Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Amọsi 2:1-16

NUHE E BẸHẸN LẸ

  • Whẹdida na gufinfọn pludopludo (1-16)

2  “Nuhe Jehovah dọ die, ‘“Na gufinfọn* Moabi tọn atọ̀n wutu,+ podọ na gufinfọn ẹnẹ wutu, yẹn ma na gọ̀ alọ ṣie dogodo, Na e fiọ ohú ahọlu Edomi tọn lẹ nado basi osẹ̀n wewe.   Enẹwutu, n’na do miyọ́n de hlan Moabi, bọ e na fiọ atọ̀họ̀ gángán Keliọti tọn lẹ;+ Moabi na kú to zingidi de mẹ, Po awhágbe awhàn tọn de po, po nudidọ azò de tọn po.+   Yẹn na de gandutọ* lọ sẹ̀ sọn ṣẹnṣẹn etọn Bo na hù ahọvi etọn lẹpo to pọmẹ hẹ ẹ,”+ wẹ Jehovah dọ.’   Nuhe Jehovah dọ die, ‘Na gufinfọn Juda tọn atọ̀n wutu,+ podọ na gufinfọn ẹnẹ wutu, yẹn ma na gọ̀ alọ ṣie dogodo, Na yé gbẹ́ osẹ́n* Jehovah tọn dai, Podọ na yé ma setonuna aṣẹdai etọn lẹ wutu;+ Ṣigba, lalo dopolọ lẹ he tọgbo yetọn lẹ hodo ko hẹn yé danbú.+   Enẹwutu, n’na do miyọ́n de hlan Juda, Bọ e na fiọ atọ̀họ̀ gángán Jelusalẹm tọn lẹ.’+   Nuhe Jehovah dọ die, ‘Na gufinfọn Islaeli tọn atọ̀n wutu,+ podọ na gufinfọn ẹnẹ wutu, yẹn ma na gọ̀ alọ ṣie dogodo, Na yé nọ sà dodonọ na fataka, Bosọ nọ sà wamọnọ na afọpa afọ awe lẹ tọn wutu.+   Yé nọ zín ota agbátọnọ lẹ tọn do kọ́gudu aigba tọn mẹ,+ Podọ yé nọ glọnalina homẹmimiọnnọ.+ Sunnu de po otọ́ etọn po nọ zanhẹ viyọnnu dopolọ, Bo nọ to oyín wiwe ṣie hẹnflu.   Yé nọ litai do apá na agbà depope+ to awù he yé hòyí taidi afàsúnú lẹ ji;+ Podọ ovẹn he yé yí sọn mẹhe yé gbò akuẹ na lẹ si wẹ yé nọ nù to ohọ̀* yẹwhe yetọn lẹ tọn mẹ.’   ‘Ṣigba, yẹn wẹ sukúndona Amolinu lọ sọn nukọn yetọn,+ Yèdọ mẹhe dite sọ atin kedali tọn lẹ bosọ dohuhlọn sọ atin oaki tọn lẹ; N’và sinsẹ́n etọn sudo to aga bosọ và adọ̀ etọn lẹ sudo to odò glọ.+ 10  Yẹn hẹn mì hẹji jẹgbonu sọn aigba Egipti tọn ji,+ Yẹn sọ hẹn mì zinzọnlin gbọn danfafa ji na owhe 40,+ Na mì nido yí aigba Amolinu lọ tọn taidi nutindo de. 11  Yẹn de delẹ to visunnu mìtọn lẹ mẹ taidi yẹwhegán lẹ+ Podọ delẹ to jọja sunnu mìtọn lẹ mẹ taidi Nazili lẹ.+ Omẹ Islaeli tọn lẹ emi, be e ma yin mọ wẹ ya?’ wẹ Jehovah dọ. 12  ‘Ṣigba, mìwlẹ zindonukọn bo to ovẹn na Nazili lẹ nado nù,+ Mì sọ nọ degbena yẹwhegán lẹ dọmọ: “Mì ma hà bo dọ dọdai.”+ 13  Enẹwutu, n’na gídí mì to otẹn mìtọn mẹ, Kẹdẹdile agbàn-kẹkẹ he mẹ jinukun he yin sinsánliai gọ́ de nọ gídí nuhe to oglọ na ẹn do. 14  Mẹhe yin awuyatọ ma na mọ fide nado họnyi,+ Huhlọnnọ ma na hẹn huhlọn etọn go, Awhànfuntọ depope ma nasọ whlẹn ogbẹ̀* ede tọn gán. 15  Ogádetọ ma na nọtegli, Mẹhe nọ họ̀nwezun po awuyiya po ma nasọ họ̀ngán, Podọ osọ́-kùntọ ma na whlẹn ogbẹ̀* ede tọn gán. 16  Mẹhe tlẹ yin adọgbotọ hugan* to awhànfuntọ lẹ mẹ Na zọ̀n omẹ́ do họ̀n to azán enẹ gbè,’+ wẹ Jehovah dọ.”

Nudọnamẹ Odò Tọn

Kavi “sẹ́nhẹngba.”
To paa mẹ, “whẹdatọ.”
Kavi “anademẹ.”
Kavi “tẹmpli.”
Kavi “alindọn.”
Kavi “alindọn.”
Kavi “Mẹhe ahun yetọn tlẹ sinyẹn.”