Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Otànnugbo lẹ 18:1-34

NUHE E BẸHẸN LẸ

  • Kanṣiṣa Jehoṣafati tọn hẹ Ahabi (1-11)

  • Mikaia dọ dọdai awhànṣiṣi tọn (12-27)

  • Ahabi yin hùhù to Lamọti-giliadi (28-34)

18  Jehoṣafati sọ tindo adọkun susugege po gigo daho po,+ ṣigba e biọ kanṣiṣa alọwle tọn mẹ hẹ Ahabi.+  Enẹwutu to owhe delẹ godo, e jẹte yì Ahabi dè to Samalia+ bọ Ahabi yí lẹngbọ po oyìn susugege po do sanvọ́ do ota ewọ po mẹhe zọnhẹ ẹ lẹ po tọn mẹ. E sọ dotuhomẹna* ẹn nado hẹji yì funawhàn sọta Lamọti-giliadi.+  Ahọlu Ahabi Islaeli tọn dọna Ahọlu Jehoṣafati Juda tọn dọmọ: “Hiẹ na zọnhẹ mi yì Lamọti-giliadi ya?” E gblọnna ẹn dọmọ: “Mẹdopolọ wẹ yẹn po hiẹ po, podọ mẹdopolọ wẹ omẹ ṣie lẹ po omẹ towe lẹ po, yẹn nasọ nọgodona we to awhàn mẹ.”  Ṣigba, Jehoṣafati dọna ahọlu Islaeli tọn dọmọ: “Jaale, kàn ohó he Jehovah na dọ biọ whẹ́.”+  Enẹwutu, ahọlu Islaeli tọn bẹ yẹwhegán lẹ pli, yèdọ sunnu 400 bo dọna yé dọmọ: “Mí ni yì funawhàn hẹ Lamọti-giliadi ya, kavi yẹn ni hònúpla?” Yé dọmọ: “Hẹji yì, Jiwheyẹwhe nugbo lọ nasọ jo e do alọ ahọlu tọn mẹ.”  Jehoṣafati sọ dọmọ: “Yẹwhegán Jehovah tọn de ma tofi wẹ?+ Mì gbọ mí nisọ kanhose gbọn ewọ gblamẹ.”+  To whenẹnu, ahọlu Islaeli tọn dọna Jehoṣafati dọmọ: “Dawe devo de tin+ he gblamẹ mí sọgan kanhose Jehovah gbọn; amọ́ n’gbẹwanna ẹn, na e ma nọ dọ dọdai dagbe gando go e gbede, ṣigba ylankan kẹdẹ wẹ e nọ dọ to whelẹponu.+ Mikaia visunnu Imla tọn wẹ.” Ṣigba, Jehoṣafati dọmọ: “Ahọlu ni ma dọ mọ blo.”  Enẹwutu, ahọlu Islaeli tọn ylọ ahọluzọnwatọ họ̀nmẹ tọn de bo dọmọ: “Yawu yì plan Mikaia visunnu Imla tọn wá.”+  Todin, ahọlu Islaeli tọn po Jehoṣafati ahọlu Juda tọn po to aisinsin, dopodopo yetọn to ofìn etọn ji bo sọnú di ahọlu; yé to aisinsin to likun-flétẹn he to họntonu họngbo Samalia tọn bọ yẹwhegán lọ lẹpo to dọdai dọ to nukọn yetọn. 10  Zedekia visunnu Kẹnaana tọn sọ yí gànyuu do basi azò delẹ bo dọmọ: “Nuhe Jehovah dọ die, ‘Ehelẹ wẹ hiẹ na yí do sọ́* Silianu lẹ kaka hiẹ nado sukúndona yé.’” 11  Yẹwhegán he pò lẹpo sọ to dọdai dopolọ dọ dọmọ: “Hẹji yì Lamọti-giliadi, hiẹ nasọ tindo kọdetọn dagbe;+ Jehovah na jo e do alọ ahọlu tọn mẹ.” 12  Wẹnsagun he yì Mikaia ylọ gbé lọ dọna ẹn dọmọ: “Pọ́n! Ohó dagbe wẹ yẹwhegán lẹpo to pọmẹ dọna ahọlu. Jaale, gbọ ohó hiẹ lọsu tọn ni taidi yetọn nkọ,+ hiẹ nisọ dọho dagbe.”+ 13  Ṣigba, Mikaia dọmọ: “Dile Jehovah togbẹ̀, nudepope he Jiwheyẹwhe ṣie dọ wẹ yẹn na dọ.”+ 14  Ewọ sọ biọ họmẹ yì ahọlu dè bọ ahọlu kanse e dọmọ: “Mikaia, mí ni yì funawhàn hẹ Lamọti-giliadi ya, kavi yẹn ni hònúpla?” To afọdopolọji, e gblọn dọmọ: “Hẹji yì, hiẹ nasọ tindo kọdetọn dagbe; yé na yin jijodo alọ towe mẹ.” 15  Whenẹnu wẹ ahọlu dọna ẹn dọmọ: “Whla nẹmu wẹ yẹn na hẹn we whlé ma nado dọ nudevo na mi adavo nugbo lọ to oyín Jehovah tọn mẹ?” 16  Enẹwutu, e dọmọ: “N’mọ Islaelivi lẹpo bọ yé gbàdo to osó lẹ ji, taidi lẹngbọ he ma tindo lẹngbọhọtọ.+ Jehovah dọmọ: ‘Omẹ ehelẹ ma tindo klunọ. Gbọ dopodopo yetọn ni lẹkọyi owhé etọn gbè to jijọho mẹ.’” 17  Ahọlu Islaeli tọn sọ dọna Jehoṣafati dọmọ: “N’ma ko dọna we dai dọ, ‘E ma na dọ dọdai dagbe gando go e, adavo ylankan kẹdẹ’ ya?”+ 18  Mikaia sọ dọmọ: “Enẹwutu, dotó ohó Jehovah tọn: Yẹn mọ Jehovah to aisinsin to ofìn etọn+ ji bọ awhànpa olọn tọn lẹpo+ to ote to adusi po amiyọn etọn po.+ 19  Jehovah sọ dọ dọ, ‘Mẹnu wẹ na yì blẹ Ahọlu Ahabi Islaeli tọn, na ewọ nido hẹji yì Lamọti-giliadi bo ṣíawhàn?’ Mẹde nọ dọ ehe bọ omẹ diẹ nọ dọ devo. 20  Nudida gbigbọnọ*+ de sọ sẹwá bo nọte to Jehovah nukọn bosọ dọ dọ, ‘Yẹn na blẹ ẹ.’ Jehovah kanse e dọ, ‘Nawẹ hiẹ na wà ehe gbọn?’ 21  E gblọn dọmọ, ‘Yẹn na tọ́nyi bo na lẹzun gbigbọ oklọ tọn de to onù yẹwhegán etọn lẹpo tọn mẹ.’ Ewọ sọ dọmọ, ‘Hiẹ na blẹ ẹ bo na tlẹ sọ tindo kọdetọn dagbe. Tọ́nyi bo wàmọ.’ 22  Podọ todin, Jehovah ko ze gbigbọ oklọ tọn do onù yẹwhegán towe ehelẹ tọn mẹ,+ ṣigba Jehovah ko magbe nado hẹn nugbajẹmẹji wá ji we.” 23  Todin, Zedekia+ visunnu Kẹnaana tọn dọnsẹpọ bo hotómẹ+ na Mikaia+ bosọ dọmọ: “Aliho tẹ mẹ wẹ gbigbọ Jehovah tọn jo mi do bo dọhona we te?”+ 24  Mikaia gblọn dọmọ: “Pọ́n! Hiẹ na mọ aliho lọ to gbeegbe hiẹ na họ̀n whlá do abò homẹ tọn lọ mẹ.” 25  Ahọlu Islaeli tọn sọ dọmọ: “Mì ze Mikaia jo na Amọni ogán tòdaho lọ tọn po Joaṣi visunnu ahọlu tọn po. 26  Mì dọna yé dọ, ‘Nuhe ahọlu dọ die: “Mì ze dawe ehe do gànmẹ+ bo de akla po osin etọn po pò kakajẹ whenue yẹn na lẹkọwa to jijọho mẹ.”’” 27  Ṣigba, Mikaia dọmọ: “Eyin hiẹ lẹkọwa to jijọho mẹ, be Jehovah ma ko dọhona mi.”+ E sọ yidogọ dọmọ: “Mì doayi ehe go, mì gbẹtọ lẹpo emi.” 28  Ahọlu Islaeli tọn po Jehoṣafati ahọlu Juda tọn po sọ hẹji yì Lamọti-giliadi.+ 29  Todin, ahọlu Islaeli tọn dọna Jehoṣafati dọmọ: “Yẹn na diọ awusọhia ṣie whẹpo do yì awhàn, amọ́ hiẹ ni do awù ahọlu tọn towe.” Ahọlu Islaeli tọn sọ diọ awusọhia ede tọn, bọ yé yì awhàn. 30  Todin, ahọlu Silia tọn ko degbena awhàngán daho osọ́-kẹkẹ lẹ tọn etọn lẹ dọmọ: “Mì hoavùn hẹ mẹdepope blo, yèdọ omẹ pẹvi kavi omẹ daho, adavo ahọlu Islaeli tọn kẹdẹ.” 31  Tlolo he awhàngán daho osọ́-kẹkẹ lẹ tọn lọ lẹ mọ Jehoṣafati, yé dọna yedelẹ dọ: “Ahọlu Islaeli tọn die.” Enẹwutu, yé lẹ́ nado hoavùn hẹ ẹ; Jehoṣafati sọ jẹ awhádo ji na alọgọ, Jehovah sọ gọalọna ẹn,+ Jiwheyẹwhe lẹkọna yé sọn godo etọn to afọdopolọji. 32  Whenue awhàngán daho osọ́-kẹkẹ lẹ tọn lọ lẹ mọdọ e ma yin ahọlu Islaeli tọn wẹ ewọ, yé lẹ́ sọn godona ẹn to afọdopolọji. 33  Ṣigba gbọn kosọ dali,* sunnu dopo de ogá etọn bọ e jẹ ahọlu Islaeli tọn go to fie gbaja linlọ̀n etọn pé te. Enẹwutu, ahọlu dọna osọ́-kẹkẹ kùntọ etọn dọmọ: “Lilẹ́ bo plan mi sọn awhàngbenu,* na n’ko gbleawu taun.”+ 34  Avùn lọ sinyẹn taun to azán lọ blebu ji, bọ yè dona hẹn ahọlu Islaeli tọn go whẹpo e nido nọte to osọ́-kẹkẹ lọ mẹ pannukọn Silianu lẹ kakajẹ whèjai; ahọlu sọ wá kú to whenue owhè yihọ.+

Nudọnamẹ Odò Tọn

Kavi “diọlinlẹnna.”
Kavi “sisẹ́.”
Kavi “Angẹli.”
Kavi “to homẹvọ etọn mẹ.”
To paa mẹ, “osla lọ mẹ.”