Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Otànnugbo lẹ 35:1-27

NUHE E BẸHẸN LẸ

  • Josia basi tito Juwayi daho de tọn (1-19)

  • Falo Neko hù Josia (20-27)

35  Josia basi hùnwhẹ Juwayi tọn+ de hlan Jehovah to Jelusalẹm, bọ yé hù kanlin Juwayi tọn+ lọ to azán 14tọ gbè to osun tintan lọ mẹ.+  E deazọ́nna yẹwhenọ lẹ do azọ́n yetọn lẹ kọ̀n bo na yé tuli nado hẹn sinsẹ̀nzọn yetọn di to ohọ̀ Jehovah tọn mẹ.+  E sọ dọna Levinu lẹ he yin nuplọnmẹtọ Islaeli pete tọn,+ yèdọ mẹhe yin wiwe na Jehovah lẹ dọmọ: “Mì ze Apotin wiwe lọ do ohọ̀ he Sọlomọni visunnu Davidi tọn he yin ahọlu Islaeli tọn ko gbá lọ mẹ;+ mìwlẹ ma nasọ nọ ze e do abọ́ mìtọn lẹ ji ba.+ Todin, mì wadevizọn na Jehovah Jiwheyẹwhe mìtọn po Islaeli omẹ etọn lẹ po.  Mì sọ wleawuna mìde sọgbe hẹ whédo otọ́ mìtọn lẹ tọn podọ sọgbe hẹ pipli mìtọn lẹ, to kọndopọ mẹ hẹ nuhe Ahọlu Davidi+ Islaeli tọn po Sọlomọni visunnu etọn po ko kandai.+  Mì nọte to ofi wiwe lọ bo pli mìde sọgbe hẹ whédo otọ́ nọvisunnu mìtọn lẹ tọn lẹ, yèdọ pipotọ gbẹtọ lọ lẹ tọn* to pọmẹ hẹ pipli whédo otọ́ Levinu lẹ tọn lẹ he sọgbe hẹ ẹ.  Mì hù kanlin Juwayi tọn+ lọ bo klan mìde do wiwe bosọ wleawudai na nọvisunnu mìtọn lẹ nado setonuna ohó he Jehovah ko dọ gbọn Mose gblamẹ.”  Josia basi nunina lẹngbọpa lẹ tọn do gbẹtọ lọ lẹ tamẹ, yèdọ lẹngbọvu asu lẹ po gbọgbọẹvu asu lẹ po na avọ́sinsan Juwayi tọn lẹ do ota mẹhe to finẹ lẹpo tọn mẹ, yèdọ kanlin 30 000 to lẹndopọ mẹ gọna oyìn 3 000. Nutindo ahọlu titi tọn mẹ wẹ ehelẹ yin didesọn.+  Ahọvi etọn lẹ lọsu sọ basi nunina taidi avọ́nunina sọn ojlo mẹ wá do gbẹtọ lọ lẹ, yẹwhenọ lẹ po Levinu lẹ po tamẹ. Hilkia,+ Zekalia po Jehiẹli po he yin nukọntọ lẹ to ohọ̀ Jiwheyẹwhe nugbo lọ tọn mẹ basi nunina kanlin Juwayi tọn 2 600 po oyìn 300 po tọn na yẹwhenọ lẹ.  Konania po nọvisunnu etọn lẹ po, yèdọ Ṣemaia po Netanẹli po gọna Haṣabia, Jeiẹli po Jozabadi po he yin ogán Levinu lẹ tọn lẹ yí kanlin Juwayi tọn 5 000 po oyìn 500 po do basi nunina na Levinu lẹ. 10  Sinsẹ̀nzọn lọ ko yin awuwlena bọ yẹwhenọ lẹ nọte to otẹn yetọn lẹ mẹ, gọna Levinu lẹ sọgbe hẹ pipli yetọn lẹ,+ dile ahọlu ko degbe etọn do. 11  Yé hù kanlin Juwayi tọn+ lọ lẹ, bọ yẹwhenọ lẹ mimí ohùn he yé mọyi lọ+ dile Levinu lẹ to ayú kanlin lọ lẹ tọn klọ́n.+ 12  Enẹgodo, yé wleawuna avọ́nunina mimẹ̀ lọ lẹ nado sọgan má yé na pipotọ gbẹtọ lọ lẹ tọn he pli sọgbe hẹ whédo otọ́ lẹ tọn, na yé nido yin zizedonukọnna Jehovah dile e yin kinkan do owe Mose tọn mẹ do; yé sọ wà nudopolọ na oyìn lọ lẹ. 13  Yé yí miyọ́n do dà* avọ́nunina Juwayi tọn lọ sọgbe hẹ aṣa lọ;+ podọ yé dà avọ́nunina wiwe lọ lẹ to nudàzẹ́n pẹvi, nudàzẹ́n daho po nudà-panu lẹ po mẹ bo yawu bẹ yé sọyi na pipotọ gbẹtọ lọ lẹ tọn lẹpo to enẹgodo. 14  Yé sọ wleawudai na yedetiti podọ na yẹwhenọ lẹ, na yẹwhenọ lẹ he yin kúnkan Aalọn tọn lẹ to avọ́sinsan mimẹ̀ lẹ basi bo to adà dojó lẹ yí do basi avọ́nunina kakajẹ zánmẹ, enẹwutu wẹ Levinu lẹ do wleawudai na yedetiti podọ na yẹwhenọ lẹ he yin kúnkan Aalọn tọn lẹ. 15  Hànjitọ lẹ, yèdọ visunnu Asafi tọn lẹ+ to otẹn yetọn lẹ mẹ sọgbe hẹ gbedide Davidi,+ Asafi,+ Hemani po Jedutuni+ he yin numọtọ ahọlu tọn po tọn; họ̀njinọtọ lẹ sọ to họngbo voovo ji.+ E ma biọ dọ yé ni jo azọ́n yetọn do, na nọvisunnu yetọn lẹ, yèdọ Levinu lẹ ko wleawudai na yé. 16  Gbọnmọ dali, sinsẹ̀nzọn Jehovah tọn lẹpo ko yin awuwlena dote to gbenẹgbe na hùnwhẹ Juwayi tọn lọ+ podọ nado basi avọ́nunina mimẹ̀ lẹ to agbà Jehovah tọn ji, sọgbe hẹ gbedide Ahọlu Josia tọn.+ 17  Islaelivi he to finẹ lẹ basi hùnwhẹ Juwayi tọn lọ to ojlẹ enẹ mẹ gọna Hùnwhẹ Akla Madotọ́n tọn lọ na azán ṣinawe.+ 18  Hùnwhẹ Juwayi tọn ehe nkọ de ma ko yin bibasi to Islaeli sọn azán Samuẹli yẹwhegán lọ tọn lẹ gbè; mọjanwẹ ahọlu Islaeli tọn devo depope ma ko basi hùnwhẹ Juwayi tọn he nkọ Josia,+ yẹwhenọ lẹ, Levinu lẹ, omẹ Juda po Islaeli po tọn he to finẹ lẹpo gọna mẹhe nọ nọ̀ Jelusalẹm lẹ basi. 19  To owhe 18tọ gandudu Josia tọn mẹ wẹ Juwayi ehe yin bibasi. 20  To ehe lẹpo godo, whenue Josia ko wleawuna tẹmpli* lọ, Ahọlu Neko+ Egipti tọn hẹji wá nado hoavùn to Kalkemiṣi to Euflate pá. Whenẹnu, Josia tọ́nyi nado tọ́nawhàn ẹn.+ 21  Enẹwutu, e do wẹnsagun lẹ hlan ẹn dọmọ: “Etẹwẹ dù we to ehe mẹ, hiẹ ahọlu Juda tọn E? E ma yin hiẹ gbé n’tọ́n to egbé, ṣigba akọta devo wẹ n’tọ́navùn, Jiwheyẹwhe sọ dọna mi dọ yẹn dona yawu. Na dagbe towe wutu, a diọnukunsọ Jiwheyẹwhe blo, na ewọ tin hẹ mi, e nikaa hẹn husudo wá ji we.” 22  Ṣigba, Josia ma lẹ́ sọn godo etọn, kakatimọ e diọ awusọhia ede tọn+ nado tọ́navùn in bo ma dotoaina nuhe Neko dọ lẹ, ehe wá sọn onù Jiwheyẹwhe tọn mẹ. Enẹwutu, e wá nado hoavùn to Dankló Mẹgido tọn ji.+ 23  Ogádetọ lẹ sọ de ogá do Ahọlu Josia, bọ ahọlu dọna devizọnwatọ etọn lẹ dọmọ: “Mì plan mi sọn fi, na n’ko gbleawu taun.” 24  Enẹwutu, devizọnwatọ etọn lẹ ze e sọn osọ́-kẹkẹ lọ mẹ bo ze e do osọ́-kẹkẹ awhàn tọn etọn awetọ mẹ bosọ plan ẹn wá Jelusalẹm. E sọ kú bo yin dìdì do yọdò tọgbo etọn lẹ tọn mẹ,+ omẹ Juda po Jelusalẹm po tọn lẹpo sọ nọ aluẹmẹ na Josia. 25  Podọ Jelemia+ jihàn gando Josia go, hànjitọ sunnu po hànjitọ yọnnu lẹpo po+ sọ to hànji gando Josia go to avihàn* yetọn lẹ mẹ kakajẹ egbé; nudide sọ yin bibasi dọ avihàn lọ lẹ dona nọ yin jiji to Islaeli, bọ yé yin kinkandai do avihàn lẹ mẹ. 26  Na nuhe dù otàn Josia tọn he pò, podọ nuyiwa owanyi nugbo tọn etọn lẹ, yèdọ to tonusisena nuhe yin kinkandai do Osẹ́n Jehovah tọn mẹ, 27  gọna nuhe e wà lẹ, yèdọ sọn bẹjẹeji kakajẹ vivọnu, yé yin kinkandai do Owe Ahọlu Islaeli po Juda po tọn lẹ tọn mẹ.+

Nudọnamẹ Odò Tọn

To paa mẹ, “visunnu gbẹtọ lọ lẹ tọn lẹ.”
Kavi vlavo, “hì.”
To paa mẹ, “ohọ̀.”
Kavi “ohàn aluẹmẹninọ tọn.”