Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Samuẹli 23:1-39

NUHE E BẸHẸN LẸ

  • Hodidọ godo tọn Davidi tọn (1-7)

  • Wadotana awhànfuntọ Davidi tọn lẹ tọn (8-39)

23  Ohó he Davidi dọ gbọngodo lẹ die:+ “Ohó Davidi visunnu Jẹsse tọn,+ Podọ ohó dawe lọ he yin zizedaga tọn,+ Yèdọ mẹyiamisisadode+ Jiwheyẹwhe Jakọbu tọn, Mẹhe nọ jihàn vivi+ lẹ to Islaeli.   Gbigbọ Jehovah tọn dọho gbọn yẹn gblamẹ;+ Ohó etọn tin to odẹ́ ṣie ji.+   Jiwheyẹwhe Islaeli tọn dọho; Osé Islaeli tọn+ dọhona mi dọmọ: ‘Eyin mẹhe to gandu do gbẹtọvi lẹ ji yin dodonọ,+ Bo yí budisi Jiwheyẹwhe do to gandu,+   E nọ taidi hinhọ́n afọnnu tọn to whenue owhè hùn,+ Yèdọ afọnnu to whenue aslọ ma tin. E nọ taidi lehe hinhọ́n nọ sọawuhia to jikun godo do, Bo nọ hẹn ogbé lẹ tọ́nkun sọn aigba mẹ.’+   Be e ma yin mọ wẹ whédo ṣie te to Jiwheyẹwhe nukọn ya? Na ewọ ko basi alẹnu madopodo de hẹ mi,+ Bo ko basi tito etọn to gigọ́ mẹ bosọ basi hihọ́na ẹn. Na ehe na hẹn whlẹngán mlẹnmlẹn po homẹhunhun daho po wá na mi wutu, Be e ma yin enẹwutu wẹ ewọ do hẹn ẹn tindo kọdetọn dagbe ya?+   Ṣigba, nuvọ́nọ lẹpo wẹ nọ yin bibẹ dlan+ di wùnkan, Na yé ma tlẹ sọgan yin zize po alọ po.   Eyin mẹde na doalọ yé go, Mẹlọ dona yí gànyuu po owhán de po do blagbajana ede, Podọ yé dona yin mimẹ̀ petepete po miyọ́n po to otẹn yetọn mẹ.”  Oyín awhànfuntọ huhlọnnọ Davidi tọn lẹ tọn die:+ Joṣẹbi-baṣebẹti Takemọninu de, he yin nukọntọ to omẹ atọ̀n lẹ mẹ.+ Ewọ ze owhán etọn do omẹ 800 ji bo hù yé to ojlẹ dopolọ mẹ.  Mẹhe bọdo ewọ go wẹ Eleazali+ visunnu Dodo+ he yin visunnu Ahohi tọn, ewọ yin dopo to awhànfuntọ huhlọnnọ atọ̀n he tin po Davidi po to whenue yé vlẹ Filistinu lẹ kò lẹ mẹ. Filistinu lẹ ko bẹ yede pli do finẹ na awhàn, bọ whenue sunnu Islaeli tọn lẹ joagọ, 10  ewọ yí adọgbigbo do nọte bo to Filistinu lẹ hù kakajẹ whenue awà etọn kuyẹ̀ bọ alọ etọn kúatli na ohí lọ go hinhẹn gbanun-gbanun wutu.+ Jehovah gbọnmọ dali hẹn awhàngbigba* daho de wá to azán enẹ gbè;+ gbẹtọ lẹ sọ lẹkọ hodo e nado yì de nuhe tin to mẹhe yin hùhù lọ lẹ go. 11  Mẹhe bọdo ewọ go wẹ Ṣamahi visunnu Agee Halalinu lọ tọn. Filistinu lẹ bẹ yede pli do Lehi fihe ogle he gọ́ na apàkún lẹntile tọn de tin te; gbẹtọ lẹ sọ họnyi, na Filistinu lẹ tọn wutu. 12  Ṣigba, ewọ nọte to ogle lọ ṣẹnṣẹn bo yiavùnlọna ẹn bosọ to Filistinu lẹ hù mapote, bọ Jehovah gbọnmọ dali hẹn awhàngbigba* daho de wá.+ 13  Atọ̀n to nukọntọ 30 lọ lẹ mẹ jẹte yì Davidi dè to oslò Adulami tọn+ mẹ to jibẹwawhé whenu, bọ ogbẹ́* Filistinu lẹ tọn de dosla do Agbàdo Lefaimi tọn+ mẹ. 14  Davidi tin to figángán+ lọ mẹ to whenẹnu bọ awhànfun-gbẹ́ Filistinu lẹ tọn de tin to Bẹtlẹhẹm. 15  Davidi sọ dọ ojlo etọn tọ́n dọmọ: “Ṣo, eyin n’gán mọ osin nù sọn osindò he tin to họngbo Bẹtlẹhẹm tọn kọ̀n wẹ!” 16  Whenẹnu, awhànfuntọ huhlọnnọ atọ̀n lọ lẹ yì bo biọ osla Filistinu lẹ tọn mẹ gánnugánnu bo dọ̀n osin sọn osindò he tin to họngbo Bẹtlẹhẹm tọn kọ̀n lọ mẹ bosọ hẹn ẹn wá na Davidi; ṣigba ewọ gbẹ́ nado nù in bo kọ̀n ẹn do kọmẹ na Jehovah.+ 17  Ewọ dọmọ: “Jehovah E, e ma sọgan wá linlẹn mẹ na mi gbede nado wà ehe! Be yẹn na nù ohùn+ sunnu he ze ogbẹ̀* yetọn do owù mẹ nado yì dọ̀n osin wá lọ lẹ tọn wẹ?” Enẹwutu, e gbẹ́ nado nù in. Nuhe awhànfuntọ huhlọnnọ etọn atọ̀n lọ lẹ wà niyẹn. 18  Abiṣai+ nọvisunnu Joabi he yin visunnu Zeluia+ tọn sọ yin nukọntọ to omẹ atọ̀n devo lẹ mẹ; ewọ ze owhán etọn do omẹ 300 ji bo hù yé, podọ e diyin taidi omẹ atọ̀n diẹ lẹ.+ 19  Dile etlẹ yindọ ewọ wẹ diyin hugan to omẹ atọ̀n ehelẹ mẹ bosọ yin ogán yetọn, e ma to hukan dopolọ ji hẹ omẹ atọ̀n tintan lọ lẹ. 20  Bẹnaia+ visunnu Jehoiada tọn yin sunnu adọgbotọ de* he wà onú daho susu to Kabzeẹli.+ Ewọ wẹ hù visunnu Aliẹli Moabinu lọ tọn awe lẹ, podọ e biọ osindò de mẹ to gbèdopo he osin-agó to jijà bo hù kinnikinni de.+ 21  E sọ hù dawe Egiptinu he tọ́nalùn tlala de. Mahopọnna dọ dawe Egiptinu lọ tindo owhán de to alọmẹ, e tọ́n pé e po opò de po bo hò owhán lọ yí sọn alọ Egiptinu lọ tọn mẹ bosọ yí owhán etọn titi do hù i. 22  Nuhe Bẹnaia visunnu Jehoiada tọn lọ wà lẹ niyẹn, podọ e diyin taidi awhànfuntọ huhlọnnọ atọ̀n diẹ lẹ. 23  Dile etlẹ yindọ e diyin hú omẹ 30 lọ lẹ, ewọ ma to hukan dopolọ ji hẹ omẹ atọ̀n lọ lẹ. Etomọṣo, Davidi de e taidi nukọntọ hihọ́tọ etọn titi lẹ tọn. 24  Asahẹli+ nọvisunnu Joabi tọn tin to omẹ 30 lọ lẹ mẹ: Yewlẹ wẹ Ẹlhanani visunnu Dodo Bẹtlẹhẹminu lọ tọn,+ 25  Ṣamahi Halọdinu lọ, Elika Halọdinu lọ, 26  Helẹzi+ Paltinu lọ, Ila+ visunnu Ikẹṣi Tekoanu lọ tọn, 27  Abi-ẹzẹli+ Anatọtinu+ lọ, Mẹbunai Huṣanu lọ, 28  Zalmọni Ahohinu lọ, Mahalai+ Netofanu lọ, 29  Helẹbi visunnu Baanahi Netofanu lọ tọn, Ittai visunnu Libai he wá sọn Gibea Bẹnjamininu lẹ tọn lọ tọn, 30  Bẹnaia+ Pilatoninu de, Hidai he wá sọn agbàdo tọ̀sisa tọn* Gaaṣi tọn+ mẹ lọ, 31  Abialbọni Albatinu lọ, Azmavẹti Balhuminu lọ, 32  Eliahiba Ṣaalbominu lọ, visunnu Jaṣẹni tọn lẹ gọna Jonatani, 33  Ṣamahi Halalinu lọ, Ahiami visunnu Ṣalali Halalinu lọ tọn, 34  Elifelẹti visunnu Ahasbai he yin visunnu Maakatinu lọ tọn, Eliami visunnu Ahitofẹli+ Gilonu lọ tọn, 35  Hẹzlo Kalmẹlinu lọ, Paalai Alabinu lọ, 36  Igali visunnu Natani he wá sọn Zoba lọ tọn, Bani Gadinu lọ, 37  Zelẹki Amọninu lọ, Nahalai Beẹlọtinu lọ, yèdọ gbaja hẹntọ Joabi visunnu Zeluia tọn lọ tọn, 38  Ila Itlinu lọ, Galẹbi Itlinu+ lọ, 39  podọ Ulia+ Hetinu lọ—yemẹpo yin omẹ 37.

Nudọnamẹ Odò Tọn

Kavi “whlẹngán.”
Kavi “whlẹngán.”
Kavi “osla gòhọ tọn.”
Kavi “alindọn.”
To paa mẹ, “yin visunnu dawe adọgbotọ de tọn.”
Pọ́n Zẹm.