Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

2 Otànnugbo lẹ 36:1-23

NUHE E BẸHẸN LẸ

  • Jehoahazi, ahọlu Juda tọn (1-3)

  • Jehoiakimi, ahọlu Juda tọn (4-8)

  • Jehoiakini, ahọlu Juda tọn (9, 10)

  • Zedekia, ahọlu Juda tọn (11-14)

  • Vasudo Jelusalẹm tọn (15-21)

  • Kilusi degbe nado vọ́ tẹmpli lọ gbá (22, 23)

36  Enẹgodo, mẹhe to aigba lọ ji lẹ de Jehoahazi+ visunnu Josia tọn bo yí i do doahọlu do otẹn otọ́ etọn tọn mẹ+ to Jelusalẹm.  Owhe 23 wẹ Jehoahazi tindo to whenue e duahọlu, e sọ dugán to Jelusalẹm na osun atọ̀n.  Ṣigba, ahọlu Egipti tọn de e sọn gánzinpo ji to Jelusalẹm bo gbò akuẹ talẹnti* fataka tọn 100 po talẹnti sika tọn dopo po na otò lọ.+  Humọ, ahọlu Egipti tọn yí Eliakimi he yin nọvisunnu Jehoahazi tọn do doahọlu do Juda po Jelusalẹm po ji bo diọ oyín etọn zun Jehoiakimi; ṣigba Neko+ hẹn nọvisunnu etọn Jehoahazi yì Egipti.+  Owhe 25 wẹ Jehoiakimi+ tindo to whenue e duahọlu, e sọ dugán to Jelusalẹm na owhe 11. E zindonukọn nado to nuhe ylan to nukun Jehovah Jiwheyẹwhe etọn tọn mẹ lẹ wà.+  Ahọlu Nẹbukadnẹzali+ Babilọni tọn hẹji wá tọ́nawhàn ẹn nado yí gẹdẹ gànvẹẹ tọn awe do blá ẹ bo hẹn ẹn yì Babilọni.+  Nẹbukadnẹzali sọ bẹ nuyizan he to ohọ̀ Jehovah tọn mẹ delẹ yì Babilọni bo bẹ yé do họ̀nmẹ etọn to Babilọni.+  Na nuhe dù otàn Jehoiakimi tọn he pò, yèdọ osùnú he e wà lẹ po nuhe yin mimọ sọta ẹ po, e yin kinkan do Owe Ahọlu Islaeli po Juda po tọn lẹ tọn mẹ; visunnu etọn Jehoiakini sọ lẹzun ahọlu do otẹn etọn mẹ.+  Owhe 18 wẹ Jehoiakini+ tindo to whenue e duahọlu, e sọ dugán to Jelusalẹm na osun atọ̀n po azán ao po; e zindonukọn nado to nuhe ylan to nukun Jehovah tọn mẹ lẹ wà.+ 10  To bẹjẹeji owhe lọ tọn,* Ahọlu Nẹbukadnẹzali domẹhlan nado hẹn ẹn wá Babilọni+ po núzinzan họakuẹ he to ohọ̀ Jehovah tọn mẹ lẹ po.+ E sọ yí Zedekia he yin nọvisunnu otọ́ etọn tọn do doahọlu do Juda po Jelusalẹm po ji.+ 11  Owhe 21 wẹ Zedekia+ tindo to whenue e duahọlu, e sọ dugán to Jelusalẹm na owhe 11.+ 12  E sọ zindonukọn nado to nuhe ylan to nukun Jehovah Jiwheyẹwhe etọn tọn mẹ lẹ wà. E ma whiwhẹ ede to yẹwhegán Jelemia nukọn,+ mẹhe dọho to gbedide Jehovah tọn glọ. 13  Humọ, e ṣiatẹ sọta Ahọlu Nẹbukadnẹzali,+ mẹhe ko hẹn ẹn nado yí Jiwheyẹwhe do whlé, podọ e gbọṣi tasinsinyẹn etọn mẹ* bo hẹn ahun etọn sinyẹn bosọ gbẹ́ nado lẹhlan Jehovah Jiwheyẹwhe Islaeli tọn. 14  Ogán yẹwhenọ lẹ tọn lẹpo po gbẹtọ lọ lẹ po yinuwa po nugbonọ-mayin po zẹjlẹgo bo nọ wà osùnú he nkọ akọta lẹ nọ wà, yé sọ hẹn ohọ̀ Jehovah tọn+ he ewọ ko klandowiwe to Jelusalẹm lọ flu. 15  Jehovah Jiwheyẹwhe tọgbo yetọn lẹ tọn to avase na yé mapote gbọn wẹnsagun etọn lẹ gblamẹ bo nọ to avase na yé pludopludo, na onú gbẹtọ lọ lẹ po fininọ etọn po tọn wàlẹblanuna ẹn wutu. 16  Ṣigba, yé nọ to wẹnsagun Jiwheyẹwhe nugbo lọ tọn lẹ ṣanko+ bo nọ vlẹ ohó etọn+ bosọ nọ ṣàn yẹwhegán etọn lẹ kò,+ kakajẹ whenue adi Jehovah tọn wá omẹ etọn lẹ ji,+ bọ yé masọ sọgan yin azọ̀nhẹngbọna ba. 17  Enẹwutu, ewọ hẹn ahọlu Kaldeanu lẹ tọn wá yé ji,+ bọ e yí ohí do hù+ dẹpẹ yetọn lẹ to ohọ̀ fiwiwe yetọn tọn+ mẹ; e ma wàlẹblanuna dẹpẹ kavi awhli, yọnhonọ kavi madogánnọ.+ Nulẹpo wẹ Jiwheyẹwhe jodo alọ etọn mẹ.+ 18  Nuyizan he to ohọ̀ Jiwheyẹwhe nugbo lọ tọn mẹ lẹpo, yèdọ daho po pẹvi po, podọ adọkunnu he to ohọ̀ Jehovah tọn mẹ lẹ gọna adọkunnu ahọlu po ahọvi etọn lẹ po tọn lẹ, popolẹpo wẹ e bẹ yì Babilọni.+ 19  E fiọ ohọ̀ Jiwheyẹwhe nugbo lọ tọn+ bo họ́ adó Jelusalẹm tọn liai+ bosọ yí miyọ́n do mẹ̀ atọ̀họ̀ gángán etọn lẹpo, podọ nuhọakuẹ lẹpo wẹ e gbakija.+ 20  E sọ bẹ mẹhe họ̀ngán sọn ohí nù lẹ yì Babilọni taidi kanlinmọ,+ yé sọ lẹzun devizọnwatọ etọn+ podọ visunnu etọn lẹ tọn kakajẹ whenue ahọluduta* Pẹlsia tọn jẹ gandu ji,+ 21  na ohó he Jehovah ko dọ gbọn Jelemia gblamẹ lọ nido yin hinhẹndi,+ yèdọ kakajẹ whenue aigba lọ ko suahọ gbọjẹzan etọn lẹ tọn.+ To ojlẹ he mẹ e jẹvọ́ te lẹpo, e yìn gbọjẹzan, kaka owhe 70 do pé.+ 22  To owhe tintan Ahọlu Kilusi+ Pẹlsia tọn mẹ, na ohó he Jehovah dọ gbọn Jelemia gblamẹ+ nido yin hinhẹndi, Jehovah whàn gbigbọ Ahọlu Kilusi Pẹlsia tọn nado basi nulila de lẹdo pé gbọn ahọluduta etọn mẹ, bọ e sọ basi kandai etọn+ dọmọ: 23  “Nuhe Ahọlu Kilusi Pẹlsia tọn dọ die, ‘Jehovah Jiwheyẹwhe olọn tọn ko na mi ahọluduta aigba ji tọn lẹpo,+ podọ e ko deazọ́nna mi nado gbá ohọ̀ de na ẹn to Jelusalẹm, ehe tin to Juda.+ Mẹdepope to mì mẹ he yin omẹ etọn lẹ, na Jehovah Jiwheyẹwhe etọn ni tin hẹ ẹ, mì sọ gbọ ewọ ni hẹji yì.’”+

Nudọnamẹ Odò Tọn

Talẹnti dopo sọzẹn hẹ kg 34,2. Pọ́n Nud. B14.
Vlavo, to amakikọ-whenu.
To paa mẹ, “e hẹn okọ̀ etọn sinyẹn.”
Kavi “gandudu.”