Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Otànnugbo lẹ 27:1-9

NUHE E BẸHẸN LẸ

  • Jotami, ahọlu Juda tọn (1-9)

27  Owhe 25 wẹ Jotami+ tindo to whenue e duahọlu, e sọ dugán to Jelusalẹm na owhe 16. Oyín onọ̀ etọn tọn wẹ Jeluṣa viyọnnu Zadọki tọn.+  Ewọ sọ to nuhe sọgbe to nukun Jehovah tọn mẹ lẹ wà, kẹdẹdile otọ́ etọn Uzia ko wà do,+ amọ́ ewọ ma biọ tẹmpli Jehovah tọn mẹ gánnugánnu.+ Ṣigba, gbẹtọ lẹ gbẹ́ to nuyiwa to aliho he nọ hẹn vasudo wá mẹ.  E basi họngbo aga tọn ohọ̀ Jehovah tọn,+ podọ e sọ wazọ́n họ̀gbigbá tọn susu do adó Ofẹli tọn ji.+  E sọ gbá tòdaho lẹ+ do lẹdo osó tọn Juda tọn+ mẹ, podọ e do figángán+ lẹ po atọ̀họ̀+ lẹ po do lẹdo he mẹ atin sù te lẹ.  E funawhàn sọta ahọlu Amọninu+ lẹ tọn bo wá duto yé ji, sọmọ bọ Amọninu lẹ bẹ talẹnti* fataka tọn 100, likun ojlẹnu kọli* tọn 10 000 po balekun ojlẹnu 10 000 po na ẹn. Amọninu lẹ sọ sú i ehe to owhe awetọ po atọ̀ntọ po mẹ.+  Enẹwutu, Jotami to huhlọn tindo mapote, na e ko hẹn aliho etọn lẹ lodo* to Jehovah Jiwheyẹwhe etọn nukọn.  Na nuhe dù otàn Jotami tọn he pò, yèdọ awhàn he e fùn lẹpo po aliho nuyiwa tọn etọn lẹ po, e yin kinkan do Owe Ahọlu Islaeli po Juda po tọn lẹ tọn mẹ.+  Owhe 25 wẹ e tindo to whenue e duahọlu, e sọ dugán to Jelusalẹm na owhe 16.+  Jotami sọ yin hinhẹn nado mlọnai hẹ tọgbo etọn lẹ, bọ yé dì i do Tòdaho Davidi tọn mẹ.+ Visunnu etọn Ahazi sọ lẹzun ahọlu do otẹn etọn mẹ.+

Nudọnamẹ Odò Tọn

Talẹnti dopo sọzẹn hẹ kg 34,2. Pọ́n Nud. B14.
Kọli dopo sọzẹn hẹ L 220. Pọ́n Nud. B14.
Kavi “ko wleawuna aliho etọn lẹ.”