Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Samuẹli 8:1-18

NUHE E BẸHẸN LẸ

  • Awhàngbigba Davidi tọn lẹ (1-14)

  • Mẹhe gandudu Davidi tọn bẹhẹn lẹ (15-18)

8  To ojlẹ vude godo, Davidi gbawhàn Filistinu lẹ tọn+ bo hẹn yé zun mẹmẹglọ,+ Davidi sọ yí Mẹtẹgi-ama sọn alọ Filistinu lẹ tọn mẹ.  E gbawhàn Moabinu lẹ tọn+ bo hẹn yé nado mlọn kọmẹ bosọ tá okàn do yé ji nado jlẹ yé. E jlẹ nujlẹkàn awe sọn yé mẹ nado yin hùhù, podọ nujlẹkàn pipé dopo nado yin pipò dogbẹ̀.+ Moabinu lẹ sọ lẹzun devizọnwatọ Davidi tọn lẹ bo nọ hẹn takuẹ wá.+  Davidi gbawhàn Hadadezẹli visunnu Lehobi tọn he yin ahọlu Zoba+ tọn dile ewọ to aliji jei nado yì gọ̀ aṣẹpipa etọn yí to Tọ̀sisa Euflate kọ̀n.+  Davidi wle osọ́nọ 1 700 po awhànfuntọ he nọ zọ̀n afọ 20 000 po sọn omẹ etọn lẹ mẹ. Enẹgodo, osọ́ he nọ dọ̀n osọ́-kẹkẹ lẹpo wẹ Davidi sán dọ̀nklanmẹ na, adavo 100.+  Whenue Silianu he to Damasku+ lẹ wá nado gọalọna Ahọlu Hadadezẹli Zoba tọn, Davidi hù omẹ 22 000 sọn Silianu lọ lẹ mẹ.+  Davidi sọ do awhànfun-gbẹ́ delẹ ai do Silia Damasku tọn, bọ Silianu lẹ lẹzun devizọnwatọ Davidi tọn lẹ bo nọ hẹn takuẹ wá. Jehovah sọ nọ hẹn Davidi nado gbawhàn* to fidepope he e yì.+  Humọ, Davidi yí awọ̀yinu sika tọn loboto lẹ sọn devizọnwatọ Hadadezẹli tọn lẹ si bo hẹn yé wá Jelusalẹm.+  Ahọlu Davidi sọ bẹ gànvẹẹ susugege sọn Bẹta po Bẹlotai po, yèdọ tòdaho Hadadezẹli tọn lẹ.  Todin, Ahọlu Tọi Hamati+ tọn sè dọ Davidi ko gbawhàn awhànpa Hadadezẹli tọn lẹpo tọn.+ 10  Enẹwutu, Tọi do visunnu etọn Jolami hlan Ahọlu Davidi nado kàn dagbemẹninọ etọn biọ podọ nado pà ẹ na e ko hoavùn hẹ Hadadezẹli bo gbawhàn etọn wutu (na Hadadezẹli nọ saba hoavùn hẹ Tọi dai), visunnu lọ sọ hẹn núzinzan fataka, sika po gànvẹẹ po tọn lẹ wá. 11  Ahọlu Davidi klan onú ehelẹ do wiwe hlan Jehovah, kẹdẹdile e ko klan fataka po sika po he e bẹ sọn akọta he e ko hẹn zun mẹmẹglọ lẹpo mẹ do wiwe do:+ 12  yèdọ sọn Silia po Moabi+ po, sọn Amọninu lẹ, Filistinu lẹ+ po Amalẹkinu lẹ+ po si, podọ sọn ogblànnu Hadadezẹli+ visunnu Lehobi tọn he yin ahọlu Zoba tọn mẹ. 13  Davidi sọ basi oyín de na ede to whenue e ko hù Edominu 18 000 to Agbàdo Ojẹ̀ tọn mẹ bo lẹkọ godo.+ 14  E do awhànfun-gbẹ́ delẹ ai do Edomi. Filẹpo wẹ e do awhànfun-gbẹ́ lẹ ai gbọn to Edomi, bọ Edominu lẹpo lẹzun devizọnwatọ Davidi tọn lẹ.+ Jehovah sọ nọ hẹn Davidi nado gbawhàn* to fidepope he e yì.+ 15  Davidi zindonukọn nado to gandu do Islaeli pete ji,+ Davidi sọ nọ hẹn whẹdida dodo po dodowiwa po ṣẹ+ na omẹ etọn lẹpo.+ 16  Joabi+ visunnu Zeluia tọn wẹ yin nukọntọ na awhànpa lọ, bọ Jehoṣafati+ visunnu Ahiludi tọn wẹ yin kandai-basitọ. 17  Zadọki+ visunnu Ahitubi tọn po Ahimelẹki visunnu Abiatali tọn po wẹ yin yẹwhenọ lẹ bọ Selaia yin wekantọ. 18  Bẹnaia+ visunnu Jehoiada tọn wẹ yin nukọntọ na Kelẹtinu lẹ po Pelẹtinu lẹ po.+ Visunnu Davidi tọn lẹ sọ lẹzun lizọnyizọnwatọ-gán* lẹ.

Nudọnamẹ Odò Tọn

Kavi “nado mọ whlẹngán.”
Kavi “nado mọ whlẹngán.”
To paa mẹ, “yẹwhenọ.”