Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Efesunu lẹ 4:1-32

NUHE E BẸHẸN LẸ

  • Pọninọ to agbasa Klisti tọn mẹ (1-16)

    • Sunnu lẹ di nunina (8)

  • Gbẹtọ-yinyin hoho po yọyọ lọ po (17-32)

  • Avase sọta fẹnnuwiwa zanhẹmẹ tọn (1-8)

  • Mì yiwanna ode awetọ to gigọ́ mẹ (9-12)

    • ‘A dádo whẹho mẹdevo tọn mẹ blo’ (11)

  • Mẹhe kú to Klisti mẹ lẹ na fọ́n jẹnukọn (13-18)

4  Enẹwutu, yẹn he yin gàntọ+ de na Oklunọ tọn wutu, to mì vẹ̀ nado nọ zinzọnlin sọgbe+ hẹ oylọ he mẹ mì yin yiylọ do,  mì nọ yí whiwhẹ*+ po walọmimiọn mlẹnmlẹn po gọna homẹfa+ do nọ sinyẹnlin hẹ ode awetọ to owanyi mẹ,+  bo nọ yí vivẹnudido vẹkuvẹku do hẹn dopo-yinyin gbigbọ tọn go to gẹdẹ pọninọ jijọho tọn mẹ.+  Agbasa dopo wẹ tin,+ podọ gbigbọ dopo,+ kẹdẹdile mìwlẹ yin yiylọ do todido dopo+ oylọ mìtọn tọn kọ̀n do;  Oklunọ dopo,+ yise dopo, baptẹm dopo;  Jiwheyẹwhe dopo podọ Otọ́ mẹlẹpo tọn mẹhe tin to nulẹpo ji podọ gbọn nulẹpo gblamẹ podọ to nulẹpo mẹ.  Todin, nukundagbe majẹhẹ yin nina dopodopo mítọn kẹdẹdile Klisti ko namẹ nunina vọnu ehe do.+  Na e dọmọ: “To whenue ewọ hẹji yiaga, e plan kanlinmọ lẹ yì; e namẹ sunnu lẹ di nunina.”+  Todin, etẹwẹ hogbe lọ “e hẹji,” zẹẹmẹdo? E zẹẹmẹdo dọ ewọ sọ jẹte yì lẹdo he yìdo lẹ mẹ, enẹ wẹ, aigba. 10  Mẹlọ he jẹte dopolọ wẹ sọ hẹji yiaga+ tlala hú olọn lẹpo,+ na ewọ nido sọgan na gigọ́-yinyin nulẹpo. 11  Ewọ sọ namẹ, mẹdelẹ taidi apọsteli lẹ,+ mẹdelẹ taidi yẹwhegán lẹ,+ mẹdelẹ taidi wẹndagbe-jlatọ lẹ,+ mẹdelẹ taidi lẹngbọhọtọ lẹ po mẹplọntọ lẹ po,+ 12  na hinhẹn gọ̀ do tẹnmẹ* omẹ wiwe lẹ tọn, na azọ́n lizọnyizọnwiwa tọn, nado do agbasa* Klisti tọn daga,+ 13  kaka mímẹpo nado jẹ dopo-yinyin* to yise mẹ podọ to oyọnẹn he pegan gando Visunnu Jiwheyẹwhe tọn go kọ̀n, bo whẹ́n pete* zun sunnu,+ jẹ obá ninọmẹ he yin gigọ́-yinyin Klisti tọn kọ̀n. 14  Enẹwutu, mí masọ dona yin yọpọvu lẹ ba, he yè nọ do yigọyigọ na taidi gbọn agbówhẹn lẹ dali bo nọ yin hinhẹn dánpe gbọn jẹhọn oplọn tọn lẹpo dali,+ gbọn ayiha gigẹdẹ gbẹtọ lẹ tọn dali podọ gbọn ayikinkan gigẹdẹ oklọ tọn lẹ yiyizan dali. 15  Ṣigba, to nugbo didọ mẹ, mì gbọ mí ni gbọn owanyi dali whẹ́n to nulẹpo mẹ to kọndopọ mẹ hẹ mẹhe yin tatọ́ lọ, yèdọ Klisti.+ 16  Gbọn ewọ gblamẹ,+ agbasa lọ pete yin kinkọndopọ pẹkipẹki bo yin hinhẹn nado wazọ́n to kọndopọ mẹ gbọn agómẹ lẹpo he nọ namẹ nuhe nuhudo etọn tin lẹ dali. Eyin awutugonu dopodopo wazọ́n ganji, ehe nọ yidogọna whinwhẹ́n agbasa lọ tọn dile e to ede do daga to owanyi mẹ.+ 17  Enẹwutu, yẹn dọ ehe bo dekunnu gando e go to Oklunọ mẹ, dọ mìwlẹ masọ dona nọ zinzọnlin ba kẹdẹdile akọta lẹ nọ zinzọnlin+ do to ovọ́-yinyin ayiha yetọn tọn mẹ.+ 18  Yé to zinvlu aliho nulẹnpọn tọn mẹ, bo jẹla na ogbẹ̀ he wá sọn Jiwheyẹwhe dè, na wunvi yetọn wutu, na sinsinyẹn ahun yetọn lẹ tọn wutu. 19  Yé jẹgló, bo jo yede na walọ gblezọn tasinsinyẹn tọn*+ nado yí nukunkẹn do hẹn mawé wunmẹ lẹpo zun aṣa. 20  Ṣigba, e ma yin nuhe mì plọn gando Klisti go niyẹn, 21  na nugbo tọn, eyin mìwlẹ ko sè ohó etọn bo yin pinplọn gbọn ewọ dali, kẹdẹdile nugbo to Jesu mẹ do. 22  Mì ko yin pinplọn nado klọ́n gbẹtọ-yinyin hoho lọ+ dai, ehe to kọndopọ mẹ hẹ aliho gbẹzan dai tọn mìtọn podọ ehe to yinyin hinhẹn gblezọn sọgbe hẹ ojlo oklọ tọn etọn lẹ.+ 23  Podọ mì dona nọ to huhlọn mẹwhinwhàn apọ̀nmẹ tọn mìtọn*+ hẹn jẹ yọyọ, 24  bo dona ze gbẹtọ-yinyin yọyọ+ lọ do, ehe yin didá sọgbe hẹ ojlo Jiwheyẹwhe tọn to dodowiwa nugbo po nugbonọ-yinyin po mẹ. 25  Enẹwutu, todin he mì ko klọ́n oklọ dai, dopodopo mìtọn ni nọ dọ nugbo hẹ kọmẹnu etọn,+ na awutugonu ode awetọ tọn wẹ mí yin.+ 26  Mì sọgan gblehomẹ, amọ́ mì waylando blo;+ mì dike owhè yihọ to whenue mì gbẹ́ pò to homẹgble ji blo;+ 27  podọ mì hùn dotẹnmẹ dote na Lẹgba blo.*+ 28  Mì dike mẹhe nọ fìnnú sọ fìnnú ba blo; kakatimọ mì gbọ ewọ ni nọ wazọ́n sinsinyẹn bo nọ yí alọ etọn lẹ do wà azọ́n dagbe lẹ,+ na ewọ nido sọgan tindo nude nado má hẹ mẹhe to nuhudo mẹ.+ 29  Mì dike ohó gbigble de tọ́njẹgbonu sọn onù mìtọn mẹ blo,+ adavo nudepope he yọ́n na mẹjlọdote dile ninọmẹ de biọ do, na e nido sọgan wà dagbe na sisètọ lẹ.+ 30  Humọ, mì hẹn homẹgble* gbigbọ wiwe Jiwheyẹwhe tọn blo,+ ehe ko yin yíyí do dohiagona+ mì na azán he gbè mì na yin tuntundote gbọn ofligọ dali.+ 31  Mì gbọ adi sinsinyẹn,+ homẹgble, adánjijẹ, awhá po mẹzunzun wunmẹ lẹpo+ po ni dẹn do mì gọna nuylankan lẹpo.+ 32  Ṣigba, mì lẹzun homẹdagbenọ hlan ode awetọ bo gọ́ na awuvẹmẹ sisosiso+ bosọ nọ jona ode awetọ sọn ojlo mẹ wá kẹdẹdile Jiwheyẹwhe lọsu gbọn Klisti dali jona mì sọn ojlo mẹ wá do.+

Nudọnamẹ Odò Tọn

Kavi “mẹdezewhè.”
Kavi “azọ́npinplọn.”
Zẹẹmẹdo agun lọ [kavi “pipli blebu”] hodotọ Klisti tọn lẹ tọn.
Kavi “pọninọ.”
Kavi “bo whèwhín.”
Kavi “walọ he huwinyan.” Glẹki, asẹlgeia. Pọ́n Zẹm.
Kavi “huhlọn he nọ whàn ayiha mìtọn.” To paa mẹ, “gbigbọ ayiha mìtọn tọn.”
Kavi “mì natẹn Lẹgba blo.”
Kavi “awubla.”