Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Otànnugbo lẹ 4:1-22

NUHE E BẸHẸN LẸ

  • Agbà lọ, Ohù lọ po basia lẹ po (1-6)

  • Miyọ́ngbán-tin, tafo po awánu lẹ po (7-11a)

  • Aṣọ́donu tẹmpli tọn lẹ yin tadona (11b-22)

4  Enẹgodo, e basi agbà gànvẹẹ tọn+ lọ he dite na awagbà 20 bo gblo na awagbà 20 bosọ yiji na awagbà 10.  E sọ basi Ohù*+ gànkinkọ̀n tọn lọ. Ohù lọ tindo awusọhia loboto bo gblo na awagbà 10 sọn tónu de jẹ devo bosọ yiji na awagbà 5, podọ nujlẹkàn awagbà 30 tọn wẹ sọgan lẹdo e.+  Aṣọ́donu he taidi atin-sinsẹ́n loboto+ lẹ tin to odò etọn lẹdo pé, yèdọ ao to awagbà dopo gblamẹ lẹdo Ohù lọ pete. Aṣọ́donu loboto lọ lẹ tin to ogbẹ́ awe ji bo yin tùntùn do e go tlọlọ.  E tin to oyìnsú 12+ ji, he 3 pannukọn agewaji, 3 pannukọn whèyihọ-waji, 3 pannukọn hùwaji bọ 3 pannukọn whèzẹtẹn-waji; yewlẹ ji wẹ Ohù lọ yin zize sinai do bọ yonu yemẹpo tọn lẹhlan ṣẹnṣẹn.  Titli etọn gblo sọ alọpahomẹ dopo;* tónu etọn sọ yin awuwlena taidi tónu kọfo de tọn, yèdọ taidi vounvoun de. Nuhẹnnú lọ sọgan hẹn* ojlẹnu bati* tọn 3 000.  Humọ, e basi basia ao na nukiklọ bo ze atọ́n do adusiwhé podọ atọ́n do amiyọnwhé.+ Finẹ wẹ yé nọ klọ́ nuhe yin yiyizan na avọ́nunina mimẹ̀ lẹ te.+ Ṣigba Ohù lọ wẹ yẹwhenọ lẹ nọ yí do klọ́ alọ po afọ po.+  Enẹgodo, e basi miyọ́ngbán-tin sika tọn ao,+ dile anadenamẹ etọn yin nina do,+ bo bẹ yé do tẹmpli lọ mẹ, yèdọ atọ́n to adusiwhé podọ atọ́n to amiyọnwhé.+  E sọ basi tafo ao bo bẹ yé do tẹmpli lọ mẹ, yèdọ atọ́n to adusiwhé podọ atọ́n to amiyọnwhé;+ podọ e basi agbán sika tọn 100.  Enẹgodo, e basi awánu+ yẹwhenọ lẹ+ tọn, gọna awánu* daho+ lọ po ohọ̀n awánu lọ tọn lẹ po, e sọ và gànvẹẹ na ohọ̀n yetọn lẹ. 10  Podọ e ze Ohù lọ do adusiwhé, hlan hùwaji-whèzẹtẹn tọn.+ 11  Hilami sọ basi panu, fẹli po agbán lẹ po.+ Mọ wẹ Hilami dotana azọ́n he e wà na Ahọlu Sọlomọni to ohọ̀ Jiwheyẹwhe nugbo lọ tọn gbigbá mẹ do:+ 12  yèdọ dòtin awe+ lẹ po ota dòtin awe lọ lẹ tọn po he tindo awusọhia sinnù-gbán de tọn; agbájẹ́ awe+ lẹ nado tẹ́ do ota dòtin tọn awe he tindo awusọhia sinnù-gbán de tọn lọ lẹ go; 13  pomeglanate* 400+ lọ lẹ na agbájẹ́ awe lẹ, yèdọ pomeglanate* he yin tito do ogbẹ́ awe ji do agbájẹ́ dopodopo go nado tẹ́ yé do ota dòtin tọn awe he tindo awusọhia sinnù-gbán de tọn lọ lẹ+ go; 14  agbàn-kẹkẹ ao lọ lẹ* po basia ao he tin to agbàn-kẹkẹ lọ lẹ+ ji po; 15  Ohù lọ po oyìnsú 12 he to oglọ na ẹn lẹ po;+ 16  gọna panu, fẹli, ṣivi-fẹ̀nnọ+ po nuyizan lọ lẹpo po he Hilami-abivi+ yí gànvẹẹ sisẹ́ do basi na Ahọlu Sọlomọni na ohọ̀ Jehovah tọn. 17  Ahọlu yí azọ́nwanu okò tọn titli lẹ do tùn yé to agbegbe Jọdani tọn ji, yèdọ to Sukoti+ po Zeleda po ṣẹnṣẹn. 18  Sọlomọni basi nuyizan ehe lẹpo bọ yé sù taun; zínpinpẹn gànvẹẹ lọ tọn ma tlẹ yin yinyọnẹn.+ 19  Sọlomọni basi nuyizan lọ lẹpo+ na ohọ̀ Jiwheyẹwhe nugbo lọ tọn: yèdọ agbà sika tọn lọ;+ tafo+ he ji akla sọhia tọn nọ yin zizedo+ lẹ; 20  miyọ́ngbán-tin lẹ po miyọ́ngbán yetọn lẹ po he yè yí sika akú do basi,+ nado nọ to jiji to abò homẹ tọn lọ nukọn sọgbe hẹ nubiọtomẹsi lẹ; 21  gọna osẹ́, miyọ́ngbán po miyọ́n-denú lọ lẹ po, he yè yí sika do basi, yèdọ sika akú pete; 22  miyọ́n-ṣínu, agbán, kọfo po miyọ́n-hẹnnú lọ lẹ po, he yè yí sika akú do basi; gọna họntonu ohọ̀ lọ tọn, ohọ̀n homẹ tọn etọn lẹ na Fiwiwe Gbaugbau lọ,+ podọ na ohọ̀n ohọ̀ tẹmpli lọ tọn lẹ, he yè yí sika do basi.+

Nudọnamẹ Odò Tọn

Kavi “nuhẹnnú.”
Nudi cm 7,4. Pọ́n Nud. B14.
Kavi “Nugopipe etọn wẹ.”
Bati dopo sọzẹn hẹ L 22. Pọ́n Nud. B14.
Kavi “opá.”
Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.
Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.
Kavi “osọ́-kẹkẹ ao lọ lẹ he nọ hẹn osin.”