Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Otànnugbo lẹ 6:1-42

NUHE E BẸHẸN LẸ

  • Sọlomọni dọhona gbẹtọ lọ lẹ (1-11)

  • Odẹ̀ klandowiwe tọn he Sọlomọni hò (12-42)

6  Whenẹnu wẹ Sọlomọni dọmọ: “Jehovah ko dọ dọ aslọ titli+ mẹ wẹ emi na nọ.  Todin, yẹn ko gbá ohọ̀ daho de na we, yèdọ nọtẹn tangan de na hiẹ nado nọ nọ̀ e mẹ kakadoi.”+  Enẹgodo, ahọlu lilẹ́ bo jẹ didona agun Islaeli tọn pete ji, dile agun Islaeli tọn pete tin to ote.+  E dọmọ: “Na Jehovah Jiwheyẹwhe Islaeli tọn ni yin pipà, yèdọ ewọ he yí onù etọn titi do dopagbe na otọ́ ṣie Davidi bo ko sọ yí alọ etọn titi lẹ do hẹn ẹn di dọmọ,  ‘Sọn gbeegbe yẹn ko plan omẹ ṣie lẹ tọ́njẹgbonu sọn aigba Egipti tọn ji, n’ma ko de tòdaho de to hẹnnu Islaeli tọn lẹpo mẹ, fie ohọ̀ de na yin gbigbá do na oyín ṣie nado gbọṣi finẹ,+ podọ n’ma ko de mẹde nado lẹzun nukọntọ Islaeli omẹ ṣie lẹ tọn.  Ṣigba, yẹn ko de Jelusalẹm+ nado hẹn oyín ṣie gbọṣi finẹ, podọ n’ko de Davidi nado dugán do Islaeli omẹ ṣie lẹ ji.’+  Otọ́ ṣie Davidi sọ jlo sọn ahun mẹ wá nado gbá ohọ̀ de na oyín Jehovah Jiwheyẹwhe Islaeli tọn.+  Ṣigba, Jehovah dọna otọ́ ṣie Davidi dọmọ, ‘Ojlo ahun towe mẹ tọn wẹ nado gbá ohọ̀ de na oyín ṣie, podọ ojlo dagbe de wẹ enẹ yin he a tindo to ahun towe mẹ.  Etomọṣo, e ma yin hiẹ wẹ na gbá ohọ̀ lọ, amọ́ visunnu towe he na yin jiji na we* wẹ na gbá ohọ̀ lọ na oyín ṣie.’+ 10  Jehovah ko hẹn opagbe he e do lọ di, na yẹn ko jẹ otẹn otọ́ ṣie Davidi tọn mẹ bo ko sinai to ofìn Islaeli tọn ji,+ kẹdẹdile Jehovah ko dopagbe etọn do.+ Yẹn ko sọ gbá ohọ̀ lọ na oyín Jehovah Jiwheyẹwhe Islaeli tọn, 11  bo ko sọ ze Apotin he mẹ alẹnu lọ tin te do finẹ,+ yèdọ alẹnu he Jehovah basi hẹ omẹ Islaeli tọn lẹ.” 12  Ewọ sọ ṣite to agbà Jehovah tọn kọ̀n to agun Islaeli tọn pete nukọn bo dlẹnalọ etọn lẹ.+ 13  (Na Sọlomọni ko basi oplò gànvẹẹ tọn de bo ze e do ṣẹnṣẹn awánu* lọ tọn.+ E dite na awagbà* atọ́n bo gblo na awagbà atọ́n bosọ yiji na awagbà atọ̀n; ewọ sọ ṣite to e ji.) E jẹklo to agun Islaeli tọn pete nukọn bo dlẹnalọ etọn lẹ hlan olọn,+ 14  bosọ dọmọ: “Jehovah Jiwheyẹwhe Islaeli tọn E, Jiwheyẹwhe depope ma tin taidi hiẹ to olọn mẹ kavi to aigba ji, yèdọ hiẹ he nọ yin nugbonọ na alẹnu towe bo nọ do owanyi nugbo hia devizọnwatọ towe he yí ahun lẹpo do to zọnlinzin to nukọn towe lẹ.+ 15  Hiẹ ko hẹn opagbe he a do na devizọnwatọ towe Davidi otọ́ ṣie di.+ Onù towe titi wẹ hiẹ yí do dopagbe lọ, podọ alọ towe titi wẹ a ko yí do hẹn ẹn di to egbé.+ 16  Todin, Jehovah Jiwheyẹwhe Islaeli tọn E, hẹn opagbe lọ di, ehe a do na devizọnwatọ towe Davidi otọ́ ṣie to whenue a dọmọ: ‘Sunnu he na wá sọn kúnkan towe mẹ nado sinai to ofìn Islaeli tọn ji ma na hán gbede to nukọn ṣie, eyin visunnu towe lẹ ko gbẹ́ payi aliho yetọn go gbọn zọnlinzinzin sọgbe hẹ osẹ́n ṣie dali,+ kẹdẹdile hiẹ ko zinzọnlin to nukọn ṣie do.’+ 17  Podọ todin, Jehovah Jiwheyẹwhe Islaeli tọn E, gbọ opagbe he a do na devizọnwatọ towe Davidi ni sọawuhia nado yin nugbo. 18  “Ṣigba, be Jiwheyẹwhe na nọ aigba ji hẹ gbẹtọvi lẹ nugbonugbo wẹ ya?+ Pọ́n! Olọn lẹ, yèdọ olọn olọn lẹ tọn ma tlẹ sọgan hẹn we;+ nẹmunẹmu wẹ wá yin ohọ̀ he yẹn gbá ehe tọn!+ 19  Todin, Jehovah Jiwheyẹwhe ṣie E, na ayidonugo odẹ̀ devizọnwatọ towe tọn po obiọ etọn na nukundagbe po, bo dotoaina awhágbe ṣie na alọgọ podọ odẹ̀ he devizọnwatọ towe to hihò to nukọn towe. 20  Na nukun towe ni nọ to ohọ̀ ehe ji to okle po ozán po, yèdọ hlan nọtẹn lọ he hiẹ ko dọ dọ emi na ze oyín emitọn doai do,+ nado dotoaina odẹ̀ he devizọnwatọ towe nọ pànta nọtẹn ehe do nọ hò. 21  Sọ dotoaina ovẹ̀ devizọnwatọ towe tọn lẹ na alọgọ gọna ovẹ̀ Islaeli omẹ towe lẹ tọn lẹ eyin yé pànta nọtẹn ehe do hodẹ̀,+ podọ hiẹ ni nọ sè sọn fininọ towe, yèdọ sọn olọn mẹ;+ mọwẹ, hiẹ ni nọ sè bo nọ jona.+ 22  “Eyin mẹde waylando do hatọ etọn bo yin hinhẹn nado whlé* bosọ to dandannu glọ nado hẹn agbàn whiwhle* lọ tọn, bọ ewọ wá agbà towe nukọn to ohọ̀ ehe+ mẹ to whenue e tin to whiwhle* lọ glọ, 23  hiẹ ni sè sọn olọn mẹ bo yinuwa bosọ dawhẹna devizọnwatọ towe lẹ gbọn ahọsuyiyi to mẹylankan go bo hẹn nuhe e wà lẹkọwa ota etọn titi ji dali,+ podọ gbọn dodonọ didohia taidi homẹvọnọ* bo suahọ ẹ sọgbe hẹ dodowiwa etọn titi dali.+ 24  “Podọ eyin Islaeli omẹ towe lẹ ṣíawhàn to kẹntọ nukọn, na yé to ylando wà sọta we mapote wutu,+ bọ yé lẹkọwa bo pagigona oyín towe+ bo hodẹ̀+ bosọ biọ nukundagbe to nukọn towe to ohọ̀ ehe mẹ,+ 25  hiẹ ni sè sọn olọn mẹ+ bo jo ylando Islaeli omẹ towe lẹ tọn na yé bosọ hẹn yé gọwá aigba lọ he hiẹ ko na yewlẹ po tọgbo yetọn lẹ po ji.+ 26  “Eyin ovẹ́sẹ olọn tọn lẹ sú bọ jikun ma ja,+ na yé to ylando wà sọta we mapote wutu,+ bọ yé pànta nọtẹn ehe do hodẹ̀ bo pagigona oyín towe bosọ lẹkọ sọn ylando yetọn mẹ, na hiẹ ko whiwhẹ* yé wutu,+ 27  hiẹ ni sè sọn olọn mẹ bo jo ylando devizọnwatọ towe lẹ, yèdọ Islaeli omẹ towe lẹ tọn na yé, na hiẹ na plọn yé aliho dagbe he ji yé dona zinzọnlin gbọn;+ hiẹ nisọ hẹn jikun ja+ do aigba towe he a ko na omẹ towe lẹ taidi ogú lọ ji. 28  “Eyin huvẹ tọ́n to aigba lọ ji,+ kavi azọ̀nylankan,+ akúdido, azọ̀n jinukun lẹ tọn,+ awhàn owẹ̀n lẹ tọn kavi owẹ̀n* nuhẹngbletọ+ lẹ kavi eyin kẹntọ yetọn lẹ dosla lẹdo yé to tòdaho aigba lọ tọn* depope mẹ+ kavi eyin azọ̀nylankan kavi awutu wunmẹ devo depope fọ́n,+ 29  odẹ̀ depope,+ obiọ nukundagbe tọn depope+ he sọgan yin bibasi gbọn mẹdepope kavi Islaeli omẹ towe lẹpo dali (na mẹdopodopo wẹ yọ́n awufiẹsa etọn titi po ayimajai etọn titi po)+ to whenue yé na dlẹnalọ yetọn lẹ hlan ohọ̀ ehe waji,+ 30  hiẹ ni sè sọn olọn mẹ, yèdọ fininọ towe,+ hiẹ nisọ jona yé;+ podọ hiẹ ni suahọ mẹdopodopo sọgbe hẹ aliho etọn lẹpo, na hiẹ yọ́n nuhe to ahun mẹdopodopo tọn mẹ (hiẹ dopo kẹdẹ wẹ yọ́n nuhe to ahun gbẹtọvi lẹ tọn mẹ nugbonugbo),+ 31  na yewlẹ nido nọ dibusi we gbọn zọnlinzinzin to aliho towe lẹ ji dali dile yé na togbẹ̀ dẹnsọ to aigba lọ he hiẹ ko na tọgbo mítọn lẹ ji. 32  “Humọ, na nuhe dù jonọ lọ he ma yin apadewhe Islaeli omẹ towe lẹ tọn bo wá sọn otò dindẹn de mẹ na oyín daho* towe,+ alọ huhlọnnọ towe po awà dindlẹn towe po wutu, bọ ewọ wá bo pànta ohọ̀ ehe do hodẹ̀,+ 33  hiẹ ni dotoai sọn olọn mẹ, yèdọ fininọ towe, bo wà nuhe jonọ lọ biọ we lẹpo na ẹn, na mẹhe to aigba ji lẹpo nido yọ́n oyín towe+ bo nọ dibusi we, dile Islaeli omẹ towe lẹ nọ wà do, podọ na yé nido yọnẹn dọ oyín towe ko yin yiylọ do ohọ̀ he yẹn ko gbá ehe ji. 34  “Eyin omẹ towe lẹ yì nado funawhàn hẹ kẹntọ yetọn lẹ dile hiẹ do yé hlan do,+ bọ yé hodẹ̀+ hlan we pànta tòdaho ehe he hiẹ ko de, podọ pànta ohọ̀ he yẹn ko gbá na oyín towe lọ,+ 35  hiẹ ni sè odẹ̀ yetọn po obiọ yetọn na nukundagbe po sọn olọn mẹ bo hẹn whẹdida ṣẹ do ota yetọn mẹ.+ 36  “Eyin yé waylando do we (na mẹdepope ma tin he ma nọ waylando),+ bọ hiẹ gblehomẹ sinsinyẹn do yé go bo jo yé do alọ kẹntọ de tọn mẹ, podọ mẹhe wle yé lẹ bẹ yé yì kanlinmọgbenu yì aigba de ji, vlavo to fidindẹn kavi to yakẹ,+ 37  bọ yé wá gọ̀ biọ yede mẹ to aigba he ji yé yin bibẹ yì kanlinmọgbenu te lọ bo lẹkọwa dè we bosọ biọ nukundagbe towe to aigba he ji yé yin kanlinmọ te lọ dọmọ, ‘Míwlẹ ko waylando bo ko sọ ṣinuwa; mí ko yinuwa po kanyinylan po,’+ 38  bọ yé yí ahun yetọn lẹpo po alindọn* yetọn lẹpo+ po do lẹkọwa dè we to aigba kanlinmọgbenu tọn+ he ji yé yin bibẹ yì kanlinmọgbenu te lọ ji, bosọ hodẹ̀ pànta aigba yetọn he hiẹ ko na tọgbo yetọn lẹ podọ tòdaho he hiẹ ko de+ lọ po ohọ̀ he yẹn ko gbá na oyín towe lọ po, 39  whenẹnu hiẹ ni sè odẹ̀ yetọn po obiọ yetọn na nukundagbe po sọn olọn mẹ, yèdọ fininọ towe, bo hẹn whẹdida ṣẹ do ota yetọn mẹ+ bosọ jona omẹ towe he ko waylando do we lẹ. 40  “Todin, Jiwheyẹwhe ṣie E, jaale gbọ nukun towe lẹ ni nọ to ote podọ otò towe ni lẹhlan odẹ̀ he nọ yin hihò to nọtẹn ehe mẹ* lẹ.+ 41  Jehovah Jiwheyẹwhe E, hẹji yì gbọjẹtẹn towe,+ yèdọ hiẹ po Apotin huhlọn towe tọn po. Jehovah Jiwheyẹwhe E, na yẹwhenọ towe lẹ ni ze whlẹngán do di awù, podọ nugbonọ towe lẹ ni nọ jaya to dagbewà towe mẹ.+ 42  Jehovah Jiwheyẹwhe E, a gbẹ́ mẹyiamisisadode towe dai* blo.+ Na hiẹ ni nọ flin owanyi nugbo he a dohia devizọnwatọ towe Davidi.”+

Nudọnamẹ Odò Tọn

To paa mẹ, “visunnu towe, yèdọ mẹlọ he na wá sọn alinkàn towe.”
Kavi “opá.”
Awagbà dopo sọzẹn hẹ cm 44,5. Pọ́n Nud. B14.
Kavi “bọ omẹ awetọ lọ hodẹ̀do e.” Enẹ wẹ, whiwhle de he nọ hẹn dẹ̀hodo wá mẹji eyin yè yí lalo do basi i kavi tùnafọ e ji.
To paa mẹ, “dẹ̀hodo.”
To paa mẹ, “dẹ̀hodo.”
To paa mẹ, “dodonọ.”
Kavi “sayana.”
Kavi “obọ̀.”
To paa mẹ, “to aigba họngbo etọn lẹ tọn.”
Kavi “oyín dagbe.”
Pọ́n Zẹm.
Kavi “hihò gando nọtẹn go.”
To paa mẹ, “a lilẹ́ nukunmẹ mẹyiamisisadode towe tọn sẹ̀.”