Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Daniẹli 12:1-13

NUHE E BẸHẸN LẸ

  • “Ojlẹ opodo tọn” podọ to enẹgodo (1-13)

    • Mikaẹli na fọ́n (1)

    • Mẹhe tindo zinzin lẹ na sẹ́ (3)

    • Oyọnẹn nugbo na lẹzun susugege (4)

    • Daniẹli na fọ́n na mimá etọn (13)

12  “To ojlẹ enẹ mẹ, Mikaẹli*+ na fọ́n,* yèdọ ahọvi daho+ he ṣite do ota omẹ towe lẹ tọn* mẹ. Podọ ojlẹ ayimajai tọn de na wá aimẹ, ehe nkọ ma ko tin pọ́n sọn whenue gbọ́n akọta de ko wá aimẹ kakajẹ whenẹnu. To ojlẹ enẹ mẹ, omẹ towe lẹ nasọ họ̀ngán,+ yèdọ mẹdepope he yinkọ etọn yin kinkandai do owe lọ mẹ.+  Podọ susu mẹhe to amlọndọ to kọ́gudu aigba tọn mẹ lẹ tọn na fọ́n, mẹdelẹ na ogbẹ̀ madopodo bọ mẹdevo lẹ na vlẹko podọ na wangbẹna madopodo.  “Mẹhe tindo zinzin lẹ nasọ to sisẹ́ mlanmlan taidi dovlomẹ olọn tọn, podọ mẹhe to mẹsusu hẹnwa dodowiwa kọ̀n lẹ na sẹ́ taidi sunwhlẹvu lẹ kakadoi podọ doidoi.  “Na hiẹ tọn, Daniẹli, hẹn ohó lọ lẹ taidi aṣli de bo yí hiadonu do tlẹ́ owe lọ kakajẹ ojlẹ opodo tọn mẹ.+ Mẹsusu na dánpe,* oyọnẹn nugbo nasọ lẹzun susugege.”+  Enẹgodo yẹn, Daniẹli, pọ́n bo mọ angẹli awe devo lẹ ṣite to finẹ, dopo to awà tọ̀sisa lọ tọn ehe tó bọ awetọ to awà tọ̀sisa lọ tọn diẹ tó.+  Whenẹnu, dopo dọna dawe he do alavọ+ bo ṣite to osin tọ̀sisa lọ tọn ji dọmọ: “Nawẹ e na dẹnsọ whẹpo nujiawu ehelẹ nido wá opodo?”  Yẹn sọ sè dile dawe he do alavọ bo ṣite to osin tọ̀sisa lọ tọn ji ze adusilọ po amiyọnlọ etọn po daga hlan olọn bo whlé gbọn Mẹlọ he togbẹ̀ kakadoi+ dali dọmọ: “E na yin na ojlẹ dide de, ojlẹ dide lẹ po odaa ojlẹ de tọn po.* Tlolo he gbigbà do flinflin huhlọn omẹ wiwe lẹ tọn na doalọte,+ onú ehe lẹpo na yin tadona.”  Todin n’sè, ṣigba n’ma mọnukunnujẹemẹ;+ enẹwutu n’dọmọ: “Oklunọ ṣie E, etẹwẹ na yin kọdetọn onú ehelẹ tọn?”  Whenẹnu, e dọmọ: “Yì, Daniẹli, na ohó lọ lẹ dona yin hinhẹn taidi aṣli bo yin hiadonu yí do tlẹ́ kakajẹ ojlẹ opodo tọn mẹ.+ 10  Mẹsusu na klọ́ yede wé bo hẹn yede zun wewe bosọ yin whiwhlepọn.+ Mẹylankan lẹ nasọ yinuwa po kanyinylan po, podọ depope to mẹylankan lẹ mẹ ma na mọnukunnujẹemẹ; ṣigba mẹhe tindo zinzin lẹ na mọnukunnujẹemẹ.+ 11  “Podọ sọn ojlẹ he mẹ avọ́nunina gbesisọ mẹ tọn* lọ+ na ko yin didesẹ bọ awuhiọnu he nọ hẹn vọjijẹ wá lọ na ko yin didoai,+ azán 1 290 wẹ na juwayi. 12  “Ayajẹnọ wẹ mẹhe hẹn todido etọn go* kakajẹ vivọnu azán 1 335 lọ lẹ tọn! 13  “Ṣigba na hiẹ tọn, zindonukọn kakajẹ opodo. Hiẹ na gbọjẹ, ṣigba a na fọ́n na mimá towe* to opodo azán lẹ tọn.”+

Nudọnamẹ Odò Tọn

Zẹẹmẹdo “Mẹnu Wẹ Taidi Jiwheyẹwhe?”
Kavi “fọnṣite.”
To paa mẹ, “visunnu omẹ towe lẹ tọn.”
Kavi “gbadopọnna ẹn [enẹ wẹ, owe lọ] po sọwhiwhe po.”
Enẹ wẹ, ojlẹ atọ̀n daa.
Kavi “avọ́sinsan tẹgbẹ tọn.”
Kavi “mẹhe yí jejejininọ do nọte.”
Kavi “fọ́n to fihe yin mimá na we.”