Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Samuẹli 16:1-23

NUHE E BẸHẸN LẸ

  • Ziba hẹn Mẹfiboṣẹti gble (1-4)

  • Ṣimei zun Davidi (5-14)

  • Absalọmi yí Huṣai (15-19)

  • Ayinamẹ Ahitofẹli tọn (20-23)

16  To whenue Davidi ko zẹ̀ aga pete osó lọ tọn go vude,+ Ziba+ devizọnwatọ Mẹfiboṣẹti+ tọn ko tin to finẹ nado pé e po kẹtẹkẹtẹ awe he ko yin awuwlena lẹ po, he hẹn akla 200, akla hìhì ovẹn sinsẹ́n tọn 100, akla hìhì sinsẹ́n alunlun mẹ tọn* 100 po ovẹn ozẹ́n daho de po.+  Whenẹnu, ahọlu dọna Ziba dọmọ: “Naegbọn a do hẹn onú ehelẹ wá?” Ziba sọ gblọn dọmọ: “Kẹtẹkẹtẹ lọ lẹ yin na whédo ahọlu tọn nado nọ kùn, akla lọ lẹ po sinsẹ́n alunlun mẹ tọn lọ lẹ po yin na jọja sunnu lẹ nado dù, bọ ovẹn lọ tin na mẹhe agbọ́ ko pé to danfafa ji lẹ nado nù.”+  Todin, ahọlu dọna ẹn dọmọ: “Bọ fie wẹ visunnu* klunọ towe tọn te?”+ Ziba sọ gblọnna ahọlu dọmọ: “Ewọ tin to Jelusalẹm, na e dọ dọ, ‘Owhé Islaeli tọn na gọ̀ gandudu otọ́ ṣie tọn na mi to egbé.’”+  Enẹwutu, ahọlu dọna Ziba dọmọ: “Pọ́n! Nuhe yin Mẹfiboṣẹti tọn lẹpo ni lẹzun towe.”+ Ziba sọ dọmọ: “Yẹn dẹ́ do odò to nukọn towe. Gbọ ma mọ nukundagbe towe, oklunọ ṣie ahọlu E.”+  Whenue Ahọlu Davidi jẹ Bahulimi, dawe de he nọ yin Ṣimei,+ visunnu Gela tọn sọn whédo Sauli tọn mẹ tọ́n wá bo to Davidi zun po awhá po dile e to dindọnsẹpọ.+  E sọ to zannu dlan do Davidi po devizọnwatọ Ahọlu Davidi tọn lẹpo po, podọ do mẹhe topọ hẹ ẹ lẹpo gọna sunnu huhlọnnọ he tin to adusi po amiyọn po na ẹn lẹ.  Ṣimei to didọ to mẹzunzun etọn mẹ dọmọ: “Bẹ dewe sọn fi, bẹ dewe sọn fi, hiẹ hùnhọ́dutọ ehe! Hiẹ nuvọ́nọ ehe!  Jehovah ko hẹn hùnhọ́ whédo Sauli tọn he a dù lẹpo wá ota towe, yèdọ otẹn mẹhe tọn hiẹ yí taidi ahọlu, ṣigba Jehovah ko yí gánzinpo lọ na Absalọmi visunnu towe. Todin, nugbajẹmẹji ko wá hiẹ lọsu ji, na hùnhọ́dutọ de wẹ a yin wutu!”+  Whenẹnu, Abiṣai visunnu Zeluia+ tọn dọna ahọlu dọmọ: “Naegbọn avún kúkú+ ehe nado to oklunọ ṣie ahọlu zun?+ Jaale, gbọ ma yì bo de ota sẹ̀ sọn kọnu na ẹn.”+ 10  Ṣigba, ahọlu dọmọ: “Etẹwẹ dù mì demẹ, mì visunnu Zeluia tọn lẹ?+ Gbọ e ni zun mi,+ na Jehovah ko dọna ẹn dọ,+ ‘Zun Davidi!’ Enẹwutu, mẹnu wẹ gán dọ dọ, ‘Naegbọn a to mọwà?’” 11  Whenẹnu, Davidi dọna Abiṣai po devizọnwatọ etọn lẹpo po dọmọ: “Mẹhe yin visunnu ṣie titi, he yin agbasalan ṣie titi, to okú* ṣie dín,+ bọ todin nẹmunẹmu wẹ Bẹnjamininu+ de tọn! Mì jo e do na e ni zun mi, na Jehovah wẹ dọna ẹn nado wàmọ! 12  Vlavo Jehovah na wá mọ nukunbibia ṣie,+ bọ Jehovah na gọ̀ dagbewà dohia mi kakati nido yin zungbe he yè yí do to zunzun mi to egbé.”+ 13  Whenẹnu, Davidi po sunnu etọn lẹ po zindonukọn bo to tejẹ dedo bọ Ṣimei to zọnlinzin afọsu-afọsi hẹ ẹ gbọn osó lọ pá bo to zunzun+ in po awhá po bosọ to zannu lẹ po kọ́gudu susu po dlan do e. 14  To godo mẹ, ahọlu po mẹhe zọnpọ hẹ ẹ lẹpo po jẹ fihe yé jei bọ agbọ́pe yé taun, yé sọ gbọjẹ. 15  To ojlẹ enẹ mẹ, Absalọmi po sunnu Islaeli tọn lẹpo po wá Jelusalẹm bọ Ahitofẹli+ zọnhẹ ẹ wá. 16  Whenue Huṣai+ Alkinu+ lọ, he yin họntọn Davidi tọn* wá Absalọmi dè, Huṣai dọna Absalọmi dọmọ: “Gbẹ̀gaa na ahọlu!+ Gbẹ̀gaa na ahọlu!” 17  Whenẹnu, Absalọmi dọna Huṣai dọmọ: “Owanyi nugbo towe hlan họntọn towe die ya? Naegbọn a ma do hodo họntọn towe yì?” 18  Enẹwutu, Huṣai dọna Absalọmi dọmọ: “Lala, adà mẹhe ko yin dide gbọn Jehovah dali podọ gbọn omẹ ehelẹ po sunnu Islaeli tọn lẹpo po dali lọ tọn mẹ wẹ n’te. Adà mẹlọ tọn mẹ wẹ n’na nọ. 19  Humọ, yẹn sọ vọ́ dọ dọ, Mẹnu wẹ n’dona wadevizọn na? Be e ma yin visunnu etọn wẹ ya? Kẹdẹdile n’ko wadevizọn na otọ́ towe do, mọ wẹ n’na wadevizọn na we do.”+ 20  Whenẹnu, Absalọmi dọna Ahitofẹli dọmọ: “Na mi ayinamẹ towe.+ Etẹwẹ mí dona wà?” 21  Ahitofẹli sọ dọna Absalọmi dọmọ: “Tindo kọndopọ zanhẹmẹ tọn hẹ asimọwhlá+ otọ́ towe tọn he e jodo whégbè nado penukundo owhé* lọ go+ lẹ. Whenẹnu, Islaeli pete na sè dọ a ko hẹn dewe zun awuhiọnu de na otọ́ towe, bọ mẹhe to godo na we lẹ na yin hinhẹn lodo.” 22  Yé sọ tùn gòhọ de na Absalọmi do họta,+ bọ Absalọmi tindo kọndopọ zanhẹmẹ tọn hẹ asimọwhlá otọ́ etọn+ tọn lẹ to nukun Islaeli pete tọn mẹ.+ 23  To ojlẹ enẹlẹ mẹ, ayinamẹ he Ahitofẹli+ na lẹ nọ yin pinpọnhlan di* ohó Jiwheyẹwhe nugbo lọ tọn. Nukun nujọnu tọn he Davidi po Absalọmi po nọ yí do pọ́n ayinamẹ Ahitofẹli tọn lẹpo niyẹn.

Nudọnamẹ Odò Tọn

Titengbe, ovò sinsẹ́n podọ vlavo odé.
Kavi “ovivi.”
Kavi “alindọn.”
Kavi “mẹhe Davidi nọ dọ homẹ na.”
Kavi “họ̀nmẹ.”
Kavi “nọ taidi dodindinna.”