Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

3 Johanu 1:1-14

NUHE E BẸHẸN LẸ

  • Nudọdomẹ po odẹ̀ po (1-4)

  • Gaiu yin pipà (5-8)

  • Diotlefe goyitọ lọ  (9, 10)

  • Kunnudide dagbe gando Demetliu go (11, 12)

  • Tito nado basi dlapọn podọ nudọdomẹ lẹ (13, 14)

 Yẹn sunnu mẹhomẹ* lọ, to wekanhlan Gaiu, mẹyiwanna lọ, he yẹn yiwanna nugbonugbo.  Mẹyiwanna, yẹn nọ hodẹ̀ dọ to nulẹpo mẹ, hiẹ ni tin to ninọmẹ dagbe mẹ zọnmii bosọ tindo agbasalilo dagbe, kẹdẹdile hiẹ* tin to ninọmẹ dagbe mẹ todin do.  Na yẹn jaya tlala to whenue mẹmẹsunnu lẹ wá bo dekunnu gando lehe hiẹ to nugbo lọ hẹn do go, dile hiẹ to zọnlinzin zọnmii to nugbo lọ mẹ.+  Yẹn ma tindo ayajẹ de he* hú ehe: dọ yẹn ni sè dọ ovi ṣie lẹ to zọnlinzin zọnmii to nugbo lọ mẹ.+  Mẹyiwanna, hiẹ nọ do nugbonọ-yinyin hia to nuhe hiẹ to wiwà na mẹmẹsunnu lẹ mẹ, mahopọnna dọ jonọ wẹ yé yin na we.+  Yé ko dekunnu owanyi towe tọn to agun lọ nukọn. Jaale, do yé hlan fie yé jei to aliho he jẹ to Jiwheyẹwhe nukunmẹ de mẹ.+  Na oyín etọn wutu wẹ yé do tọ́nyi, bo ma yí nudepope+ sọn omẹ akọta lẹ tọn si.  Enẹwutu, míwlẹ tin to dandannu glọ nado do gbigbọ johẹmẹ tọn hia omẹ mọnkọtọn lẹ,+ na mí nido lẹzun azọ́nwatọ hatọ lẹ to nugbo mẹ.+  Yẹn kàn owe de hlan agun lọ, ṣigba Diotlefe, he nọ jlo nado tin to otẹn tintan mẹ to ṣẹnṣẹn yetọn,+ ma nọ kẹalọyi nudepope sọn mí dè po sisi po.+ 10  Enẹ wẹ zọ́n bọ, eyin n’wá, n’na dọ̀n ayidonugo wá azọ́n etọn he e to wiwà lẹ ji, yèdọ ohó mẹhẹngble tọn he e to hinhẹn gbayipe* gando mí go lẹ.+ Ehelẹ masọ pé e, e nọ gbẹ́ nado yí mẹmẹsunnu+ lẹ po sisi po; mẹhe sọ jlo na yí yé lẹ, e nọ tẹnpọn nado glọnalina yé podọ nado yàn yé jẹgbonu sọn agun lọ mẹ 11  Mẹyiwanna, ma hodo apajlẹ nuhe yin oylan tọn blo, ṣigba nọ hodo apajlẹ nuhe yin dagbe tọn.+ Mẹhe nọ wà dagbe wá sọn Jiwheyẹwhe dè.+ Mẹhe nọ wà oylan ma ko mọ Jiwheyẹwhe.+ 12  Ṣigba, yemẹpo gọna nugbo lọ lọsu wẹ ko dekunnu dagbe gando Demetliu go. Na nugbo tọn, mílọsu ga to kunnude gando ewọ go, podọ hiẹ yọnẹn dọ nugbo wẹ kunnudide mítọn. 13  Yẹn tindo nususu nado kàn hlan we, amọ́ n’ma jlo nado to wekanhlan we zọnmii gbọn wekantin po wesin po yiyizan dali. 14  Ṣigba, n’to linlẹn nado mọ we to madẹnmẹ, bọ mí na dọho nukun sọ nukun. Jijọho ni tin hlan we. Họntọn lẹ yí nudọdomẹ yetọn hlan we. Dọnudo họntọn lẹ dopodopo na mi gbọn yinkọ dali.

Nudọnamẹ Odò Tọn

Kavi “Yẹn mẹho.”
Kavi “alindọn towe.”
Kavi vlavo, “nudevo de he wutu n’na dopẹ́.”
To paa mẹ, ohó ylankan he e to fúnfún pé.”