Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Amọsi 4:1-13

NUHE E BẸHẸN LẸ

  • Owẹ̀n de sọta oyìnsi Baṣani tọn lẹ (1-3)

  • Jehovah vlẹ sinsẹ̀n-bibasi lalo Islaeli tọn kò (4, 5)

  • Islaeli gbẹ́ nado kẹalọyi mẹplọnlọ (6-13)

    • “Wleawufo nado pé Jiwheyẹwhe towe” (12)

    • ‘Jiwheyẹwhe nọ dọ linlẹn etọn lẹ na gbẹtọ’ (13)

4  “Mì sè ohó ehe, mì oyìnsi Baṣani tọn lẹ emi, He tin to osó Samalia tọn ji,+ Mì yọnnu he to agbátọnọ hòdu+ bo to wamọnọ gídí lẹ, He nọ dọna asu* yetọn lẹ dọ, ‘Mì hẹn nude wá na mí nado nù!’   Oklunọ Nupojipetọ Jehovah ko whlé gbọn wiwe-yinyin etọn dali dọ, ‘“Mì pọ́n! Azán lẹ ja na mì, whenue ewọ na yí omlẹn kanlin-hùtọ lẹ tọn do ze mì daga Bo na yí omlẹn whèhuhu tọn do ze pipotọ mìtọn daga.   Mì na tọ́nyi gbọn fie adó zẹ̀ te lẹ, yèdọ mẹdopodopo gbọn fie to nukọn etọn tlọlọ; Mì nasọ yin zizedlan Halmọni,” wẹ Jehovah dọ.’   ‘Mì wá Bẹtẹli bo gbàsẹ́n,*+ Mì sọ wá Gilgali bo tlẹ sọ gbàsẹ́n susu humọ!+ Mì hẹn avọ́sinsan mìtọn lẹ wá+ to afọnnu, Bo hẹn mado-ao mìtọn lẹ wá+ to azán atọ̀ntọ gbè.   Mì mẹ̀ akla he mẹ otọ́n te nado basi avọ́sinsan pẹdido tọn;+ Mì lá avọ́nunina sọn ojlo mẹ wá mìtọn po ogbè lélé po! Na nuhe mì yiwanna nado nọ wà niyẹn, mì omẹ Islaeli tọn lẹ emi,’ wẹ Oklunọ Nupojipetọ Jehovah dọ.   ‘Podọ na yẹn tọn, n’do huvẹ na mì* to tòdaho mìtọn lẹpo mẹ Bosọ hẹn núdùdù nado hán to owhé mìtọn lẹpo gbè;+ Ṣogan, mì ma lẹkọwa dè e,’+ wẹ Jehovah dọ.   ‘Yẹn sọ hẹn jikun ma nado ja na osun atọ̀n jẹnukọnna jibẹwawhé;+ Yẹn nọ ja jikun do tòdaho de ji bo ma nọ wàmọ do tòdaho diẹ ji. Jikun nọ ja do ogle de ji, Ṣigba, ogle diẹ he ji jikun ma ja do lọ nọ hú.   Mẹhe nọ nọ̀ tòdaho awe kavi atọ̀n mẹ lẹ nọ to sàmù yì tòdaho de mẹ nado nùsin,+ Ṣigba, yé ma nọ mọ osin nù pekọ; Etomọṣo, mì ma lẹkọwa dè e,’+ wẹ Jehovah dọ.   ‘Yẹn yí akúdido po azọ̀n jinukun tọn po do hò mì.+ Mì hẹn jipa po vẹngle mìtọn lẹ po sudeji, Ṣigba, owẹ̀n lẹ wẹ nọ dù ovòtin po atin olivie tọn mìtọn lẹ po;+ Ṣogan, mì ma lẹkọwa dè e janwẹ,’+ wẹ Jehovah dọ. 10  ‘Yẹn do azọ̀nylankan he taidi Egipti tọn hlan ṣẹnṣẹn mìtọn.+ Yẹn yí ohí do hù jọja sunnu mìtọn lẹ+ bo wle osọ́ mìtọn lẹ.+ Yẹn hẹn owán ylankan he to osla mìtọn lẹ mẹ nado biọ awọntinslo mìtọn lẹ mẹ;+ Ṣogan, mì ma lẹkọwa dè e,’ wẹ Jehovah dọ. 11  ‘Yẹn hẹn aijijẹ de wá ṣẹnṣẹn mìtọn Taidi aijijẹ he Jiwheyẹwhe hẹnwa Sodọmi po Gomọla po ji.+ Mì sọ taidi nake he yin dindọn sọn miyọ́n mẹ; Ṣogan, mì ma lẹkọwa dè e,’+ wẹ Jehovah dọ. 12  Enẹwutu, Islaeli E, nuhe yẹn na wà na we niyẹn. Na ehe wẹ yẹn na wà na we wutu, Wleawufo nado pé Jiwheyẹwhe towe, hiẹ Islaeli E. 13  Na pọ́n! ewọ wẹ Mẹlọ he basi osó+ lẹ bo dá jẹhọn;+ E nọ dọ linlẹn Etọn lẹ na gbẹtọ, E nọ hẹn zinvlu do to afọnnu fuu,+ E sọ nọ zinzọnlin gbọn ofi yiaga aigba tọn lẹ ji;+ Jehovah Jiwheyẹwhe awhànpa lẹ tọn wẹ e nọ yin.”

Nudọnamẹ Odò Tọn

Kavi “klunọ.”
Kavi “ṣiatẹ.”
To paa mẹ, “n’klọ́ núdùdù sọn adú mìtọn lẹ ji.”