Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Daniẹli 10:1-21

NUHE E BẸHẸN LẸ

  • Wẹnsagun Jehovah tọn wá Daniẹli dè (1-21)

    • Mikaẹli gọalọna angẹli lọ (13)

10  To owhe atọ̀ntọ gandudu Ahọlu Kilusi+ Pẹlsia tọn mẹ, nude yin didehia Daniẹli, mẹhe nọ yin yiylọdọ Bẹlteṣazali;+ nugbo wẹ owẹ̀n lọ bo gando nudindọn sinsinyẹn de go. E sọ mọnukunnujẹ owẹ̀n lọ mẹ, nukunnumọjẹnumẹ sọ yin nina ẹn gando nuhe ewọ ko mọ lọ go.  To azán enẹlẹ gbè yẹn, Daniẹli, ko to aluẹmẹ+ na osẹ atọ̀n blebu.  N’ma dù núdùdù dojó depope, podọ olàn kavi ovẹn depope ma biọ onù ṣie mẹ, yẹn masọ sá amì depope do agbasa na osẹ atọ̀n blebu.  To azán 24tọ osun tintan tọn, dile yẹn to tọ̀sisa daho lọ, yèdọ Tiglis*+ tó,  n’pọ́n aga bo mọ dawe de he do alavọ+ bọ gbànnú sika he nọ yin mimọ to Ufazi tọn de tin to alinkàn na ẹn.  Agbasa etọn taidi klisọlite,+ nukunmẹ etọn to sisẹ́ taidi abì, nukun etọn lẹ taidi zòwhán he họ́n taun lẹ, awà po afọ etọn lẹ po taidi gànvẹẹ he yin kinkọ̀n+ bọ ogbè etọn taidi ogbè omẹ susugege tọn.  Yẹn, Daniẹli, kẹdẹ wẹ mọ numimọ lọ; dawe he topọ hẹ mi lẹ ma mọ numimọ lọ.+ Ṣigba, yé jẹ sisọsisọ ji bo họnyi bosọ whlá yede.  Enẹgodo, e pò yẹn kẹdẹ, podọ to whenue n’mọ numimọ daho ehe, huhlọn depope masọ pò to lanmẹ na mi ba bọ yẹn sọ kúṣiọ bo ba huhlọn pò pete.+  Whenẹnu wẹ n’sè bọ e to hodọ; ṣigba to whenue yẹn sè bọ e to hodọ, amlọn yìkànmẹ de yí mi dile n’gbẹ́ ṣinyọ́n nukunmẹ ai.+ 10  Ṣigba, alọ de jẹ go e+ bo húnhún mi nado fọnṣite do alọ po kligonu ṣie lẹ po ji. 11  Enẹgodo, e dọna mi dọmọ: “Daniẹli, hiẹ omẹ họakuẹ tlala* E,+ na ayidonugo ohó he yẹn jlo na dọna we lẹ. Todin, fọnṣite do otẹn towe mẹ na yẹn ko yin didohlan we.” Whenue e dọ ehe na mi, yẹn fọnṣite bo to sisọsisọ. 12  E sọ dọna mi dọmọ: “Daniẹli E, a dibu blo.+ Ohó towe lẹ ko yin sisè sọn azán tintan he gbè a ko wleawuna ahun towe nado mọnukunnujẹnumẹ podọ nado whiwhẹ dewe to Jiwheyẹwhe towe nukọn, bọ ohó towe lẹ wutu wẹ yẹn do wá.+ 13  Ṣigba, ahọvi+ fidugando ahọlu Pẹlsia tọn glọnalina mi na azán 21. Amọ́ Mikaẹli,*+ dopo to ahọvi he yin tọ́ntlọ́ngbọ́n* lẹ mẹ, wá gọalọna mi; yẹn sọ gbọṣi finẹ to ahọlu Pẹlsia tọn lẹ dè. 14  Yẹn ko wá nado hẹn we mọnukunnujẹ nuhe na jọ do omẹ towe lẹ go to azán godo tọn lẹ mẹ lọ mẹ,+ na numimọ lọ gando nuhe na jọ to sọgodo lẹ go.”+ 15  Todin, whenuena e dọ ohó ehelẹ na mi godo, yẹn dokọdò bo lẹzun unbọpẹnnọ. 16  To whenẹnu wẹ mẹde he awusọhia etọn taidi gbẹtọ de tọn doalọ nùflo ṣie lẹ go,+ yẹn sọ kẹnù bo dọna mẹhe ṣite to nukọn ṣie lọ dọmọ: “Oklunọ ṣie, numimọ lọ wutu wẹ yẹn do to sisọsisọ, yẹn masọ tindo huhlọn depope ba.+ 17  Enẹwutu, nawẹ devizọnwatọ oklunọ ṣie tọn sọgan dọho hẹ oklunọ ṣie gbọn?+ Na yẹn ma tindo huhlọn depope todin bọ gbọfufu depope masọ pò to ohò ṣie mẹ ba.”+ 18  Mẹlọ he awusọhia etọn taidi gbẹtọ de tọn doalọ go e whladopo dogọ bo na mi huhlọn.+ 19  Enẹgodo, e dọmọ: “A dibu blo,+ hiẹ omẹ họakuẹ tlala* E.+ Jijọho ni tin hlan we.+ Yin huhlọnnọ, mọwẹ, yin huhlọnnọ.” Dile e to hodọ hẹ mi, yẹn mọ huhlọn yí bo dọmọ: “Oklunọ ṣie ni dọho, na hiẹ ko na mi huhlọn wutu.” 20  Whenẹnu, e dọmọ: “Be hiẹ yọ́n nuhewutu yẹn do wá dè we ya? Todin, n’na lẹkọyi nado hoavùn hẹ ahọvi Pẹlsia tọn.+ To whenue yẹn na ko yì, ahọvi Glẹki tọn na wá. 21  Ṣigba, yẹn na dọ nuhe ko yin kinkandai do owe nugbo lọ tọn mẹ lẹ na we. Mẹdepope ma to godonọna mi gligli to onú ehelẹ mẹ adavo Mikaẹli,+ ahọvi towe.+

Nudọnamẹ Odò Tọn

To paa mẹ, “Hidekẹli.”
Kavi “mẹhe yè yiwanna taun; mẹhe yè nọ gbògbéna tlala.”
Zẹẹmẹdo “Mẹnu Wẹ Taidi Jiwheyẹwhe?”
Kavi “ahọvi he yin nukọntọ.”
Kavi “mẹhe yè yiwanna taun; mẹhe yè nọ gbògbéna tlala.”