì gbọ asi lẹ ni nọ yin mẹmẹglọ hlan asu yetọn+ taidi hlan Oklunọ, 23  na asu wẹ ota na asi etọn+ kẹdẹdile Klisti yin ota agun lọ tọn do,+ na ewọ wẹ whlẹngántọ agbasa ehe tọn. 24  Na nugbo tọn, dile agun lọ yin mẹmẹglọ hlan Klisti do, mọ wẹ asi lẹ lọsu dona nọ wà na asu yetọn do to nulẹpo mẹ. 25  Mì asu lẹ emi, mì nọ yiwanna asi mìtọn,+ kẹdẹdile Klisti yiwanna agun lọ do ga bo ze ede jo na ẹn,+ 26  na ewọ nido sọgan hẹn ẹn zun wiwe bo klọ́ ẹ wé gbọn yíyí osin ohó lọ tọn do klọ́ ẹ dali,+ 27  na ewọ nido sọgan ze agun lọ donukọnna ede to whanpẹ daho etọn mẹ, matin dihó kavi awugbopo kavi onú mọnkọtọn depope,+ ṣigba e dona yin wiwe bo ma tindo oblọ.+ 28  To aliho dopolọ mẹ, asu lẹ dona nọ yiwanna asi yetọn taidi agbasa yetọn titi. Sunnu he yiwanna asi etọn yiwanna ede, 29  na mẹdepope ma nọ gbẹwanna agbasa* edetiti tọn gbede; ṣigba e nọ na ẹn núdùdù bo nọ wlebòna ẹn, kẹdẹdile Klisti nọ wà na agun lọ do, 30  na awutugonu agbasa etọn tọn wẹ mí yin wutu.+ 31  “Na whẹwhinwhẹ́n ehe wutu, sunnu na jo otọ́ etọn po onọ̀ etọn po do bo na sẹbọdo asi etọn go,* yé omẹ awe lẹ nasọ lẹzun agbasalan dopo.”+ 32  Aṣli wiwe+ daho wẹ ehe yin. Todin, yẹn to hodọ gando Klisti po agun lọ po go.+ 33  Etomọṣo, dopodopo mìtọn dona nọ yiwanna asi etọn+ dile e nọ wà na edetiti do; mọdopolọ, asi dona tindo sisi sisosiso na asu etọn.+

Nudọnamẹ Odò Tọn

Kavi vlavo, “mì.”
Kavi vlavo, “mìtọn.”
Glẹki, pọlnẹia. Pọ́n Zẹm.
Pọ́n Zẹm.
Kavi “wiwọhẹ.”
To paa mẹ, “mì nọ fli ojlẹ dide lọ.”
Pọ́n Nud. A5.
Kavi “walọ he ma yọ́n anadena.”
Pọ́n Nud. A5.
To paa mẹ, “agbasalan.”
Kavi “gbọṣi asi etọn dè.”