Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Amọsi 9:1-15

NUHE E BẸHẸN LẸ

  • Yè ma gán dapana whẹdida Jiwheyẹwhe tọn lẹ (1-10)

  • Gòhọ Davidi tọn na yin zizedaga (11-15)

9  Yẹn mọ Jehovah+ ṣite to agbà lọ ji bọ e dọmọ: “Linú ota na dòtin lọ lẹ, na dodonu yetọn lẹ nido whàn. Sán ota yetọn liai, yẹn nasọ yí ohí do hù pipotọ godo tọn yetọn. Mẹdepope he na họ̀n ma na yì, podọ mẹdepope he tẹnpọn nado họ̀ngán ma na tindo kọdetọn dagbe.+   Eyin yé kùn odò bo biọ Yọdò* mẹ, Alọ ṣie na yì de yé tọ́n sọn finẹ; Eyin yé sọ hẹji yì olọn mẹ, Yẹn na dọ̀n yé sọn finẹ wá odò.   Eyin yé sọ whlá yede do aga osó Kalmẹli tọn, Yẹn na dín yé pé to finẹ bo na ze yé.+ Eyin yé yì hùzànmẹ nado whlá yede sọn nukun ṣie lẹ mẹ, Yẹn na degbena odàn nado hẹ̀nadu yé to finẹ.   Eyin kẹntọ yetọn lẹ tlẹ bẹ yé yì kanlinmọgbenu, Yẹn na degbena ohí to finẹ bọ e na hù yé;+ Yẹn na ze nukun ṣie lẹ do yé ji na oylan, kakati nido yin na dagbe.+   Na Oklunọ Nupojipetọ lọ, yèdọ Jehovah awhànpa lẹ tọn, wẹ yin Mẹlọ he doalọ aigba lọ go, Sọmọ bọ e yọ́+ bọ mẹhe nọ nọ̀ e ji lẹpo nasọ biọ aluẹmẹ;+ Aigba lọ pete nasọ fọ́n taidi Nile, Bo na họ́ wá odò taidi Nile Egipti tọn.+   ‘Mẹlọ he wleawuna pèkán etọn lẹ to olọn mẹ Bo do yé do aga na aigba; Mẹlọ he nọ ylọ osin hùmẹ tọn lẹ pli, Nado kọ̀n yé jẹgbonu do aigba nukunmẹ+ —Jehovah wẹ e nọ yin.’+   ‘Omẹ Islaeli tọn lẹ emi, be mìwlẹ ma taidi visunnu Kuṣinu lẹ tọn na mi wẹ ya?’ wẹ Jehovah dọ. ‘Be yẹn ma hẹn Islaeli hẹji jẹgbonu sọn aigba Egipti tọn ji,+ Bo hẹn Filistinu lẹ jẹgbonu sọn Klete,+ podọ Silia jẹgbonu sọn Kili ya?’+   ‘Pọ́n! Nukun Oklunọ Nupojipetọ Jehovah tọn lẹ tin to ahọluduta ylandonọ lọ ji, Ewọ nasọ sukúndona ẹn sọn nukunmẹ aigba lọ tọn ji.+ Ṣigba, yẹn ma na sukúndona owhé Jakọbu tọn mlẹnmlẹn,’+ wẹ Jehovah dọ.   ‘Na pọ́n! Yẹn to gbede, Yẹn nasọ whàn owhé Islaeli tọn to akọta lẹpo ṣẹnṣẹn,+ Kẹdẹdile yè nọ whàn nujànnú de do, Bọ zannu pẹvi dopo tata ma nọ flẹ jẹ kọmẹ. 10  Yé na kú gbọn ohí dali, yèdọ ylandonọ he to omẹ ṣie lẹ mẹ lẹpo, Yé mẹhe nọ to didọ dọ, “Nugbajẹmẹji ma na sẹpọ mí kavi wá mí ji.”’ 11  ‘To azán enẹ gbè, yẹn na ze gòhọ* Davidi tọn+ he to hihọ́ lọ ṣite, Yẹn na vọ́ fie zẹ̀ lọ lẹ jlado, Yẹn nasọ vọ́ gbakija etọn lẹ jlado; Yẹn na vọ́ ẹ gbá dile e te do to azán hoho tọn lẹ whenu,+ 12  Na yé nido yí pipotọ Edomi tọn taidi nutindo de,+ Gọna akọta he ko yin yiylọ gbọn oyín ṣie dali lẹpo,’ wẹ Jehovah, yèdọ mẹhe to ehe basi dọ. 13  ‘Pọ́n! Azán lẹ ja,’ wẹ Jehovah dọ, ‘Whenue mẹhe to aigba jlo na plá jibẹwawhétọ, Bọ mẹhe to ovẹn sinsẹ́n tùn na plá nudotọ;+ Podọ ovẹn he vivi na nọ kùn sọn osó lẹ mẹ,+ E nasọ nọ sà* gbọn okọ́ta lẹpo ji.+ 14  Yẹn na gọ̀ omẹ ṣie Islaelivi he yì kanlinmọgbenu lẹ bẹpli,+ Podọ yé na vọ́ tòdaho he jẹvọ́ lẹ gbá bo na nọ nọ̀ yé mẹ;+ Yé na nọ do vẹngle lẹ bo nasọ nọ nù ovẹn yetọn,+ Yé na nọ wleawuna jipa lẹ bosọ nọ dù sinsẹ́n yetọn.’+ 15  ‘Yẹn na do yé do aigba yetọn ji, Yé ma nasọ yin hinhọ̀n sẹ̀ gbede ba Sọn aigba yetọn he yẹn ko na yé lọ ji,’+ wẹ Jehovah Jiwheyẹwhe mìtọn dọ.”

Nudọnamẹ Odò Tọn

Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “azava.”
To paa mẹ, “nọ yọ́.”