Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Daniẹli 11:1-45

NUHE E BẸHẸN LẸ

  • Ahọlu Pẹlsia tọn po Glẹki po tọn (1-4)

  • Ahọlu hùwaji tọn po agewaji tọn po (5-45)

    • Azọ́ngán de na fọ́n (20)

    • Nukọntọ alẹnu lọ tọn yin winwẹ́n (22)

    • Yẹwhe fibẹtado tọn yin gigopana (38)

    • Ahọlu hùwaji tọn po agewaji tọn po na sisẹ́ yede (40)

    • Linlin he hẹnmẹ biọ bẹwlu mẹ lẹ sọn whèzẹtẹn po agewaji po (44)

11  “Na yẹn tọn, to owhe tintan gandudu Daliusi+ Medianu lọ tọn mẹ, yẹn fọ́n nado hẹn ẹn lodo bo na ẹn huhlọn.*  Nugbo wẹ nuhe n’jlo na dọna we todin: “Pọ́n! Ahọlu atọ̀n devo lẹ na gbẹ́ fọ́n* to aigba Pẹlsia tọn ji bọ ẹnẹtọ na bẹ adọkun susu pli hú dehe pò lẹpo. Podọ to whenue e na ko lẹzun huhlọnnọ gbọn adọkun etọn lẹ gblamẹ, e na fọ́n mẹlẹpo dote sọta Ahọluduta Glẹki tọn.+  “Podọ ahọlu huhlọnnọ de na fọ́n bo na yí huhlọn daho do paṣẹ+ bo nasọ nọ yinuwa dile e jlo e do.  Ṣigba, to finfọn etọn godo, ahọluduta etọn na yin winwẹ́n sẹ̀ bo na yin mimá hlan jẹhọn ẹnẹ olọn tọn lẹ,+ ṣigba e ma na yin na kúnkan* etọn lẹ podọ e ma na yin po huhlọn he nkọ ewọ yí do paṣẹ po; na ahọluduta etọn na yin hinhọ̀nsẹ bo na yin jijo na mẹdevo lẹ.  “Ahọlu hùwaji tọn, enẹ wẹ dopo to ahọvi etọn lẹ mẹ, nasọ lẹzun huhlọnnọ; ṣigba devo na duto e* ji bo na yí huhlọn daho do paṣẹ, yèdọ huhlọn he na hú aṣẹpipa ewọ* tọn.  “To owhe delẹ godo, yé na basi gbekọndopọ de bọ viyọnnu ahọlu hùwaji tọn na wá ahọlu agewaji tọn dè, na yé nido basi tito de dopọ.* Ṣigba, viyọnnu lọ ma na tindo huhlọn de ba; podọ ahọlu lọ lọsu ma na nọte, amọ́ e na hẹn huhlọn etọn bu; viyọnnu lọ nasọ yin zizejo, yèdọ ewọ po mẹhe plan ẹn wá lẹ po gọna mẹhe ji i po mẹhe to huhlọnna ẹn to ojlẹ enẹ mẹ lẹ po.  Podọ mẹde he na tọ́nkun sọn adọ̀ etọn lẹ mẹ wẹ na fọ́n to otẹn etọn mẹ bo na wá awhànpa lọ dè bo nasọ tọ́nawhàn fibẹtado ahọlu agewaji tọn lọ tọn bo nasọ yinuwa sọta ẹ bo na duto e ji.  Humọ, e na bẹ yẹwhe yetọn lẹ, boṣiọ kinkọ̀n yetọn lẹ, nuyizan họakuẹ sika po fataka po tọn yetọn lẹ gọna kanlinmọ lẹ lẹkọyi Egipti. Na owhe delẹ, e na nọla pete na ahọlu agewaji tọn,  mẹhe na diọnukunsọ ahọluduta ahọlu hùwaji tọn, ṣigba e na lẹkọyi aigba etọn titi ji to godo mẹ. 10  “Na nuhe dù visunnu etọn lẹ, yé na wleawudaina awhàn bo na bẹ awhànpa huhlọnnọ susugege de pli. E na dlí yinukọn bo na zà nulẹpo sẹ̀ taidi singigọ de. Ṣigba, e na lẹkọyi godo bo na to awhànfun kaka e nado jẹ fibẹtado etọn. 11  “Adi nasọ do ahọlu hùwaji tọn bọ e na tọ́nyi bo hoavùn hẹ ẹ, enẹ wẹ, hẹ ahọlu agewaji tọn; e nasọ bẹ gbẹtọgun daho de pli, ṣigba gbẹtọgun lọ na yin jijodo alọ ewọ* tọn mẹ. 12  Gbẹtọgun lọ nasọ yin bibẹ sọyi. Ahun etọn nasọ yin zizedaga bọ ewọ na hẹn omẹ fọtọ́n donu ao lẹ nado jai; ṣigba e ma na yí otẹn huhlọnnọ etọn zan gba. 13  “Ahọlu agewaji tọn nasọ lẹkọwa bo bẹ gbẹtọgun susugege pli hú tintan whenu tọn; podọ to vivọnu ojlẹ lọ lẹ tọn, yèdọ to owhe delẹ godo, e họnwun dọ e na wá po awhànpa daho de po gọna nutindo susu lẹ. 14  Mẹsusu wẹ na fọ́n do ahọlu hùwaji tọn ji to ojlẹ enẹlẹ mẹ. “Podọ danuwatọ* he tin to omẹ towe lẹ mẹ lẹ na yin pinplan hẹn godo nado tẹnpọn bo hẹn numimọ de ṣẹ; ṣigba yé na dahli. 15  “Ahọlu agewaji tọn nasọ wá bo na wleawuna osla de sọta tòdaho gángán de bo nasọ yí i. Podọ awà* hùwaji tọn lẹ ma na nọte, mọ sunnu ṣinṣinyan etọn lẹ lọsu ma na nọte; yé ma nasọ tindo huhlọn nado nọte. 16  Mẹhe* na wá e ji lọ na basi dile e jlo e do bọ mẹdepope ma na nọte to nukọnna ẹn. Ewọ na ṣite to aigba Gigonọ* lọ+ ji bọ nugopipe nuvasudo tọn na tin to alọ etọn mẹ. 17  Ewọ na ze nukun etọn daga* nado wá po huhlọn ahọluduta etọn tọn pete po bo na wá e dè po hogbe gbekọndopọ tọn lẹ po;* ewọ nasọ yinuwa po kọdetọn dagbe po. Na nuhe dù viyọnnu yọnnu lẹ tọn, dotẹnmẹ na yin nina ẹn nado hù viyọnnu lọ sudo. Podọ viyọnnu lọ ma na nọte, e ma nasọ zindonukọn nado yin ewọ tọn. 18  E na lilẹ́ nukunmẹ etọn pànta lẹdo he to huto lẹ bo na yí fisusu. Podọ awhàngán de na hẹnalọdotena vlẹko he e ko hẹnwa e ji, bọ vlẹko etọn ma na tin ba. E na hẹn ẹn lẹkọwa omẹ enẹ ji. 19  Enẹgodo, e na lilẹ́ nukunmẹ etọn pànta fibẹtado he to aigba etọn titi ji lẹ, e nasọ dahli bo jai bo ma nasọ yin mimọ ba. 20  “Mẹde nasọ fọnṣite to otẹn etọn mẹ bo na nọ hẹn tòkuẹ-ṣinyantọ* de nado jugbọn ahọluduta whanpẹnọ lọ mẹ, ṣigba e na yin winwẹ́n sẹ̀ to azán vude gblamẹ, amọ́ e ma na yin gbọn homẹgble kavi awhànfunfun dali. 21  “Podọ mẹhe na yin vivlẹko* de na fọ́n to otẹn etọn mẹ, bọ yé ma na na ẹn gigo daho ahọluduta lọ tọn; ewọ nasọ wá to ojlẹ hihọ́ tọn de mẹ* bo na yí ahọluduta lọ gbọn ohó vivi* didọ dali. 22  Awà* lọ lẹ he taidi singigọ nasọ yin zizasẹ, na ewọ tọn wutu, bọ yé na yin winwẹ́n sẹ̀; Nukọntọ+ alẹnu lọ tọn+ lọsu na yin winwẹ́n sẹ̀ ga. 23  Podọ na alẹnu yetọn hẹ ẹ wutu, ewọ na yí oklọ zan bo na fọ́n bosọ lẹzun huhlọnnọ gbọn akọta pẹvi de gblamẹ. 24  To ojlẹ hihọ́ tọn de mẹ,* ewọ na wá adà agbegbe* lọ tọn he yin adọkunnọ hugan* lẹ ji bo na wà nuhe otọ́ etọn po otọ́ yetọn lẹ po ma ko wà pọ́n. Ewọ na má ogblànnu lẹ, nutindo lẹ po adọkunnu lẹ po na yé; e nasọ kàn ayiha gigẹdẹ etọn lẹ sọta figángán lẹ, ṣigba e na yin na ojlẹ gli de poun. 25  “Ewọ nasọ wleawuna huhlọn etọn po ahun etọn po sọta ahọlu hùwaji tọn po awhànpa daho de po, bọ ahọlu hùwaji tọn na bẹ awhànpa he sù tlala bo yin huhlọnnọ de pli nado wleawudaina awhàn lọ. E ma nasọ nọte, na yé na kàn ayiha gigẹdẹ lẹ sọta ẹ wutu. 26  Mẹhe nọ dù núdùdù dojó etọn lẹ wẹ nasọ hẹn aijijẹ etọn wá. “Na nuhe dù awhànpa etọn, e na yin zizasẹ* bọ susu to yé mẹ na yin hùhù. 27  “Na nuhe dù ahọlu awe ehelẹ, ahun yetọn na whàn yé nado nọ wà nuhe ylan, bọ yé na sinai to tafo dopolọ kọ̀n bo na to lalodo na ode awetọ. Ṣigba, nudepope ma na tindo kọdetọn dagbe, na ojlẹ dide opodo lọ tọn ma ko wá wutu.+ 28  “Ewọ nasọ lẹkọyi aigba etọn ji po adọkunnu susugege po, bọ ahun etọn na tin jẹagọdo alẹnu wiwe lọ. E na yinuwa po kọdetọn dagbe po bo na lẹkọyi aigba etọn ji. 29  “Whenue ojlẹ dide lọ na wá, e na lẹkọwa bo na tọ́nawhàn ahọlu hùwaji tọn. Ṣigba, ehe ma na di dai tọn gba, 30  na tọjihun Kitimi+ tọn lẹ na wá tọ́nawhàn ẹn bo na whiwhẹ ẹ. “Ewọ nasọ lẹkọyi bo hẹn whẹgbledomẹ lẹ wá* alẹnu wiwe lọ ji+ bo na yinuwa po kọdetọn dagbe po; podọ e na lẹkọyi bo na lẹ́ ayidonugo hlan mẹhe to alẹnu wiwe lọ jodo lẹ. 31  Awà* lẹ nasọ fọ́n, yèdọ sọn ewọ go; yé nasọ hẹn fiwiwe lọ+ po fibẹtado lọ po flu bo na de avọ́nunina gbesisọ mẹ tọn* lọ sẹ̀.+ “Humọ, yé na ze awuhiọnu he nọ hẹn vọjijẹ wá lọ dai.+ 32  “Ewọ nasọ yí ohó vivi lẹ didọ* do dọ̀n mẹhe nọ gbọn kanyinylan dali yinuwa sọta alẹnu lọ lẹ biọ atẹṣiṣi mẹ. Ṣigba, mẹhe yọ́n Jiwheyẹwhe yetọn lẹ na duto e ji bo na yinuwa po kọdetọn dagbe po. 33  Podọ mẹhe tindo zinzin+ to gbẹtọ lẹ ṣẹnṣẹn lẹ na nọ hẹn mẹsusu tindo nukunnumọjẹnumẹ. Yé nasọ nọ yin hinhẹn nado dahli gbọn ohí, miyọ́n, kanlinmọgbenu-ninọ po nutindo yetọn lẹ bibẹ yì gánnugánnu po gblamẹ, na ojlẹ de. 34  Ṣigba, whenue yé na ko yin hinhẹn dahli, alọgọ vude na yin nina yé; mẹsusu nasọ wá kọnawudopọ hẹ yé gbọn ohó vivi didọ* dali. 35  Podọ delẹ to mẹhe tindo zinzin lẹ mẹ na yin hinhẹn dahli, na azọ́n klọ́we tọn de nido yin wiwà, na yewlẹ tọn wutu podọ nado basi klọ́we po hinhẹn zun wewe po+ kakajẹ ojlẹ opodo tọn mẹ; na ojlẹ dide lọ ma ko wá. 36  “Ahọlu lọ na to nuhe jlo e wà, ewọ nasọ nọ ze ede daga bo na nọ pagigona ede hú yẹwhe lẹpo; e nasọ nọ dọ nupaṣamẹ lẹ sọta Jiwheyẹwhe yẹwhe lẹ tọn.+ Podọ e na to kọdetọn dagbe tindo kakajẹ whenue whẹgbledomẹ lọ na wá vivọnu; na nuhe yè ko magbe etọn dona jọ. 37  Ewọ ma na tindo sisi depope na Jiwheyẹwhe otọ́ etọn lẹ tọn; mọ e ma na tindo sisi depope na ojlo yọnnu lẹ tọn kavi na yẹwhe devo depope, amọ́ e na to gigopana ede hú mẹdevo depope. 38  Ṣigba kakatimọ,* e na nọ na gigo yẹwhe fibẹtado lẹ tọn; ewọ na nọ yí sika, fataka, zannu họakuẹ lẹ po onú dagbedagbe* lẹ po do na gigo yẹwhe de he otọ́ etọn lẹ ma yọnẹn. 39  To pọmẹ hẹ yẹwhe jonọ de,* ewọ na nọ yinuwa po kọdetọn dagbe po sọta fibẹtado gángán he tindo jide hugan lẹ. E na nọ na gigo daho mẹhe kẹalọyi i* lẹ bo nasọ nọ hẹn yé nado dugán to mẹsusu ṣẹnṣẹn; e nasọ nọ kán* aigba namẹ bo yí akuẹ. 40  “To ojlẹ opodo tọn mẹ, ahọlu hùwaji tọn na jẹ sisẹsisẹ ẹ* ji podọ ahọlu agewaji tọn na doawhàn wá e ji po osọ́-kẹkẹ lẹ po gọna osọ́nọ lẹ po tọjihun susu po; ewọ* nasọ wá aigba lọ lẹ ji bo na zà nulẹpo sẹ̀ taidi singigọ de. 41  E nasọ wá aigba Gigonọ* lọ+ ji, bọ aigba susu na yin hinhẹn dahli. Ṣigba, akọta he na họ̀ngán sọn alọ etọn mẹ lẹ die: Edomi, Moabi po adà tangan Amọninu lẹ tọn po. 42  Ewọ nasọ zindonukọn nado to alọ etọn dlẹn sọta aigba lẹ; podọ na nuhe dù aigba Egipti tọn, e ma na họ̀ngán. 43  Ewọ nasọ dugán do adọkunnu whiwhla lẹ, sika, fataka po onú dagbedagbe* Egipti tọn lẹpo po ji. Podọ Libianu po Etiopianu lẹ po na tin to afọ etọn lẹ kọ̀n.* 44  “Ṣigba, linlin he wá sọn whèzẹtẹn podọ sọn agewaji lẹ na hẹn ẹn biọ bẹwlu mẹ bọ e na tọ́nyi po homẹgble daho de po nado husudo podọ nado và mẹsusu sudo mlẹnmlẹn. 45  Ewọ nasọ do họ̀nmẹ* etọn ai do ohù daho lọ po osó wiwe Gigonọ* lọ+ po ṣẹnṣẹn; podọ e na hẹn opodo ede tọn wá bọ alọgọtọ depope ma na tin na ẹn.

Nudọnamẹ Odò Tọn

Kavi “bo yinuwa taidi fibẹtado de na ẹn.”
Kavi “fọnṣite.”
Kavi “ovivi.”
Ehe na ko to alọdlẹndo ahọlu agewaji tọn.
Ehe na ko to alọdlẹndo ahọlu hùwaji tọn.
Kavi “basi gbekọndopọ de.”
Ehe na ko to alọdlẹndo ahọlu hùwaji tọn.
Kavi “visunnu jaguda lẹ tọn.”
Kavi “awhànpa.”
Ehe na ko to alọdlẹndo ahọlu agewaji tọn.
Kavi “Whanpẹnọ.”
Kavi “na magbe.”
Kavi “bo na basi gbekọndopọ de hẹ ẹ.”
Kavi “azọ́ngán.”
Kavi “aṣagbọ́nu.”
Kavi vlavo, “matin avase.”
Kavi “oklọ tọn.”
Kavi “Awhànpa.”
Kavi vlavo, “Matin avase.”
Kavi “agbegbe fidugando.”
To paa mẹ, “he dojó.”
Kavi “yin piplọ́ yì.”
Kavi “bo deanana homẹgble etọn sọta.”
Kavi “Awhànpa.”
Kavi “avọ́sinsan tẹgbẹ tọn.”
Kavi “pipà oklọ tọn; nugbomadọ.”
Kavi “pipà oklọ tọn; nugbomadọ.”
Kavi “to otẹn etọn mẹ.”
Kavi “họakuẹ.”
Kavi “Po alọgọ yẹwhe jonọ de tọn po.”
Kavi vlavo, “mẹdepope he ewọ kẹalọyi.”
Kavi “má.”
Kavi “jẹ azò sọ́ ẹ.”
Ehe na ko to alọdlẹndo ahọlu agewaji tọn.
Kavi “Whanpẹnọ.”
Kavi “họakuẹ.”
Kavi “na hodo e.”
Kavi “họ̀nmẹ gigonọ.”
Kavi “Whanpẹnọ.”