Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Otànnugbo lẹ 23:1-21

NUHE E BẸHẸN LẸ

  • Jehoiada dademẹ; Jehoaṣi lẹzun ahọlu (1-11)

  • Atalia yin hùhù (12-15)

  • Diọdo he Jehoiada hẹnwa lẹ (16-21)

23  To owhe ṣinawetọ mẹ, Jehoiada yinuwa po adọgbigbo po bo basi gbekọndopọ* de hẹ ogán omẹ kanweko lẹ tọn lẹ,+ yèdọ Azalia visunnu Jelohami tọn, Iṣmaeli visunnu Jehohanani tọn, Azalia visunnu Obẹdi tọn, Maaseia visunnu Adaia tọn po Eliṣafati visunnu Zikli tọn po.  Enẹgodo, yé gbọn Juda pete bo bẹ Levinu+ lẹ pli dopọ sọn tòdaho Juda tọn lẹpo mẹ gọna nukọntọ whédo otọ́ Islaeli tọn lẹ tọn. Whenue yé wá Jelusalẹm,  agun lọ pete basi alẹnu+ de hẹ ahọlu lọ to ohọ̀ Jiwheyẹwhe nugbo lọ tọn mẹ, ewọ sọ dọna yé to enẹgodo dọmọ: “Mì pọ́n! Visunnu ahọlu tọn na dugán, kẹdẹdile Jehovah ko dopagbe etọn gando visunnu Davidi tọn lẹ go do.+  Nuhe mìwlẹ ni wà die: Mado atọ̀n yẹwhenọ lẹ po Levinu lẹ po tọn he na wazọ́n+ to Gbọjẹzangbe na yin họ̀njinọtọ lẹ;+  mado atọ̀n devo na to owhé* ahọlu tọn gbè+ bọ mado atọ̀n devo na nọ Họngbo Dodonu tọn lọ ji, gbẹtọ lọ lẹpo nasọ nọ awánu ohọ̀ Jehovah tọn mẹ.+  Mì dike mẹdepope biọ ohọ̀ Jehovah tọn mẹ blo, adavo yẹwhenọ lẹ po Levinu lẹ po he to lizọnyi.+ Omẹ ehelẹ sọgan biọ e mẹ, na pipli wiwe de wẹ yé, podọ gbẹtọ lọ lẹpo na setonuna nubiọtomẹsi Jehovah tọn.  Levinu lẹ dona lẹdo ahọlu lọ to awà lẹpo ji, mẹdopodopo po adánwanu etọn po to alọmẹ. Mẹdepope he biọ ohọ̀ lọ mẹ na yin hùhù. Mì gbọṣi ahọlu lọ dè to fidepope he ewọ na to yìyì.”*  Levinu lẹ po omẹ Juda tọn lẹpo po wà nuhe Jehoiada yẹwhenọ lọ ko degbe etọn na yé lẹ pẹpẹ. Dopodopo yetọn sọ bẹ sunnu yetọn he dona wazọ́n to Gbọjẹzangbe po dehe ma dona wazọ́n to Gbọjẹzangbe lẹ po,+ na Jehoiada yẹwhenọ lọ ma ko de pipli lọ lẹ+ sọn azọ́n yetọn kọ̀n.  Jehoiada yẹwhenọ lọ sọ bẹ owhán, gaglo* po awọ̀yinu loboto Ahọlu Davidi tọn+ he to ohọ̀ Jiwheyẹwhe nugbo lọ tọn+ mẹ lẹ po na ogán omẹ kanweko tọn lọ lẹ.+ 10  E sọ de gbẹtọ lọ lẹpo do otẹn yetọn lẹ mẹ, mẹdopodopo po adánwanu etọn po to alọmẹ, sọn adusiwhé ohọ̀ lọ tọn yì amiyọnwhé ohọ̀ lọ tọn, yèdọ to agbà lọ pá podọ to ohọ̀ lọ pá, lẹdo ahọlu lọ pé. 11  Whenẹnu wẹ yé de visunnu ahọlu tọn+ lọ tọ́njẹgbonu bo ze jẹgbakun lọ po Kunnudenu*+ lọ po do ota na ẹn bosọ yí i do doahọlu, Jehoiada po visunnu etọn lẹ po sọ yiamisisadode e. Enẹgodo, yé dọmọ: “Gbẹ̀gaa na ahọlu!”+ 12  Whenue Atalia sè ogbè mẹhe to wezundo bo to ahọlu lọ pà lẹ tọn, e wá gbẹtọ lọ lẹ dè to ohọ̀ Jehovah tọn mẹ to afọdopolọji.+ 13  E sọ mọ ahọlu lọ to ote to dòtin etọn kọ̀n to họntonu lọ. Ahọvi+ lẹ po opẹ̀n-kúntọ lẹ po to ahọlu dè, mẹhe to aigba lọ ji lẹpo sọ to ayajẹ+ bo to opẹ̀n lẹ kún, bọ hànjitọ lẹ hẹn hànjinu lẹ do nọ nukọnna* ohàn pipà tọn lọ lẹ. Whenẹnu, Atalia tlẹ́n awù etọn lẹ bo dawhá dọmọ: “Sébibla! Sébibla wẹ!” 14  Ṣigba, Jehoiada yẹwhenọ lọ plan ogán omẹ kanweko tọn lọ lẹ tọ́njẹgbonu, yèdọ mẹhe yin dide do awhànpa lọ nù lẹ bo dọna yé dọmọ: “Mì de e sẹ̀ sọn ṣẹnṣẹn mìtọn, podọ eyin mẹdepope hodo e, mì yí ohí do hù mẹlọ!” Na yẹwhenọ lọ ko dọ dọ: “Mì hù i to ohọ̀ Jehovah tọn mẹ blo.” 15  Yé sọ wle e, podọ whenue e jẹ họntonu Họngbo Osọ́ lẹ tọn he to owhé* ahọlu tọn gbè, yé hù i to finẹ to afọdopolọji. 16  Jehoiada sọ basi alẹnu de to ewọ, gbẹtọ lọ lẹpo po ahọlu lọ po ṣẹnṣẹn, dọ yé na to omẹ Jehovah tọn lẹ yin zọnmii.+ 17  To enẹgodo, gbẹtọ lọ lẹpo wá ohọ̀* Baali tọn mẹ bo họ́ ẹ liai,+ yé sọ lì agbà etọn lẹ po boṣiọ etọn lẹ po pọ́dọ́pọ́dọ́+ bo hù Matani yẹwhenọ Baali tọn lọ+ to agbà lọ lẹ nukọn. 18  Whenẹnu wẹ Jehoiada ze azọngban nukunpipedo ohọ̀ Jehovah tọn go tọn do alọmẹ na yẹwhenọ lẹ po Levinu lẹ po, mẹhe Davidi ko de do pipli voovo mẹ do ohọ̀ Jehovah tọn ji nado nọ yí ayajẹ po ohàn po do basi avọ́sinsan mimẹ̀ Jehovah tọn lẹ+ sọgbe hẹ nuhe yin kinkan do Osẹ́n Mose tọn mẹ,+ dile Davidi ko na anademẹ etọn do.* 19  E sọ de họ̀njinọtọ+ lẹ do họngbo ohọ̀ Jehovah tọn tọn lẹ ji, na mẹdepope he yin mawé to aliho de kavi devo mẹ nikaa biọ e mẹ. 20  Todin, e pli ogán omẹ kanweko tọn lọ lẹ,+ omẹ nukundeji lẹ, ogán gbẹtọ lọ lẹ tọn lẹ gọna mẹhe to aigba lọ ji lẹpo bo plan ahọlu jẹte sọn ohọ̀ Jehovah tọn mẹ. Yé sọ gbọn họngbo aga tọn lọ nù wá owhé* ahọlu tọn gbè bo hẹn ahọlu nado sinai do ofìn+ ahọluduta lọ tọn ji.+ 21  Enẹwutu, mẹhe to aigba lọ ji lẹpo jaya bọ tòdaho lọ sọ vò, na yé ko yí ohí do hù Atalia wutu.

Nudọnamẹ Odò Tọn

Kavi “alẹnu.”
Kavi “họ̀nmẹ.”
To paa mẹ, “eyin e tọ́nyi podọ eyin e lẹkọwa.”
Awọ̀yinu pẹvi de he ogádetọ lẹ nọ saba hẹn.
Vlavo owe-hihá de he bẹ Osẹ́n Jiwheyẹwhe tọn hẹn.
Kavi “nọ na ohia na.”
Kavi “họ̀nmẹ.”
Kavi “tẹmpli.”
To paa mẹ, “gbọn alọ Davidi tọn gblamẹ.”
Kavi “họ̀nmẹ.”